অপাৰেচন সিন্দূৰৰ নতুন ভিডিঅ’ সমুখলৈ, বি এছ এফে ধ্বংস কৰে পাকিস্তানৰ ৭২টা পোষ্ট
পেহেলগাম সন্ত্ৰাসবাদী আক্ৰমণৰ পাছতে ভাৰতে ইয়াৰ প্ৰতিশোধ স্বৰূপে পাকিস্তানত থকা সন্ত্ৰাসবাদী ঘাটি ধ্বংস কৰিবলৈ অপাৰেচন সিন্দূৰ চলাইছিল। এই সন্দৰ্ভত অহৰহ আপডেট আহি আছে। প্ৰথমে সেনাই ভিডিঅ’ আৰু ফটো মুকলি কৰি এই অভিযানৰ বিষয়ে তথ্য প্ৰকাশ কৰিছিল।
এতিয়া পুনৰ এক নতুন ভিডিঅ প্ৰকাশ পাইছে। এইবাৰ সীমান্ত নিৰাপত্তা বাহিনী(BSF) এ অপাৰেচন সিন্দূৰৰ নতুন ভিডিঅ’ প্ৰকাশ কৰি কয় যে বি এছ এফে পাকিস্তানৰ ৭২টাকৈ পোষ্ট ধ্বংস কৰিবলৈ সক্ষম হৈছিল।
আজি মঙলবাৰ ২৭ মে’ তাৰিখে প্ৰকাশ পোৱা অপাৰেচন সিন্দূৰৰ এটা নতুন ভিডিঅ’ত দেখা গৈছে যে পাকিস্তানৰ ভূখণ্ডৰ গভীৰতম সন্ত্ৰাসবাদী শিবিৰত বি এছ এফে নিখুঁত আক্ৰমণ চলাইছে।
https://x.com/Goreunit/status/1927263971771375797
সংবাদ মাধ্যমক সম্বোধন কৰি বি এছ এফৰ জম্মু সীমান্তৰ মহাপৰিদৰ্শক শশাংক আনন্দে কয় যে বি এছ এফে লনী, মস্তপুৰ, ছাব্বৰাকে ধৰি আখনুৰ, চাম্বা আৰু আৰ এছ পুৰা ছেক্টৰত কেইবাটাও সন্ত্ৰাসবাদী লঞ্চ পেড ধ্বংস কৰে।
তেওঁ লগতে ইয়াকো কয় যে, “৯-১০ মে’ত পাকিস্তানে আখনুৰ ছেক্টৰত গুলীচালনা আৰম্ভ কৰি বি এছ এফৰ পোষ্টসমূহক লক্ষ্য কৰি লৈছিল। ইয়াৰ প্ৰতিক্ৰিয়া স্বৰূপে আমি লস্কৰ-ই-টাইবাৰ ল’নি লঞ্চ পেডত আক্ৰমণ কৰি যথেষ্ট ক্ষতিসাধন কৰিছিলো।”
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
