বৰষুণে বিধি পথালি দিলে কি হ’ব ফাইনেল খেল, কোনে নিব পদক
এসপ্তাহৰ বিৰতিৰ অন্তত কাইলৈ ১৭ মে’ৰ পৰা পুনৰ আৰম্ভ হ’ব IPL ২০২৫ৰ বাকি থকা খেল। প্ৰতিযোগিতাখনৰ বাকী মেচসমূহ ছখন চহৰত অনুষ্ঠিত হ’ব। পাছে তাৰে মাজতে এতিয়া অনুৰাগীৰ মাজত প্ৰশ্ন- বৰষুণে বিধি পথালি দিব নেকি ফাইনেল খেল। যদি বৰষুণ আহে , তেন্তে কি হব ইয়াৰ বিকল্প!
বৰ্তমানলৈ প্লে অফ আৰু খিতাপৰ খেলৰ স্থান এতিয়াও ঘোষণা কৰা হোৱা নাই। অহা ২৯ মে’ৰ পৰা অনুষ্ঠিত হ’ব আই পি এল ২০২৫ৰ প্লে অফ মেচ। প্ৰথমখন কোৱালিফায়াৰ ২৯ মে’ত অনুষ্ঠিত হোৱাৰ বিপৰীতে ৩০ মে’ত এলিমিনেটৰ মেচ অনুষ্ঠিত হ’ব।
দ্বিতীয়খন কোৱালিফায়াৰ ১ জুনত অনুষ্ঠিত হ’ব। পাছে বিচিচিআইয়ে প্লে অফৰ মেচৰ বাবে কোনো ৰিজাৰ্ভ ডে ৰখা নাই।
একে সময়তে সংবাদ মাধ্যমৰ খবৰ অনুসৰি এইবাৰ ফাইনেস খেলৰ বাবেও কোনো ৰিজাৰ্ভ ডে’ ৰখা হোৱা নাই। খিতাপৰ খেলৰ সময়ত যদি বৰষুণ হয় তেন্তে দুয়োটা দলে ট্ৰফী ভাগ কৰিব বুলি ধাৰণা কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
