জনসংখ্যা বঢ়াব লাগিব৷ সেয়ে সপ্তাহত কামৰ সময় বান্ধি দিয়া হ’ল মাত্ৰ ৪দিন৷ বাকীকেইদিন থাকিব ছুটী৷ এই ঘোষণা জাপান চৰকাৰৰ৷ চৰকাৰী কৰ্মচাৰীসকলৰ বাবে অভিনৱ পন্থা হৈছে সেই দেশৰ চৰকাৰে৷ নতুন বছৰৰ পৰা এই নিয়ম কাৰ্যকৰী হ’ব বুলিও জনাইছে টকিঅ’ৰ গভৰ্নৰ ইউৰিকো কোইকে৷ তেওঁ জনাইছে যে অতিৰিক্ত কাম কৰাৰ বাবে শিশুৰ জন্ম আৰু জন্মৰ আগেপিছে যত্ন লোৱাৰ বাবে সময়ৰ নাটনিৰ বাবেই বহুতে সন্তান জন্ম দিব নোখোজে৷ সেয়ে আগন্তুক বৰ্ষৰ এপ্ৰিলৰ পৰা এই নতুন নিয়ম আৰম্ভ কৰিবলৈ সিদ্ধান্ত লোৱা হৈছে৷
জাপানৰ সাধাৰণ অধিবেশনত এই কথা জনাইছে গভৰ্ণৰে৷ এই নতুন নীতিৰ লক্ষ্যই হৈছে জাপানী দম্পত্তিসকলক সন্তানধাৰণত উৎসাহিত কৰা৷ জাপানত প্ৰজননৰ হাৰ বৰ্তমান কমিবলৈ ধৰিছে৷ ৰিপৰ্টে দাবী কৰা অনুসৰি বিগত বছৰৰ হিচাপত এই প্ৰজননৰ হাৰ কমি ১.২ হৈছেগৈ৷ যি যথেষ্ট শংকাৰ কাৰণ৷ দেশৰ জনসংখ্যা বঢ়াব বিচাৰিলে এই হাৰ অন্তত ২.১ কৰিব লাগিব৷ ইয়াৰ বাবে দেশৰ যুৱক যুৱতীসকলে বেছিকৈ অন্তৰংগ সময় কটাব লাগিব৷ কিন্তু কামৰ চাপ বা অভাৰ টাইমত পৰি সেয়া হৈ উঠা নাই৷ বিগত বছৰ সেই দেশত মাত্ৰ ৭লাখ ৭০০ হাজাৰ ২৭০ শিশুৰ জন্ম হৈছে৷ মহিলাসকলো যথেষ্ট কেৰিয়াৰ সচেতন হৈ উঠাৰ বাবে তেওঁলোকে পৰিয়াল আৰু কেৰিয়াৰৰ মাজত বাচি লৈছে কেৰিয়াৰক৷
এই সকলোবোৰৰ প্ৰভাৱ পৰিছে জনসংখ্যাত৷ এই নতুন কৰ্মপদ্ধতিক লৈ ২বছৰ পূৰ্বৰে পৰাই আলোচনা চলি আছিল৷ তাত অংশগ্ৰহণ কৰা ৯০শতাংশ কৰ্মচাৰীৰ মাজত লোৱা সমীক্ষাত ১০ ভিতৰত ৯ জনেই নতুন কৰ্মপদ্ধতিক সমৰ্থন কৰিছে৷ তেওঁলোকে স্পষ্টকৈ জনাইছে যে, অতিৰিক্ত কামৰ চাপতেই শাৰীৰিক আৰু মানসিক স্বাস্থ্যত প্ৰভাৱ পৰিব ধৰিছে৷ ইয়াৰোপৰি কৰ্ম আৰু জীৱনৰ মাজত বেলেন্স হেৰাইছে৷ নতুন কৰ্মপদ্ধতিত এই বেলেন্স ঘূৰি আহিব৷ জাপানৰ গভৰ্নৰ কোইকে কয়, ‘এই সময় জাপানৰ বাবে কঠিন সময়৷ বৰ্তমান জনসংখ্যা বঢ়োৱাই আমাৰ দেশৰ একমাত্ৰ লক্ষ্য৷ সেয়ে এই বিষয়টো চিন্তা কৰিয়েই অৰ্থনীতিক শক্তিশালী কৰিবলৈ এই সিদ্ধান্ত লৈছে আমাৰ চৰকাৰে৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
