অতিকে শোকাৱহ, বাছ-ট্ৰাকৰ মুখামুখি সংঘৰ্ষত ৫ নিহত, ১৫ৰো অধিক আহত
উত্তৰ প্ৰদেশৰ আলিগড় জিলাত সংঘটিত হৈছে এক এক অতিকে শোকাৱহ পথ দুৰ্ঘটনা। এই দুৰ্ঘটনাত ৫ জন লোকৰ মৃত্যু হোৱাৰ বিপৰীতে ১৫ জনতকৈ অধিক লোক আহত হৈছে। আহতসকলক বৰ্তমানে চিকিৎসালয়ত ভৰ্তি কৰোৱা হৈছে।
তথ্য অনুসৰি বুধবাৰে পুৱা প্ৰায় ১ মান বজাত আলিগড়ৰ টাপ্পাল থানা এলেকাৰ যমুনা এক্সপ্ৰেছৱেত এখন ট্ৰাক আৰু এখন ডাবল ডেকাৰ বাছৰ মাজত প্ৰচণ্ড জোৰে সংঘৰ্ষ হয়। এই দুৰ্ঘটনাত ৫জন যাত্ৰীৰ ঘটনাস্থলীতে মৃত্যু হোৱাৰ বিপৰীতে অন্য ১৫জন যাত্ৰী আহত হয়।
তথ্য লাভ কৰা হৈছে যে প্ৰতাপগড়ৰ কৃষ্ণ ট্ৰেভেলছৰ ডাবল ডেকাৰ বাছখন দিল্লীৰ পৰা আজমগড় আৰু মৌলৈ গৈ আছিল। বাছখন যমুনা এক্সপ্ৰেছৱেৰ ৫৬ নম্বৰ পইণ্টত উপস্থিত হোৱাৰ লগে লগে পিছফালৰ পৰা এখন ট্ৰাকত প্ৰচণ্ড জোৰে খুন্দা মাৰে।
যি দুৰ্ঘটনাৰ ফলত বাছখন বহু দূৰৈত চিটিকি পৰে। এই দুৰ্ঘটনাত ৫জন যাত্ৰীৰ মৃত্যু হয়। আনহাতে ১৫ জন যাত্ৰী আহত হয়। আহতক চিকিৎসালয়ত ভৰ্তি কৰা হৈছে।
দুৰ্ঘটনাত প্ৰাণ হেৰুওৱা লোকসকলৰ ভিতৰত আছে ২৫ বছৰীয়া এগৰাকী মহিলা, তেখেতৰ পাঁচ মহীয়া পুত্ৰ, প্ৰতাপগড়ৰ তিনিজন লোক। নিহতসকলৰ ভিতৰত আছে এগৰাকী মহিলা, তিনিজন পুৰুষ আৰু এটা নিৰীহ শিশু।
জানিব পৰা মতে এক্সপ্ৰেছৱেত বাছখন তীব্ৰ বেগেৰে গতি কৰি আছিল। হঠাৎ চালকজনে বাছখনৰ ওপৰত নিয়ন্ত্ৰণ হেৰুৱাই পেলাই। ট্ৰাকখনৰ সৈতে খুন্দা মৰাৰ ফলত বাছখনৰ সন্মুখৰ অংশটো বেয়াকৈ ক্ষতিগ্ৰস্ত হয়। দুৰ্ঘটনাটোৰ পিছতে বাছখনত আবদ্ধ হৈ থকা লোকসকলক খিৰিকী ভাঙি বাহিৰলৈ উলিয়াই অনা হয়।
দুৰ্ঘটনা সংঘটিত হোৱাৰ সময়ত আটাইকেইজন যাত্ৰী গভীৰ টোপনিত আছিল। সন্মুখৰ আসনত বহি থকা লোকসকলৰ থিতাতে মৃত্যু হয়। অৱশ্যে পিছফালে বহি থকা লোক কোনো অধিক আহত হোৱাৰ লগতে কোনো কোনো লোক সামান্য পৰিমানে আহত হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
