মধ্যবিত্তৰ ওচৰত বেংকৰ ওপৰিও পোষ্ট অফিচো বিনিয়োগৰ অত্যন্ত জনপ্ৰিয় মাধ্যম৷ পোষ্ট অফিচৰ একাধিক ক্ষুদ্ৰ সঞ্চয় প্ৰকল্প আছে তাতেই ভাল সুদ পোৱা যায়৷ সকলোতকৈ গুৰুত্বপূৰ্ণ বিষয় হৈছে ইয়াত আপোনাৰ টকা নিৰাপদে থকাৰ ওপৰিও পাব নিশ্চিত সুদৰ হাৰ৷ পোষ্ট অফিচৰ এক জনপ্ৰিয় স্কিম হৈছে পোষ্ট অফিচ চিনিয়ৰ চিটিজেন স্কিম৷ ইয়াত মূলত ৬০ বছৰতকৈ বেছি বয়সীয়াসকলৰ বাবে আছে বিশেষ সুবিধা৷ পোষ্ট অফিচ আৰু অনুমোদিত বেংকত এই স্কিমত ধন বিনিয়োগ কৰিব পাৰে আপুনিও৷
৬০ বছৰ বা তাতোকৈ বেছি বয়সৰ নাগৰিক অথৱা ভি আৰ এছ লোৱা ৫৫-৬০ বছৰ বয়সীয়া ব্যক্তিয়ে এই স্কিমত ধন বিনিয়োগ কৰিব পাৰে৷ এককালীন সৰ্বাধিক ৩০ লাখ টকা পৰ্যন্ত জমা কৰিব পাৰি৷ নিয়ম অনুসৰি ইয়াত ৫ বছৰৰ বাবে ধন জমা ৰাখিব পাৰে আৰু তাৰপিছত ৩ বছৰকৈ ইয়াৰ ম্যাদ আপুনি বঢ়াবও পাৰে৷ এই স্কিমৰ অধীনত আপুনি যদি এজন প্ৰবীণ নাগৰিক হয় আৰু এককালীন অৰ্থ বিনিয়োগ কৰে তেন্তে প্ৰতিমাহে আপুনি সৰ্বোচ্চ ২০,০০০ টকা পৰ্যন্ত আয় কৰিব পাৰে৷
৬০ বছৰৰ উৰ্ধ্বৰ যিকোনো ভাৰতীয় নাগৰিকে এই স্কিমত এককালীন অৰ্থ জমা কৰিব পাৰে৷ উল্লেখযোগ্যভাৱে এই স্কিমত সৰ্বোচ্চ বিনিয়োগৰ সীমা এতিয়া ৩০ লাখ টকা পূৰ্বে আছিল ১৫ লাখ টকা৷ আপুনি যদি চিনিয়ৰ চিটিজেন স্কিমত ৩০ লাখ বিনিয়োগ কৰে তেন্তে বছৰি আপুনি প্ৰায় ২,৪৬,০০০ টকা সুদ পাব৷ আৰু এই ধন যদি মাহিলী আপুনি ল’ব খোজে তেন্তে প্ৰতিমাহে আপুনি লাভ কৰিব প্ৰায় ২০,৫০০ টকা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
