এগৰাকীতকৈ বেছি বিয়া কৰোৱাত আইনী বাধা নাই মুছলমান পুৰুষৰ৷ এইবাৰ স্পষ্ট কৰি দিলে এলাহবাদ হাইকৰ্টে৷ বিবাহ সংক্ৰান্তিয় গোচৰত উচ্চন্যায়ালয়ৰ পৰ্যবেক্ষণ, ‘মুছলমান পুৰুষে বিচাৰিলে ৪গৰাকী পৰ্যন্ত বিয়া কৰাব পাৰিব৷ চৰ্ত এটাই, সকলোকে ভালে ৰাখিব লাগিব৷’
মহিলা এগৰাকীৰ অভিযোগ আছিল যে, তেওঁৰ স্বামীয়ে প্ৰথম বিবাহৰ কথা লুকুৱাই গোপনে তেওঁক বিয়া কৰাই আনিছিল৷ আনকি বিবাহৰ পাছত তেওঁক ধৰ্ষণো কৰিছে৷ মোৰাদাবাদ থানাত দাখিল হোৱা অভিযোগক লৈ মোৰাদাবাদ নিম্ন আদালতত দীৰ্ঘদিন বিচাৰপ্ৰক্ৰিয়া চলে৷ স্বামী ফুৰকানৰ অধিবক্তাৰ দাবী, অভিযোগকাৰীয়ে নিজেই স্বীকাৰ কৰিছে যে ফুৰকানে দ্বিতীয় বিবাহেই কৰাইছে৷ আৰু ইছলামত দ্বিতীয় বিবাহ অপৰাধ নহয়৷ আৰু বিবাহৰ পাছত ধৰ্ষণৰ অভিযোগ বৈধ হ’ব নোৱাৰে৷
এই গোচৰ এলাহবাদ হাইকৰ্টলৈ যায়৷ সম্প্ৰতি এলাহবাদ হাইকৰ্টৰ ন্যায়াধীশ অৰুণ কুমাৰ সিঙ দেশৱালে এই গোচৰৰ পৰ্যবেক্ষণত জনাইছে, ‘মুছলমান পুৰুষে এগৰাকীতকৈ বেছি বিয়া কৰাব পাৰে৷ কাৰণ ভাৰতত মুছলমানসকলৰ বিবাহ সংক্ৰান্তিয় সকলো আইন শৰিয়তৰ নিয়ম অনুসৰি নিয়ন্ত্ৰিত৷ ভাৰতীয় ন্যায় সংহিতাৰ অধীনত এই গোচৰ নপৰে৷ আৰু শৰিয়ত অনুসৰি মুছলমান পুৰুষে ৪গৰাকী পৰ্যন্ত বিয়া কৰাব পাৰে৷ চৰ্ত এটাই, সকলোকে ভালে ৰাখিব লাগিব৷ ন্যায়াধীশৰ পৰ্যবেক্ষণ, কোৰাণ অনুসৰি বৈধ কাৰণ থাকিলে মুছলমানে এটাতকৈ বেছি বিয়া কৰাব পাৰে৷ কিন্তু সেই নিয়মৰ অপব্যৱহাৰ বাঢ়িছে৷ বহুতেই ব্যক্তিগত স্বাৰ্থত বেছি বেছিকৈ বিয়া কৰাইছে৷ যাৰকাৰণে অভিন্ন দেৱানী বিধি আৰম্ভ হোৱাটো জৰুৰী বুলি ধাৰণা কৰিছে আদালতে৷’ শেষ পৰ্যন্ত অন্তৰ্বৰ্তীকালীন ৰায়ত ফুৰকানৰ দুই বিবাহকেই বৈধ বুলি জনাইছে আদালতে৷ আগন্তুক ২৬ মে’ত আকৌ গোচৰৰ শুনানি হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
