জামা মছজিদ জৰীপৰ সময়ত হঠাতে হাহাকাৰ, মুহুৰ্ততে উপস্থিত ১০০০ প্ৰতিবাদী, দেশজুৰি চাঞ্চল্য
উত্তৰ প্ৰদেশৰ সম্বলস্থিত জামা মছজিদক লৈ এক বৃহৎ হুলস্থুল আৰম্ভ হৈছে। মছজিদ জৰীপৰ বাবে যাওতেই এই সংঘৰ্ষৰ সৃষ্টি হয়। আজি ২৪ নৱেম্বৰ দেওবাৰে পুৱা ৬ বজাত সম্বলত জামা মছজিদৰ জৰীপৰ সময়ত হাহাকাৰ হোৱাত শেষত শিলাবৰ্ষণ, আৰক্ষীৰ লাঠিচাৰ্জ, বাহনত অগ্নি সংযোগ আদিৰ দৰে হিংসাত্মক ঘটনা সংঘটিত হয়।
শেষলৈ ইমানেই অশান্তিৰ সৃষ্টি হয় যে আৰক্ষীয়ে প্ৰথমে কন্দুৱা গেছ নিক্ষেপ কৰে পিছত লাঠী চাৰ্জ কৰি প্ৰতিবাদী ৰাইজক ছত্ৰভংগ দিবলৈ চেষ্টা কৰে। কিন্তু পৰিস্থিতি এতিয়াও নিয়ন্ত্ৰণৰ বাহিৰত।
এই হুলস্থুলৰ সামান্য আৰম্ভ হোৱাৰ পিছতে হঠাৎ কৰবাৰ পৰা ১০০০ জনীয়া ভিৰ ঘটাস্থলীত উপস্থিত হৈ পৰিস্থিতি আৰু অধিক বেয়াৰ ফালে লৈ যায়। মছজিদ জৰীপৰ সময়তে এই গটনা সংঘটিত হয়ষ
জৰীপ কৰিবলৈ বাধা দি প্ৰতিবাদকাৰীয়ে বিপুল পৰিমাণৰ শিলগুটি নিক্ষেপ কৰিবলৈ ধৰে। হঠাতে ইমান শিল ঘটনাস্থীলত অহাটো দেখাত এনে যেন, প্ৰতিবাদকাৰী আগৰ পৰাই প্ৰস্তুৰ, বহু আগতেই এনেদৰে বহু শিল প্ৰস্তুত কৰা যেন লাগে।
জিলাখনৰ সমান্তৰালকৈ সম্বলত এই হুলস্থুলৰ পাছত উত্তৰ প্ৰদেশ আৰক্ষীও সজাগ হৈ পৰে। ওচৰৰ আৰক্ষী থানাৰ পৰা অতিৰিক্ত আৰক্ষী বাহিনীকো পৰিস্থিতি নিয়ন্ত্ৰণৰ বাবে মাতি অনা হৈছে।
ঘটনা সন্দৰ্ভত জানিব পৰা মতে, আজি ২৪ নৱেম্বৰৰ পুৱা ৬ মান বজাত ডি এম-এছ পিৰ সৈতে এটা দল জামা মছজিদৰ জৰীপ কৰিবলৈ আহিছিল। পুৱাই দলটো দেখি ওচৰৰ মুছলমান সমাজে আপত্তি দৰ্শাই আৰপ ছুটীৰ দিনত ইমান পুৱা কিয় এই সমীক্ষা চলোৱা হৈছে বুলি প্ৰশ্ন কৰে। কিন্তু জৰীপৰ বাবে যোৱা দলটোই এই জৰীপ হোৱাৰ কথা প্ৰকাশ কৰাৰ লগে লগে ক্ষোভিত হৈ পৰে মুছলমান সমাজ।
কিছু সময়ৰ ভিতৰতে হাজাৰৰো অধিক লোক জামা মছজিদৰ বাহিৰত উপস্থিত হয়। লগতে মছজিদৰ ভিতৰলৈ জৰীপৰ বাবে যোৱাত বাধা দি আছিল ভিৰে। আৰক্ষীয়ে ৰখাবলৈ চেষ্টা কৰাত একাংশ লোকে আৰক্ষীলৈ বুলি শিলগুটি নিক্ষেপ কৰে। হঠাতে শিলগুটি নিক্ষেপ কৰাত পলায়ন কৰিবলগীয়া হয় আৰক্ষী।
জৰীপৰ সময়ত হোৱা হুলস্থুলৰ তথ্য লাভ কৰাৰ লগে লগে আৰক্ষী বাহিনী আৰু প্ৰশাসনৰ দলো আহিবলৈ আৰম্ভ কৰে। আৰক্ষীয়ে লাঠিচাৰ্জ কৰি ৰাইজক ছত্ৰভংগ দিয়ে। হুলস্থুলৰ সৃষ্টি কৰা লোকসকলক ছত্ৰভংগ দিবলৈ আৰক্ষীয়ে কন্দুৱা গেছৰো প্ৰয়োগ কৰে।
উল্লেখ্য যে, আদালতলৈ গৈছে সম্বলৰ জামা মছজিদৰ গোচৰ। হিন্দু পক্ষই সেই স্থানত হৰিহৰ মন্দিৰ ভাঙি জামা মছজিদ নিৰ্মাণ কৰা বুলি দাবী কৰিছিল। যাৰ পিছতে আদালতে জামা মছজিদৰ জৰীপৰ বাবে নিৰ্দেশ দিছিল। এই নিৰ্দেশতে ডি এম-এছ পিকে ধৰি এটা দলে পুৱাই জামা মছজিদত উপস্থিত হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
