এণ্ড্ৰইড ব্যৱহাৰকাৰী বিপদত! ভাৰত চৰকাৰৰ চিকিউৰিটি এলাৰ্ট, টাৰ্গেটত আপোনাৰ ফোনটোও নেকি
ভাৰত চৰকাৰে কোটি কোটি এণ্ড্ৰইড ব্যৱহাৰকাৰীৰ বাবে এক গুৰুত্বপূৰ্ণ সুৰক্ষা সতৰ্কবাণী জাৰি কৰিছে। এই সতৰ্কবাণী সেই ডিভাইচসমূহৰ বিষয়ে যিবোৰ Qualcomm চিপছেটত চলে।
এই সতৰ্কবাণী CERT-In (ভাৰতীয় কম্পিউটাৰ জৰুৰীকালীন সঁহাৰি দল)ৰ দ্বাৰা জাৰি কৰা হৈছে য’ত কোৱা হৈছে যে এই ডিভাইচসমূহত গুৰুতৰ সুৰক্ষাৰ ত্ৰুটি পোৱা গৈছে। এই দুৰ্বলতাসমূহৰ বিষয়ে প্ৰথমে গুগলৰ থ্ৰেট এনালাইছিছ গ্ৰুপে প্ৰকাশ কৰিছিল।
CERT-In ৰ মতে, এই নিৰাপত্তাজনিত ত্ৰুটিৰ সুযোগ লৈ চাইবাৰ অপৰাধীয়ে আপোনাৰ ডিভাইচৰ পৰা স্পৰ্শকাতৰ তথ্য চুৰি কৰি ইচ্ছাকৃত ক’ডিঙৰ জৰিয়তে ফোনটো হেক কৰিব পাৰে।
চলিত মাহত প্ৰকাশ পোৱা নিৰাপত্তা বুলেটিনক ‘হাই ৰিস্ক’ শিতানত স্থান দিয়া হৈছে। ইয়াত কোৱা হৈছে যে কোৱালকমৰ বহুতো জনপ্ৰিয় চিপছেট, জিপিইউ আৰু ৱাই-ফাই মডেমত একেলগে কেইবাটাও গুৰুতৰ ত্ৰুটি পোৱা গৈছে।
বুলেটিন অনুসৰি স্নেপড্ৰেগন ৪৮০ + ৫জি, স্নেপড্ৰেগন ৬৬২, স্নেপড্ৰেগন ৮ জেন ২ আৰু আনকি শেহতীয়াকৈ স্নেপড্ৰেগন ৮ জেন ৩ (২০২৪ ফ্লেগশ্বিপ চিপ)ৰ দৰে মডেলতো ইয়াৰ প্ৰভাৱ পৰিছে। এই ভাবুকিসমূহৰ প্ৰতি লক্ষ্য ৰাখি কোৱালকমে ইয়াৰ সকলো অংশীদাৰ, ব্যৱহাৰকাৰী আৰু ব্যৱসায়িক ক্লায়েণ্টক সতৰ্ক কৰি দিছে
চাইবাৰ অপৰাধীৰ দৃষ্টিত থাকে এমে ফোন সমূহ। যদি আপোনাৰ ফোনটোৱে কোৱালকম চিপছেটত কাম কৰে, তেন্তে লগে লগে মে ২০২৫ চনৰ এণ্ড্ৰইড ছিকিউৰিটি পেচ ইনষ্টল কৰক। ই আপোনাৰ ডিভাইচক এই ভাবুকিসমূহৰ পৰা সুৰক্ষিত কৰিব পাৰে।
কেনেকৈ আপডেট কৰিব:
ফোনটোৰ Settings লৈ যাওক
তললৈ স্ক্ৰল কৰক আৰু চিষ্টেম আপডেটত ক্লিক কৰক
চেক ফৰ আপডেটত টেপ কৰক
নতুন আপডেট বুলি পালে ইনষ্টল কৰক
ফোনটো পুনৰ ৰিবুট কৰক
এতিয়া আপোনাৰ ফোনটো শেহতীয়া সুৰক্ষা আপডেটৰ সৈতে সুৰক্ষিত হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
