বিয়াৰ বাবে সাজু তমন্না-বিজয়, কেৱল অপেক্ষা এটা বিশেষ কাৰণৰ বাবে
আজিকালি বলীউডৰ অভিনেতা বিজয় ভাৰ্মা ছবিতকৈ ব্যক্তিগত জীৱনৰ বাবে বেছি চৰ্চিত হৈ পৰিছে। কিয়নো বিজয়ে দীৰ্ঘদিন ধৰি ভাৰতীয় ছবিজগতৰ মোহময়ী অভিনেত্ৰী তমন্না ভাটিয়াৰ সৈতে প্ৰেমৰ সম্পৰ্কত আছে।
অনুৰাগীসকলেও তাৰকাদ্বয়ৰ প্ৰেমৰ সম্পৰ্ক বৰ ভাল পায়। এনে পৰিস্থিতিত বহু অনুৰাগীয়ে বিচাৰে যে দম্পতীহালে অতি সোনকালে বিবাহপাশত আবদ্ধ হওক।
সেই সকলোবোৰৰ মাজতে তমান্না আৰু বিজয়ৰ বিবাহ সন্দৰ্ভত আহিছে এটা ভাল খবৰ। শেহতীয়া খবৰ অনুসৰি অতি শীঘ্ৰেই দুয়ো বিবাহ পাশত আবদ্ধ হ’বলৈ ওলাইছে। কেৱল প্ৰয়োজন মন পছন্দৰ এটা ঘৰৰ।
দক্ষিণৰ এক সংবাদ মাধ্যমত প্ৰকাশিত এক প্ৰতিবেদন অনুসৰি তামান্না আৰু বিজয়ে মুম্বাইত এটা বিলাসী ঘৰ বিচাৰি আছে আৰু ২০২৫ চনৰ দুয়ো বিবাহ পাশত আবদ্ধ হব। বিয়াৰ পিছতে দুয়োজনে সেই নতুন ঘৰলৈ স্থানান্তৰিত হ’ব।
অৱশ্যে এই খবৰ সন্দৰ্ভত দম্পতীহালৰ পৰা কোনো নিজা বক্তব্য প্ৰকাশ পোৱা নাই। এই খবৰৰ পিছত অনুৰাগীসকলো যথেষ্ট উৎসাহিত হোৱা পৰিলক্ষিত হৈছে। এতিয়া সময়তহে দেখা যাব, কেতিয়াকৈ বিয়াত বহে তাৰকাযুটি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
