এখন সপোনৰ ঘৰ নিৰ্মাণ কৰা কিংবা সপোনৰ এখন ঘৰ ক্ৰয় কৰাৰ বাবে প্ৰত্যেকজন মধ্যবিত্তই হোন লোন বা গৃহ ঋণৰ ওপৰত ভৰসা কৰে৷ কাৰণ মোটা অংকৰ অৰ্থ এজন সাধাৰণ চাকৰিয়াল বা ক্ষুদ্ৰ ব্যৱসায়ীৰ হাতত একেলগে জমা নাথাকে৷ সেই কাৰণেই ভৰসাৰ স্থল হৈ পৰে হোম লোন৷ হোম লোনত মাহে মাহে নিৰ্দিষ্ট অংকৰ টকা EMI হিচাপে দি পৰিশোধ কৰাৰো সুবিধা থাকে৷ এই ধন পৰিশোধ কৰাৰ বাবে নিৰ্দিষ্ট ম্যাদো বাচি ল’ব পাৰে ঋণগ্ৰহীতাই৷ ফলত এই সমস্ত সুবিধাৰ বাবেই চাকৰিয়ালে সাধাৰণতে নিজৰ সপোনৰ ঘৰ কিনাৰ বাবে বা নিৰ্মাণ কৰিবৰ বাবে হোম লোন গ্ৰহণ কৰে৷ আৰু ই এম আইৰ মাধ্যমেৰে সেয়া পৰিশোধ কৰি থাকে৷
বিগত কেইবাবছৰত দেখা গৈছে যে সম্পত্তিৰ চাহিদা দ্ৰুত হাৰত বাঢ়িছে৷ মানুহে ক্ৰমশ নিজৰ সপোনৰ ঘৰ ক্ৰয়ৰ পথতো আগুৱাইছে৷ আৰু সেই কাৰণেই বাঢ়িছে ঘৰৰ দামো৷ কিন্তু ইয়াতেই প্ৰশ্ন হয়, কাৰোবাৰ যদি সংসাৰত খৰচসহ সমস্ত প্ৰয়োজনী খৰচ বচাই ২০ হাজাৰ টকা পৰ্যন্ত EMI দিয়াৰ সামৰ্থ্য থাকে তেন্তে আপুনি HDFC বেংকৰ পৰা কিমান টকা হোম লোন হিচাপে পাব পাৰে?
প্ৰথমেই জানি থোৱা ভাল যে, দেশৰ সকলোতকৈ ডাঙৰ বেচৰকাৰী বেংক HDFCত হোম লোনৰ ওপৰত সুদৰ হাৰ ৮.৭০শতাংশৰ পৰা ৯.৫৫ শতাংশ৷ অন্যহাতে HDFC বেংকৰ ষ্টেণ্ডাৰ্ড হোম লোনৰ হাৰ ৯.৪০শতাংশৰ পৰা ৯.৯৫শতাংশ৷ সেই হিচাপত যদি প্ৰত্যেক মাহতেই EMI হিচাপে ২০ হাজাৰ টকা দিব পাৰে তেন্তে ৮.৭৫শতাংশ হাৰত ২০ বছৰৰ ম্যাদত আপুনি বেংকৰ পৰা লাভ কৰিব পাৰে ২৩ লাখ টকা৷ কোনোৱে যদি EMIৰ পৰিমাণ একেই ৰাখি লোন পৰিশোধৰ ম্যাদ আৰু বঢ়াব খোজে তেন্তে তেওঁ পাব পাৰে বেছি পৰিমাণৰ লোন৷ উদাহৰণ হিচাপে চোৱা যাওক, কোনোৱে যদি মাহিলী ২০ হাজাৰ টকাৰ EMI দিব ২৫ বছৰ ম্যাদত ধন ঘূৰাব খোজে তেন্তে তেওঁ লোন হিচাপে বেংকৰ পৰা ল’ব পাৰে ২৫ লাখ টকা৷
আকৌ যদি লোনৰ ম্যাদ ৩০ বছৰ কৰিব খোজে তেন্তে তেওঁ ২৬ লাখ টকা বেংকৰ পৰা ঋণ ল’ব পাৰে ইয়াত ইএমআই ২০ হাজাৰৰ পৰা অলপমান বাঢ়ি ২০৪৫৪ টকা হ’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
