অতিকে শোকাৱহ দুৰ্ঘটনা, পদপথত শুই থাকোতেই ৯ লোকক মহতিয়াই নিলে ডাম্পাৰে
মহাৰাষ্ট্ৰৰ পুনেত সংঘটিত হৈছে এক অতিকে শোকাৱহ দুৰ্ঘটনা। এখন ডাম্পাৰে ফুটপাথত শুই থকা ৯ জনকৈ লোকক মহতিয়াই নিয়ে। এতিয়ালৈকে এই দুৰ্ঘটনাত তিনিজন লোকৰ মৃত্যু হোৱাৰ খবৰ পোৱা গৈছে। আন কেইজনৰো অৱস্থা সংকটজনক।
তথ্য অনুসৰি ডাম্পাৰখনৰ চালকজনে মদ্যপান কৰি আছিল। ডাম্পাৰখন ভাৰ্গৱ বিল্ডৱেইজ এণ্টাৰপ্ৰাইজৰ নামত পঞ্জীয়ন কৰা হৈছে। আহত তিনিজনৰ অৱস্থা গুৰুতৰ বুলি জানিব পৰা গৈছে।
মাজনিশা ১২ বজাৰ পিছত ৱাঘোলীৰ কেছনন্দ নাকাত আৰক্ষী থানাৰ সন্মুখত সংঘটিত হয় এই ঘটনা। পুনে চহৰৰ ৱাঘোলি চক এলেকাত যোৱা নিশা প্ৰায় ১ বজাত ফুটপাথত শুই থকা দুটি শিশুসহ তিনিজন লোকক ডাম্পাৰ ট্ৰাকে চেপি ধৰে আৰু ছয়জন লোক আহত হয়। বৰ্তমানে মটৰ গাড়ী আইন আৰু বিএনএছৰ সংশ্লিষ্ট ধাৰাত অধিক তদন্তৰ বাবে মদ্যপান কৰা চালকজনক গ্ৰেপ্তাৰ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
