ইণ্ডিয়ান ৰে’লৱেৰ কেটাৰিং এণ্ড টুৰিজিম কৰ্পৰেছন IRCTCয়ে বৈষ্ণোদেৱী দৰ্শনলৈ যোৱা ভক্তসকলৰ বাবে আনিছে ভাল অফাৰ৷ বিশেষকৈ মধ্যবিত্তসকলৰ বাবে৷ সম্পূৰ্ণ এচি ত ভ্ৰমণ, ব্ৰেকফাষ্টসহ পঞ্চতাৰকা হোটেলত থকাৰ সুবিধাও পাব ভক্তই৷ ইয়াৰ বাবে ভক্তই দিব লাগিব মাত্ৰ ১৭০০ টকা৷ ট্ৰেইনখনে ২৪ ডিচেম্বৰত দিল্লীৰ পৰা যাত্ৰা কৰিব৷
IRCTCয়ে বৈষ্ণো দেৱী দৰ্শনৰ সৈতে জম্মু আৰু কাশ্মীৰ ফুৰাৰো সুবিধা দিব৷ সম্পূৰ্ণ পেকেজটো হ’ব তিনি নিশা আৰু ৪ দিনৰ৷ ট্ৰেইনখনে ২৪ তাৰিখে নিশা দিল্লীৰ পৰা যাত্ৰা আৰম্ভ কৰিব৷ দিল্লীৰ পৰা প্ৰথমে যাব জম্মু কাশ্মীৰ৷ ইয়াৰপাছতেই যাত্ৰীসকলৰ খোৱা, থকা আৰু স্থানীয় চাইড চিনৰ বাবে চিন্তা কৰিব নালাগে৷ সকলো সুবিধাই প্ৰদান কৰিব IRCTCয়ে৷
পঞ্চতাৰকা হোটেলত থকাৰ ব্যৱস্থাও তেওঁলোকে কৰি দিব৷ ইয়াৰবাবে অৱশ্যে খৰচ পৃথক হ’ব৷ ৬৭৯৫ টকা দি তিনিজন ব্যক্তিয়ে এটা ৰুম ল’ব পাৰে৷ ইয়া সকলোতকৈ কম ব্যয়বহুল বিকল্প৷ এজন যাত্ৰীৰ প্ৰতিদিনে প্ৰায় ১৭০০ টকা খৰচ হ’ব এই যাত্ৰাত৷ কোনোৱে যদি এটা ৰুমত দুজন থাকিব খোজে তেন্তে তেওঁলোকে দিব লাগিব ৭,৮৫৫টকা৷
অন্য কোনো ব্যক্তিৰ সৈতে কোনোৱে ৰুম ভগাই ল’লে এই খৰচ পৰিব ১,৩৯৫টকা৷ যদি আপোনাৰ ৫ৰ পৰা ১১ বছৰীয়া কোনো শিশু আছে তেন্তে শিশুৰ বাবেও বিচনা দিয়া হ’ব তেতিয়া খৰচ পৰিব ৬,১৬০ টকা৷ শিশুৰ বাবে বিচনা নললে খৰচ পৰিব প্ৰায় ৫,১৪৫ টকা৷
২৪ ডিচেম্বৰত নিশা ৮.৪০ মিনিটত যাত্ৰা আৰম্ভ কৰা ট্ৰেইনখনে পিছদিনা পুৱা ৫বজাত জম্মুত উপস্থিত হ’ব৷ ষ্টেচনৰ কাষতেই থাকিব বাহনৰ সুবিধা৷ যাত্ৰীসকলক তাৰপৰা লৈ যোৱা হ’ব কাটৰালৈ৷ তাতেই যাত্ৰীসকলক সৰস্বতী ভৱনত গৈ এটা ট্ৰেভেল শ্লিপ পাব৷ ইয়াৰপাছতেই হোটেলৰ চেক ইন প্ৰক্ৰিয়া সম্পূৰ্ণ হ’ব৷ পুৱাই টিফিন খোৱাই যাত্ৰীসকলক লৈ যোৱা হ’ব বন গংগালৈ৷ তাতেই ঘোঁৰাত বা খোজ কাঢ়ি পাহাৰ বগাব পাৰে৷ নিশা আকৌ হোটেললৈ লৈ অহা হ’ব ভক্তক৷ নিশাৰ খাদ্য খোৱাৰ সুবিধাও হোটেলত থাকিব৷ জম্মু ফুৰাৰ পাছৰ দিনা দুপৰীয়া ১২ বজাত চেক আউট হ’ব৷ বাছত জম্মুলৈ লৈ যোৱা হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
