অষ্ট্ৰেলিয়াৰ বিৰুদ্ধে দ্বিতীয়খন টেষ্টত ভাৰতীয় দলৰ হৈ কোনে কৰিব অপেনিং, ৰোহিত শৰ্মাই কৰিলে সদৰি
ভাৰতীয় অধিনায়ক ৰোহিত শৰ্মাই দ্বিতীয়খন টেষ্ট মেচৰ পূৰ্বে সংবাদ মাধ্যমৰ সৈতে মত বিনিময় কৰি কয় যে তেওঁ কেৱল মিডল অৰ্ডাৰতহে বেটিং কৰিব। লগতে ইয়াকো কয় যে, দ্বিতীয়খন টেষ্টত কে এল ৰাহুল আৰু যশস্বী জয়ছৱালে ভাৰতৰ হৈ বেটিং মুকলি কৰিব। উল্লেখ্য যে, পাৰ্থ টেষ্ট মেচত অ’পেনিং বেটছমেন হিচাপে ৰাহুলে ভাল প্ৰদৰ্শন আগবঢ়াইছিল।
ৰোহিতে কয়, ‘কে এল ৰাহুলে ইনিংছ মুকলি কৰিব আৰু মই মিডল অৰ্ডাৰত বেটিং কৰিম। কে এলৰ বেটিং কৰাৰ ধৰণ ভল। কোনো পৰিৱৰ্তনৰ প্ৰয়োজন নাই বুলি মই ভাবো। ভৱিষ্যতে কথাবোৰ বেলেগ হ’ব পাৰে। কিন্তু ৰাহুলে বিদেশী পিটচত যিদৰে বেটিং কৰে, এই সময়ত তেওঁ সেই স্থানৰ যোগ্য।”
যদি ৰাহুলে অ’পেন কৰে তেন্তে ৰোহিত শৰ্মাই পাঁচ আৰু ছয় নম্বৰত বেটিং কৰিব পাৰে। এই ভূমিকা তেওঁৰ বাবে নতুন নহয়। ৬ নম্বৰ স্থানত তেওঁৰ প্ৰদৰ্শনো অতি উত্তম। ছয় নম্বৰত বেটিং কৰি ৰোহিত শৰ্মাই গড়ে ৫৪.৫৭ ৰান কৰি ১০৩৭ ৰান সংগ্ৰহ কৰিছে, য’ত তিনিটা শতক আৰু ছয় পঞ্চাশক অন্তৰ্ভুক্ত কৰা হৈছে।
ৰোহিত শৰ্মাই ২০১৯ চনৰ পৰা মুকলি কৰিবলৈ আৰম্ভ কৰে। এই সময়ছোৱাত তেওঁ ৬৪ ইনিংছত ৯ শতকৰে ২৬৮৫ ৰান সংগ্ৰহ কৰে। বৰ্তমান তেওঁ ভাৰতৰ হৈ সৰ্বাধিক ৰান সংগ্ৰহ কৰা বেটছমেনো।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
