এবাৰ আৰম্ভ হ’লে ১৬ বছৰ ধৰি চলে বৃহস্পতিৰ মহাদশা, জানক এই সময়ত জীৱনলৈ কি কি পৰিবৰ্তন আহে?

কোষ্ঠীত বৃহস্পতি শুভ হলে

বৃহস্পতি কোষ্ঠীত শুভ স্থিতিত থাকিলে ব্যক্তিয়ে কৰ্মক্ষেত্ৰত উন্নতি কৰিব পাৰে৷ ইয়াৰোপৰি জাতকে শিক্ষাদীক্ষাত শীৰ্ষ স্থান দখল কৰিব৷ এনে জাতকৰ জীৱনত কেতিয়াও অৰ্থাভাৱ নাহে৷ ইয়াৰোপৰি ধৰ্মীয় বিষয়ত আগ্ৰহ থাকে এইসকল লোকৰ৷ এওঁলোক আশাবাদী আৰু ঈশ্বৰ বিশ্বাসী হয়৷ ইয়াৰোপৰি কোষ্ঠীত বৃহস্পতিৰ পৰিস্থিতি  শুভ থাকিলে জাতক সৎ আৰু জ্ঞানী হয়৷ বৃহস্পতিৰ শুভ প্ৰভাৱত জাতকে সুসন্তান লাভ কৰে৷ এই ব্যক্তি শিক্ষা বিভাগত কৰ্মৰত থাকিব পাৰে৷ ইয়াৰোপৰি জ্যোতিষীও হব পাৰে৷ কোষ্ঠীত বৃহস্পতি ভাল স্থানত থাকিলে বৃহস্পতিৰ মহাদশা চলাৰ সময়ত উন্নতিৰ শিখৰ আৰোহন কৰিব পাৰে জাতকে৷ গুৰুৰ মহাদশাৰ শুভ প্ৰভাৱত এই ১৬ বছৰত জাতক ৰজা হৈ উঠিব পাৰে৷

কোষ্ঠীত বৃহস্পতি অশুভ হলে

বৃহস্পতি কোষ্ঠীত অশুভ পৰিস্থিতিত থাকিলে জাতকৰ সমস্ত কামত বাধা আহে৷ তেওঁলোকে একাধিক চেলেঞ্জৰ মোকাবিলা কৰিব লগা হয়৷ তেওঁৱোকে দেৱদ্বিজ মতি নাথাকে৷ সাধাৰণতে এওঁলোক নাস্তিক হয়৷ বৃহস্পতিৰ অশুভ স্থানত থাকিলে জাতকৰ শৰীৰত নানান অসুখ বিসুখে বাঁহ বান্ধে৷ পেটৰ ৰোগ, বদহজম, পেট বিষ, এচিডিটি, দুৰ্বল হজম শক্তি, কৰ্কটৰ দৰে ৰোগত ভোগাৰ সম্ভাৱনা থাকে৷ ইয়াৰোপৰি জাতকৰ দাম্পত্য জীৱনতো সুখ নাথাকে৷ তেওঁলোকৰ বিবাহতো বাধা আহে৷ কোষ্ঠীত বৃহস্পতি অশুভ হলে, বৃহস্পতিৰ মহাদশাৰ মাজত জাতকৰ জীৱনলৈ আৰু সমস্যা আহে৷ জানি থওক এই পৰিস্থিতিত কি কি কাম কৰিলে বৃহস্পতিৰ মহাদশাৰ পৰা ৰেহাই পাব?

বৃহস্পতিৰ মহাদশাৰ পৰা মুক্তিৰ উপায়

• কোষ্ঠীত বৃহস্পতি অশুভ পৰিস্থিতিত থাকিলে গুৰুগ্ৰহৰ মহাদশাত প্ৰতি বৃহস্পতিবাৰে উপবাস কৰক৷
• বৃহস্পতিদেৱৰ আৰাধনা কৰিলে শুভ ফল পাব৷ ইয়াৰ সৈতে নাৰায়ণৰ পূজা কৰিলেও উপকাৰ পাব৷
• গা ধোৱাৰ সময়ত সামান্য হালধি মিহলোৱা পানীৰে গা ধুব৷ ইয়াৰ ফলত বৃহস্পতিৰ অশুভ প্রভাৱ কমিব৷
• বৃহস্পতিৰ অশুভ পৰিস্থিতিত তাৰ মহাদশাৰ চিকাৰ হলে বৃহস্পতিবাৰে মন্দিৰলৈ গৈ কলগছৰ পূজা কৰক৷ হালধি, গুৰ আৰু বেচন নিবেদন কৰক৷ ইয়াৰ ফলত বৃহস্পতিৰ কাৰণে তৈয়াৰ হোৱা সমস্যা দূৰ হব৷
• বৃহস্পতিবাৰে দৰিদ্ৰ আৰু অসহায় ব্যক্তিসকলে কল আৰু হালধীয়া মিঠাই দান কৰিলেও বৃহস্পতিৰ অশুভ দশা দূৰ হয়৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ