নিশা বিদ্যুৎ আৰু ইণ্টাৰনেট কৰ্তন কৰিও ফল পোৱা নাই! সন্তান জন্মৰ হাৰ বঢ়াবলৈ নতুন মন্ত্ৰণালয় খুলি কি কৈছে ৰুছ চৰকাৰে?

এফালে যুদ্ধ৷ অন্যহাতে তৰুণ-তৰুণীসকলৰ সন্তানধাৰণত অনীহা৷ ফলত হু হুকৈ কমিছে জন্মৰ হাৰ৷ সেই পৰিসংখ্যাক লৈ এতিয়া চকু কপালত উঠিছে ৰুছ প্ৰেছিডেণ্ট ভ্লাডিমিৰ পুটিনৰো৷ পৰিস্থিতি নিয়ন্ত্ৰণত আনিবলৈ নতুন মন্ত্ৰণালয় তৈয়াৰৰ পৰিকল্পনা কৰিছে৷ সূত্ৰৰ খবৰ অনুসৰি যুৱক যুৱতীসকলৰ মাজত যৌন আকাংক্ষা তৈয়াৰৰ কাম কৰিব মস্কোৰ এই নতুন মন্ত্ৰণালয়ে৷

সন্তানধাৰণৰ বাবে নৱপ্ৰজন্মক উৎসাহিত কৰাই এই মন্ত্ৰণালয়ৰ প্ৰধান লক্ষ্য৷ যাৰ দায়িত্বত আছে প্ৰেছিডেণ্ট পুটিনৰ বিশ্বস্ত এগৰাকী মন্ত্ৰী৷ ২০২২ চনৰ ২৪ ফেব্ৰুৱাৰীত ইউক্ৰেইন আক্ৰমণ কৰিছে ৰাছিয়াই৷ তাৰপাছৰে পৰাই এই যুদ্ধ অব্যাহত আছে৷ দুবছৰৰো বেছি সময় ধৰি চলা এই যুদ্ধত বহু ৰুছ সৈনিকৰ মৃত্যুও হৈছে৷ ব্ৰিটিছ গণমাধ্যমসমূহৰ দাবী, নিহতৰ সংখ্যা ইতিমধ্যোই ৬লাখ পাৰ হৈছে৷

যুদ্ধ আৰম্ভ হোৱাৰ ঠিক ২বছৰ পূৰ্বে কৰ’না মহামাৰীৰ বাবে পৃথিৱীৰ অন্য দেশসমূহৰ দৰে ক্ষতবিক্ষত হৈছে ৰাছিয়াও৷ প্ৰাণ হেৰুৱাইছে বহু লোকে৷ ২০২১ চনত টিকা অহাৰ পূৰ্বে প্ৰাণ হেৰুৱাইছে বহুজনে৷ এইসমূহ ক্ষতস্থানৰ বাবেই আজি জনসংকটত পৰিছে ৰাছিয়া৷ তাৰমাজতেই আকৌ নতুন প্ৰজন্মৰ সন্তান ধাৰণৰ প্ৰতি অনিহাই চিন্তাত পেলাইছে ৰুছ প্ৰেছিডেণ্ট পুটিনক৷

জনসংখ্যা বৃদ্ধিৰ বাবে ২০২২ চনৰ আগষ্টতেই বৃহৎ ঘোষণা কৰিছিল প্ৰেছিডেণ্ট পুটিনে৷ ১০বা তাতোকৈ বেছি সন্তান জন্ম দিলে চৰকাৰৰ তৰফৰ পৰা মোটা অংকৰ ধন উপহাৰ দিয়া হ’ব বুলি ঘোষণা কৰিছিল পুটিনে৷ তাৰপিছতো আগুৱাই অহা নাই নৱপ্ৰজন্ম৷ ক্ৰেমলিনৰ পৰা জাৰি কৰা এক বিজ্ঞাপ্তিত কোৱা হৈছে যে দশম সন্তানৰ প্ৰথম জন্মদিনত মাতৃ-পিতৃক চৰকাৰে ১০ ৰুবেল উপহাৰ দিব চৰকাৰে৷ অৱশ্যে সেই সময়ত অন্যান্য ৯টা সন্তানো জীৱিত থাকিব লাগিব৷,তেতিয়াহে এই অৰ্থ লাভ কৰিব৷ ভাৰতীয় মুদ্ৰাত এই ধনৰ পৰিমান প্ৰায় ১৩ লাখ টকা৷ ৰুছ ৰাজনৈতিক বিশেষজ্ঞ জেনি মাৰ্থাছে জনাইছে, ছোভিয়েট যুগত সন্তান উৎপাদন বৃদ্ধিৰ বাবে এই ধৰণৰ প্ৰকল্প আছিল৷ যাৰ পোছাকি নাম আছিল ‘মাদাৰ হিৰোইন৷’

১৯৪৪ চনৰ পৰা ১৯৯১ চন পৰ্যন্ত আছিল এই প্ৰকল্প৷ দেশৰ জনসংখ্যা কমি যোৱাৰ বাবে আকৌ সেই প্ৰকল্পকে আৰম্ভ কৰিব খুজিছে ৰুছ প্ৰেছিডেণ্ট পুটিনে৷ পুটিনে আৰম্ভ কৰা এই প্ৰকল্পই ৰুছ তৰুণীসকলৰ মনত দাগ কাটিব পাৰিবনে সেয়া পৰবৰ্তী সময়তহে জানিব পৰা যাব যদিও এইবাৰ আন এক পৰিকল্পনাও আনিছে পুটিনে৷

ৰাছিয়াত ঠিক ১০ বজাৰ পৰা নিশা ২বজালৈকে ইণ্টাৰনেট বন্ধ ৰখা হ’ব৷ যৌন মিলনৰ বাবে এক আদৰ্শ সময় বুলি এই সময়ক চিহ্নিত কৰিছে পুটিন প্ৰশাসনে৷ মস্কোৰ কৰ্তাসকলৰ যুক্তি যে নিশা দীৰ্ঘক্ষণ ধৰি ইণ্টাৰনেট ব্যৱহাৰৰ সুযোগ থাকিলে তৰুণ তৰুণীসকলৰ মনত বিভিন্ন ভাৱে ক্ৰিয়া কৰে৷ ফলত সংগমৰ উৎসাহ হেৰাই যায়৷ কিন্তু এইদৰে নিশাৰ ভাগত দীৰ্ঘদিন ইণ্টাৰনেট আৰু পোহৰ বন্ধ ৰখা সম্ভৱ নহয় সেইকথাও বুজি উঠিছে ৰুছ প্ৰশাসনে৷ যাৰবাবে তেওঁলোকে বিকল্পৰো সন্ধান অব্যাহত ৰাখিছে৷

এইবছৰৰ ছেপ্টেম্বৰ মাহত কৰ্মক্ষেত্ৰত মধ্যাহ্নভোজ আৰু কফি বিৰতিৰ সময়তো সংগমৰ পৰামৰ্শ দিছিল ৰুছ প্ৰেছিডেণ্ট পুটিনে৷ সেই ঘোষণাৰ পাছতেই পৃথিৱীজুৰি হৈ চৈয়ো লাগিছিল৷ সেই সুৰত সুৰ মিলাই ৰুছ স্বাস্থ্যমন্ত্ৰী ইয়েভজেনি শেস্তোপলোভেই কৈছিল এই সময়তেই সংগম কৰক৷ কিন্তু চাকৰিয়াল তৰুণ তৰুণীসকলো সেই নিয়মো মানি চলা নাই৷

পশ্চিমি সংবাদমাধ্যম, ‘মেট্ৰো’ৰ প্ৰতিবেদন অনুসৰি ৰাছিয়াৰ জন্মহাৰ বৰ্তমান মহিলাসকলৰ বাবেই পিছুৱাইছে৷ ৰাছিয়াত কমি গৈছে মহিলাৰ সংখ্যাও৷ মহিলা আৰু পুৰুষৰ অনুপাত এতিয়া ১.৫৷ যি সংখ্যা ২.১ কৰিবলৈ চেষ্টা চলাইছে ৰুছ প্ৰেছিডেণ্টে৷ কেনেকৈ ৰুছ তৰুণ-তৰুণীসকলক সংগম আৰু সন্তানধাৰণৰ বাবে উৎসাহিত কৰিব পাৰি তাৰবাবেই সকলোধৰণৰ প্ৰচেষ্টা চলাই আছে চৰকাৰে৷ ইতিমধ্যেই যৌন মন্ত্ৰণালয়ে জন্মহাৰ বঢ়াবলৈ আনিছে বিভিন্ন উপায়৷ বিয়াৰ নিশা মধুচন্দ্ৰিমাৰ বাবে হোটেল বুকিঙৰ ধৰো চৰকাৰৰ পৰা দিয়াৰ ইচ্ছা এতিয়া পুটিন চৰকাৰৰ৷

উল্লেখ্য যে পূৰ্ব ইউৰোপৰ এখন দেশত বিভিন্ন এলেকাত ইতিমধ্যেই সন্তান জন্ম দিয়া দম্পত্তিক টকা দিয়া হৈছে৷ সেই তালিকাত প্ৰথমেই আছে খবৰভস্কৰ নাম৷ তাতেই মাতৃত্বৰ স্বাদ পোৱা ১৮ৰ পৰা ২৩ বছৰীয়া তৰুণীয়ে লাভ কৰিছে চৰকাৰৰ পৰা ধন৷ ৰাছিয়াৰ চেলিয়াবিনস্ক অঞ্চলত ২৪ বছৰৰ তলত মাতৃ হোৱা মহিলাসকলক দিয়া হৈছে ৮৫০০ পাউণ্ডকৈ৷ এই বৰ্ষৰ ডিচেম্বৰত এই ধন বৃদ্ধি কৰিব বুলিও জনাইছে পুটিন চৰকাৰে৷

ৰাছিয়াত বৰ্তমান বিনামূলীয়াকৈ মহিলাসকলক প্ৰজনন ক্ষমতা পৰীক্ষা কৰোৱাৰো ব্যৱস্থা কৰা হৈছে৷ ইয়াৰোপৰি নিষিদ্ধ হৈছে গৰ্ভপাত৷ আগন্তুক দিনত এই সমস্ত কাম চাব যৌন মন্ত্ৰণালয়ে৷ ৰাছিয়াৰ দৰেই জন্মহাৰ কমি যোৱাৰ সমস্যাত ভূগিছে দক্ষিণ ইউৰোপৰ দেশ ইটালিও৷ ইটালিৰ চৰকাৰে তৰুণ তৰুণীক উৎসাহিত কৰিবলৈ চৰকাৰীভাৱে ধন আৰু ঘৰ উপহাৰ দিয়াৰ কথা ঘোষণা কৰিছে৷ জন্মহাৰ হ্ৰাস পোৱাৰ বাবে এক সন্তান নীতি উঠাই লৈছে চীনেও৷ এই সময়ত পৃথিৱীৰ বৃহত্তম জনসংখ্যাৰ দেশতো বাঢ়িছে বন্ধাত্ব্যৰ সমস্যা৷ শিশু জন্মৰ হাৰ কমিছে জাপান আৰু দক্ষিণ কোৰিয়াতো৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ