দেশৰ হৈ টেনিছ খেলা ৰাধিকা যাদৱৰ ওপৰত পিতৃৰ ৫ জাঁই গুলি…
টেনিছ খেলুৱৈ ৰাধিকা যাদৱক গুলীয়াই হত্যা। নিজৰেই পিতৃয়ে গুলিয়াই হত্যা কৰে কন্যা ৰাধিকাক। গুৰুগ্ৰামৰ সুশান্ত লোক-২ৰ নিজা বাসগৃহ ই-১৫৭ত হত্যা কৰা হয় টেনিছ খেলুৱৈগৰাকীক।
ৰাধিকাৰ পিতৃয়ে অনুজ্ঞাপত্ৰ থকা ৰিভলভাৰেৰে পাঁচ জাঁই গুলী কৰি হত্যা কৰে। গুৰুগ্ৰাম আৰক্ষীয়ে এই গোচৰৰ তদন্ত আৰম্ভ কৰিছে আৰু ৰাধিকাৰ পিতৃক জিম্মাত লোৱা হৈছে।
গুৰুগ্ৰাম আৰক্ষীৰ প্ৰাৰম্ভিক তদন্তত প্ৰকাশ পাইছে যে ৰাধিকাৰ ৰিল বনোৱাৰ অভ্যাসত ৰাধিকাৰ পিতৃয়ে অতিশয় খং কৰিছিল। ৰাধিকাই বহু ৰিল বনাই ছচিয়েল মিডিয়াত আপলোড কৰিছিল। এই বিষয়টোক লৈ ৰাধিকাৰ পিতৃয়ে কন্যাৰ ওপৰত ক্ৰোধাম্বিত হৈ আছিল, শেষত আজি ক্ৰোধৰ ওপৰত সম্বৰণ কৰিব নোৱাৰি ৫ জাঁই গুলিৰে গুলীয়াই হত্যা কৰে।
আৰক্ষীয়ে গ্ৰেপ্তাৰ কৰিছে ৰাধিকাৰ পিতৃক। ইয়াৰ সমান্তৰালকৈ আৰক্ষীয়ে ৰাধিকাৰ পিতৃয়ে যি ৰিভলভাৰেৰে হত্যা কৰিছিল সেই ৰিভলভাৰটোও জব্দ কৰিছে।
২০০০ চনৰ ২৩ মাৰ্চত জন্মগ্ৰহণ কৰা ৰাধিকা যাদৱ এগৰাকী প্ৰতিভাসম্পন্ন টেনিছ খেলুৱৈ আছিল। আন্তঃৰাষ্ট্ৰীয় পৰ্যায়তো ভাৰতক প্ৰতিনিধিত্ব কৰিছে ৰাধিকাই। tenniskhelo.com ৰ তথ্য অনুসৰি আন্তঃৰাষ্ট্ৰীয় টেনিছ ফেডাৰেচনত ডাবলছ টেনিছ খেলুৱৈৰ ক্ষেত্ৰত ৰাধিকাৰ ৰেংকিং আছিল ১১৩। আই টি এফ ডাবলছৰ শীৰ্ষ ২০০ ৰ ভিতৰত এইটোৱেই আছিল ৰাধিকাৰ শ্ৰেষ্ঠ ৰেংকিং।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
