অস্কাৰজয়ী এ আৰ ৰহমানৰ ঘৰ ভাঙিল৷ ২৯ বছৰ বয়সত তেওঁৰ পত্নী ছায়ৰাৰ সৈতে বিচ্ছেদ ঘোষণা কৰিছে এ আৰ ৰহমানে৷ মঙ্গলবাৰে নিশা এই খবৰ সামাজিক মাধ্যমত ভাইৰেল হৈ পৰিছে৷ সামাজিক মাধ্যমত ইতিমধ্যেই ভাইৰেল হৈ পৰিছে এই খবৰ৷ ৫৭ বছৰ বয়সীয়া এ আৰ ৰহমানে ১৯৯৫ চনত বিয়া কৰাইছিল ছায়ৰা বানুক৷ তেওঁলোকৰ ৩টাকৈ সন্তানো আছে৷ ২ কন্যাৰ নাম ক্ৰমে খাতিজা আৰু ৰহিমা৷ পুত্ৰৰ ৰাম আমিন৷ নিজৰ বিয়াৰ বাবে মাতৃৰ পৰা এদিন ধন ধাৰে লোৱা এ আৰ ৰহমান আজি অৱশ্যে হাজাৰ কোটিৰ মালিক৷
সেই সময়ত কামৰ বাবেই হাতত সময় খুব কম আছিল এ আৰ ৰহমানৰ৷ সেই সময়তেই ছায়ৰাৰ সৈতে বিবাহ ৰহমানৰ৷ এক ধৰ্মীয় স্থানত বোৱাৰীয়েকক দেখা পাইছিল এ আৰ ৰহমানৰ মাতৃয়ে৷ তাতেই সন্তানৰ বাবে ছায়েৰাক পছন্দ কৰিছিল এ আৰ ৰহমানৰ মাতৃয়ে৷ মাতৃয়ে পছন্দ কৰা ছায়ৰাকেই বিয়া কৰালে ৰহমানে৷
আজি এ আৰ ৰহমানক চিনি নোপোৱা মানুহ বিশ্বত হয়তো কমেই ওলাব৷ বিশ্বৰ অন্যতম সফল সংগীতশিল্পী তেওঁ৷ সংগীত জগতত উত্থানৰ লগে লগেই আৰ্থিক দিশতো তেওঁৰ যথেষ্ট উত্থান হৈছে৷ এ আৰ ৰহমান বিশ্বৰ অন্যতম সফল সংগীতশিল্পী হোৱাৰ ওপৰিও অন্যতম ধনী এগৰাকী ব্যক্তিও৷ তেওঁৰ সম্পত্তিৰ পৰিমান এতিয়া প্ৰায় হাজাৰ কোটি৷
এ আৰ ৰহমানে এটা গান কৰিবলৈকে প্ৰায় ৩কোটি ধন লয় বুলি এক প্ৰতিবেদনত প্ৰকাশ পাইছিল৷ অন্য কোনো ভাৰতীয় গায়কৰ তুলনাত এয়া প্ৰায় ১৫গুণ বেছি৷ বৰ্তমান এ আৰ ৰহমানৰ মুঠ সম্পত্তিৰ পৰিমান প্ৰায় ১৭২৮ কোটি টকা৷ ষ্টাৰ্টআপছ মিডিয়াত এক ইনষ্টাগ্ৰাম পষ্টত কোৱা হৈছে যে এ আৰ ৰহমান সকলোতকৈ ধনী সংগীতশিল্পী৷ এতিয়া সকলোৰে মনলৈ আহিছে বিচ্ছেদৰ পাছত তেওঁৰ পত্নীয়ে কিমান সম্পত্তি লাভ কৰিব?
সম্প্ৰতি ইছলাম বিবাহ বিচ্ছেদক লৈ এক সিদ্ধান্ত লৈছে উচ্চতম ন্যায়ালয়ে৷ বিবাহ এক চুক্তি৷ ইয়াৰ আওঁতাত যৌতুকৰ পৰিমাণ নিৰ্ধাৰণ কৰা হয়৷ বিবাহ বিচ্ছেদৰ ক্ষেত্ৰত, মহিলাই এই পৰিমাণেই যৌতুক পায়৷ এই অৱস্থাত এ আৰ ৰহমানৰ সৈতে ছায়ৰাৰ বিবাহ বিচ্ছেদৰ পাছত তেওঁ কেৱল যৌতুকৰ পৰিমাণহে পাব৷ অৱশ্যে কিমান ধন পাব সেই কথা আইনী বিচ্ছেদৰ সময়তহে জানিব পৰা যাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
