বাৰে বাৰে প্ৰাণনাশৰ ধমকি আহিছে ছলমানলৈ৷ কেতিয়াবা যদি ছলমানৰ ঘৰৰ সন্মুখত গুলিচালনা কেতিয়াবা মুম্বাই আৰক্ষীলৈ আহিছে ছলমানক শেষ কৰি দিয়াৰ ধমকি৷ এই ধমকি বাৰে বাৰেই আহিছে বিষ্ণোই গেঙৰ পৰা৷ ছলমানত প্ৰাণ মাৰিহে যেন ক্ষান্ত হ’ব এই গেং৷ কেৱল ছলমানেই নহয়৷ ভাইজানৰ কাষৰ মানুহবোৰৰ ওপৰতো কাঢ়া নজৰ দিছে বিষ্ণোই গেঙে৷ শেহতীয়াকৈ ছলমানলৈ অহা ধমকিৰ পাছতেই ২ কোটি টকাৰ বিশেষ বাহন কিনিলে ছলমান খানে৷
লৰেন্স বিষ্ণোই গেং ছলমানৰ পিছত লাগি থকাৰ বাবে ভাইজানৰো টেনছন বাঢ়িছে৷ ছবিৰ শ্বুটিঙলৈ গ’লেও লগত থাকে কাঢ়া নিৰাপত্তা৷ কেইবাগৰাকীও নিৰাপত্তাৰক্ষী থাকে তেওঁলোকৰ কাষত৷ বাটত চলাফিৰা কৰাৰ সময়ত যাতে কোনো অসুবিধা নহয় তাৰবাবে বুলেট প্ৰুফ বাহন ক্ৰয় কৰিছে ছলমান খানে৷
এই বিশেষ বাহনখন ছলমানে আনিছে ডুবাইৰ পৰা৷ ৫ কোটি টকা নিদিলে বাবা ছিদ্দিকিতকৈয়ো বেয়াকৈ ছলমানক হত্যা কৰাৰ হুংকাৰ দিছে বিষ্ণোই গেঙে৷ মুম্বাই ট্ৰেফিক পুলিছৰ হোৱাটছএপত ছলমানক হত্যা কৰাৰ ধমকি দিয়া মেছেজ দিছে বিষ্ণোই গেঙে৷ আৰু সেই চিঠিতেই স্পষ্টকৈ লিখা আছে যে ছলমানক তেওঁলোকেই হত্যা কৰিব৷ কৃষ্ণসাৰ হৰিণ হত্যাৰ প্ৰতিশোধ ল’ব বিষ্ণোই গেঙে৷
যেনেকৈয়ে নহওক কিয় ভাইজানৰ প্ৰাণনাশ কৰাই বিষ্ণোই গেঙৰ লক্ষ্য সেই কথা বাৰে বাৰে কৈ আহিছে লৰেন্স বিষ্ণোই গেঙে৷ এই গেঙৰ ধমকিৰ বাবেই ভাইজানৰ নিৰাপত্তা আৰু কটকটীয়া কৰা হৈছে৷ বিগ বছৰ শ্বুটিং চেটতো ৬০ নিৰাপত্তাৰক্ষী ছলমানৰ বাবেই থাকে৷ এই নিৰাপত্তাবেষ্টনীৰ মাজতেই ছলমানৰ শ্বুটিং চলিছে৷ বৃহস্পতিবাৰে গভীৰ নিশা বিগবছৰ শ্বুটিংৰ বাবে গৈছিল ছলমান৷ তেতিয়াও নিৰাপত্তা বেষ্টনীৰ মাজেৰে গৈছে ছলমান খান৷ সেই ছেটত ছলমানৰ বাবে নিৰ্ধাৰিত ঘৰৰ মাজত সৰ্বক্ষণ আছে নিৰাপত্তাকৰ্মী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
