আজি কৌশিকী অমাবস্যা৷ পুৰাণ অনুসৰি দৈত্য শুম্ভ নিশুম্ভৰ অত্যাচাৰত অতিষ্ঠ হৈ দেৱতাসকলে দেৱী পাৰ্বতীৰ শৰণাপন্ন হৈছিল৷ তেতিয়াই দেৱীয়ে নিজৰ দেহৰ পৰা তৈয়াৰ কৰে তেওঁৰেই এক ভয়ংকৰ এক প্ৰতিমূৰ্তি৷ তেঁৱেই বধ কৰে অসুৰদ্বয়ক৷ সেই দেৱীৰ নামেই কৌশিকী৷ আৰু তেতিয়াৰ পৰাই এই দিনটো কৌশিকী অমাবস্যা ৰূপে পালিত হয়৷ প্ৰচলিত বিশ্বাস যে এই তিথিতেই সাধক বামাক্ষ্যাপাই সিদ্ধি লাভ কৰিছিল৷ কামৰ বাবেই এই দিনটোৰ গুৰুত্ব অসীম৷ শুভ শক্তিৰ জয় আৰু অশুভ শক্তিৰ বিনাশৰ এই দিনটোত জ্যোতিষ শাস্ত্ৰ অনুসৰি চন্দ্ৰই আজি কৰ্কট ত্যাগ কৰি সিংহ ৰাশিত গোচৰ কৰিব৷ আৰু সূৰ্যই ইতিমধ্যেই সিংহ ৰাশিত অৱস্থান কৰিছে৷ ফলত আজিৰ দিনটো বিশেষ কিছু ৰাশিৰ বাবে আৰু বেছি গুৰুত্বপূৰ্ণ৷ আজি কিছু কিছু ৰাশিয়ে কিছু সংযম অৱলম্বন কৰিব লাগে৷
মেষ ৰাশি
আজি মেষ ৰাশিৰ জীৱনত দাম্পত্যত কলহৰ আভাস আছে৷ প্ৰেমিক প্ৰেমিকা কিংবা স্বামী স্ত্ৰীৰ মাজত অলপ কথাতেই দ্বন্দ আৰম্ভ হব পাৰে৷ বিশেষকৈ সন্ধিয়াৰ পাছত সংগীৰ সৈতে কোনো ধৰণৰ তৰ্ক বিতৰ্ক নকৰিব৷ অন্যৰ কথাত প্ৰভাৱিত হৈ কাৰো ওপৰত কোনো অভিযোগ নানিব৷ পূৰ্বে ভালকৈ চালিজাৰি চাইহে কথা ক’ব অন্যথা বিশ্বস্ত বন্ধুৰ মাজতো ভুল বুজাবুজি হব পাৰে৷
মিথুন ৰাশি
পুৰণি শত্ৰুৱে আপোনাক আক্ৰমণৰ লক্ষ্য কৰিব পাৰে৷ সেয়ে সতৰ্কতা অৱলম্বন কৰা জৰুৰী৷ অচিনাকি কোনো স্থানৰ পৰা অৰ্থ সংক্ৰান্তিয় লোভনীয় প্ৰস্তাৱ পাব পাৰে সেই প্ৰস্তাৱ এৰাই চলাটোৱেই মঙ্গল৷ অতি লোভেই মৃত্যু৷ দুৰযাত্ৰাত বিলম্ব হব পাৰে৷
বৃশ্চিক ৰাশি
পেটৰ সমস্যত ভূগিব পাৰে৷ প্ৰাণঘাতী নহলেও খাদ্যত বিষক্ৰিয়াৰ ফলত চৰম অসুখত ভূগিব পাৰে৷ অতিৰিক্ত তেল মছলা কিংবা বাহিৰৰ খাদ্যৰ পৰা সাবধান হওক৷ আত্মীয়ৰ স্বাস্থ্যত অৰ্থব্যয়ৰ যোগ আছে৷ স্বাস্থ্যজনিত অসুবিধাত ভূগিব পাৰে৷
ধনু ৰাশি
কোনো অন্যায় কামৰ পৰা দূৰৈত থাকক৷ অন্যথা আজীৱন অনুশোচনা কৰিব৷ পুৰণি কোনো শাৰীৰিক সমস্যাই আপোনাক ভাৰাক্ৰান্ত কৰিব পাৰে৷ চিকিৎসকৰ পৰামৰ্শ লওক৷ অসৎ সংগই সৰ্বনাশ কৰিব৷ বন্ধুৰ পাল্লাত পৰি কোনো কাম নকৰিব যিয়ে আপোনাক অসুবিধা দিব পাৰে৷ সন্তানক লৈ ঘৰত বিবাদ বাঢ়িব৷ স্বামী স্ত্ৰী দুজনে মিলি সমস্যাৰ সমাধান কৰক৷ ব্যক্তিগত কথা বাহিৰত আলোচনা নকৰাই ভাল৷ অৰ্থভাগ্য বেয়া নহয়৷
মকৰ ৰাশি
তৃতীয় ব্যক্তিৰ কাৰণে সংসাৰত অশান্তি, মনোমালিন্য হব পাৰে৷ ৰক্তপাতৰ পৰা সাবাধানে থাকক৷ যানবাহন ব্যৱহাৰৰ সময়ত সতৰ্কতা অৱলম্বন কৰা জৰুৰী৷ যিসকলে মটৰবাইক চলাই তেওঁলোকে সাবধানে চলক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
