আম ফলৰ ৰজা! কেইদিনমানৰ পাছতেই দেশজুৰি উপলব্ধ হ’ব আম৷ বৰ্তমানো বজাৰত কিছু কিছু আম উপলব্ধ৷ ১২ মহীয়া আম সকলো সময়তে বজাৰত উপলব্ধ হয় যদিও থলুৱাভাৱে ব’হাগৰ পৰাহে আম আমাৰ গাঁৱে ভূঁঞে উপলব্ধ হয়৷ সেই আমৰ বজাৰতেই এনে আম আছে যাৰ দাম শুনিলে আপোনাৰো চকু কঁপালত উঠিব৷
জাপানৰ এবিধ আমা আছে যাৰ নাম মিয়োজাকি আম৷ এই আমক সেই দেশৰ বাসিন্দাই সূৰ্যৰ কণী বুলিও আখ্যা দিয়ে৷ ইয়াৰ প্ৰধান কাৰণ হৈছে ইয়াৰ বিশেষ ধৰণৰ ৰং৷ ইয়াক দেখিবলৈ একেবাৰে ৰুবিৰ দৰে লাগে৷ ৰুবিৰ দৰে ৰঙা যদিও ঠিক ৰঙা নহয়৷ এই আম বিক্ৰি হয় ৩ লাখ টকা প্ৰতি কিঃগ্ৰাঃ দৰত৷ ফলত এই আমে বৰ্তমান বিশ্বৰ সকলোতকৈ দামী আম হিচাপে নিজৰ স্থান দখল কৰিছে৷
জাপানে ২০ শতকৰ পৰা এই আমক লৈ পৰীক্ষা কৰি আছে৷ বেছ কেইবাধৰণৰ গছৰ আমক একেলগে কৰি এই আম তৈয়াৰ কৰা হৈছে৷ এই আমৰ পুষ্টিগুণ ইমানেই বেছি যে এজন মানুহে এটা আম অকলে খাব নোৱাৰে৷ ইয়াৰ স্বাদ অন্য আমতকৈ পৃথক৷ ফলত এই আম কেইবাজনে মিলি একেলগে থাক লগা হয়৷
এই আমৰ ওজন হয় ৩৫০ৰ পৰা ৫৫০ গ্ৰাম৷ প্ৰচুৰ মিঠা হয় এই আম৷ ফলত অলপ খালেই এই আম আমূৱাই৷ এই আম কাটিলে তাৰ গোন্ধ বহুদূৰ বিয়পি পৰে৷ ইয়াৰ খেতিৰ বাবে খেতিয়কসকলে বহু পৰিশ্ৰমো কৰিব লগা হয়৷ এই আমৰ প্ৰতিজোপা গছক বিশেষ সুৰক্ষা দি ৰখা হয়৷ অন্য বহু দেশে এই আম তৈয়াৰ কৰাৰো চেষ্টা কৰিছে৷ কিন্তু এতিয়াও সেই আমৰ খেতি অন্য দেশে কৰিব পৰা নাই৷
২০২১ চনৰ বিহাৰৰ এগৰাকী খেতিয়ক সুৰেন্দ্ৰ সিঙে এই আমৰ খেতি কৰিছিল৷ তেওঁ কিছুপৰিমাণে সফলো হৈছে৷ জাপানৰ দৰে স্বাদ নাথাকিলেও কিছু পৰিমাণে তেওঁ সফল হৈছে৷ অৱশ্এযে ই আম ভাৰতৰ অন্য স্থানত অৱশ্যে কৰিব পৰা হোৱা নাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
