বিশ্বজুৰি ফেটি লিভাৰ আক্ৰান্ত ৰোগীৰ সংখ্যা ক্ৰমশ বাঢ়িছে৷ চিকিৎসকৰ মতে, প্ৰত্যেক লিভাৰতেই নিৰ্দিষ্ট পৰিমাণৰ চৰ্বি থাকে৷ চৰ্বি বেছি জমা হ’লেই সেয়া সমস্যাৰ কাৰণ হৈ উঠে৷ ফেটি লিভাৰ দুই ধৰণৰ হয়৷ এলক’হলিক ফেটি লিভাৰ আৰু নন এলক’হলিক ফেটি লিভাৰ৷ AIMSয়ে ডাঙি ধৰা তথ্য অনুসৰি প্ৰায় ৩৮ শতাংশ ভাৰতীয় নন এলকহলিক ফেটি লিভাৰত ভূগিছে৷ অতিৰিক্ত তেল, ফেটজাতীয় খাদ্য খালেই লিভাৰত চৰ্বি জমা হয়৷ সময়মতে চিকিৎসা আৰম্ভ নকৰিলে লিভাৰ চিৰোছিচ হ’ব পাৰে৷
লিভাৰ ভালে ৰাখিব খুজিলে খোৱাবোৱাত নিয়ম মানি চলিব লাগে৷ ডায়বেটিছ, উচ্চ ৰক্তচাপ, উচ্চ কলষ্টেৰল থাকিলেও নন এলক’হলিক ফেটি লিভাৰ হব পাৰে৷ কি কি লক্ষণ দেখিলে বুজিব যে আপুনি নন এলকহ’লিক ফেটি লিভাৰত ভূগি আছে?
১. ওজন বাঢ়ে. অন্যহাতে শাৰীৰিকভাৱে দুৰ্বল অনুভৱ কৰে৷ তেনে হ’লে অৱশ্যেই চিকিৎকৰ পৰামৰ্শ লওক৷ নন এলক’হলিক ফেটি লিভাৰৰ ক্ষেত্ৰত মূলত এনে হয়৷
২. বাৰে বাৰে ভোক লগাও এই সমস্যাৰ এক উপসৰ্গ হ’ব পাৰে৷ মিঠা আৰু ভজাপুৰা জাতীয় খাদ্য খোৱাৰ প্ৰতি আগ্ৰহ বাঢ়ে৷ হঠাৎ এনে সমস্যা হ’লে চিকিৎসকৰ পৰামৰ্শ ল’বলৈ নাপাহৰিব৷
৩. নন এলক’হলিক ফেটি লিভাৰৰ ক্ষেত্ৰত অন্যতম উপসৰ্গ হৈছে প্ৰস্ৰাৱৰ ৰং হালধীয়া হৈ যোৱা৷ ফেটি লিভাৰৰ কাৰণে শৰীৰৰ পৰা টক্সিন ভালকৈ বাহিৰ হ’ব নোৱাৰে৷ এই কাৰণতেই প্ৰস্ৰাৱ হালধীয়া হৈ পৰে৷ দীৰ্ঘদিন ধৰি এনে হৈ থাকিলে ফেটি লিভাৰক লৈ সচেতন হোৱা জৰুৰী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
