জুবিন গাৰ্গে ন্যায় পাব লাগিব মুখ খুলিছে জুবিনৰ বন্ধু তথা অভিনেতা যতীন বৰাই৷ যতীন বৰাই পোনপটীয়াকৈ এই ঘটনাক লৈ শ্যামকানু মহন্ত আৰু সিদ্ধাৰ্থ শৰ্মাক সমালোচনা কৰিছে৷ জুবিনে ন্যায় পাবই লাগিব বুলি কৈ যতীন বৰাই কয়-
জুবিন গাৰ্গত গড ফাদাৰ কৈছিল শ্যামকানু মহন্তই৷ সি জুবিনক জ্বলাই দিয়াৰ সময়ত এবাৰ আহিবলৈ সময় নাপালে৷ অসমৰ ৰাইজৰ আগত শ্যামকানুৱে মাফ খুজিব লাগে৷ মই ছিংগাপুৰ যোৱাৰ পূৰ্বে জুবিনক লগ পাইছিলো, তাক কৈছিলো তোক কিয় ইমান ভাগৰুৱা লাগিছে? তেতিয়া জুবিনে মোক কৈছিল, কামৰ প্ৰেছাৰ বেচি আছে৷ অলপ ভাগৰুৱা হৈ আছো৷ শ্যামকানুৱে কামুৰি আছে৷ গলেও সি এক পইছাও নিদিয়ে অহা যোৱাৰ খৰচহে দিব কেৱল৷ উপায় নাই যাও আৰু৷ বেমাৰী মানুহজনক লৈ গৈ এই অৱস্থা কৰিছে শ্যামকানুৱে৷ তাৰ বিৰুদ্ধে ব্যৱস্থা ল’ব লাগে৷ শ্যামকানুৰ দোষ আছে৷ শ্যামকানুৱে নিজকে খুব অভিজ্ঞ ব্যক্তি দেখুৱাই৷ জুবিনকতো সি হীৰা বুলি জানিছিল৷ জুবিনক ইমশ্ব্যনেল ব্লেক মেইল কৰি লৈ গৈছিল যদি জুবিনৰ সি কিয় কেয়াৰ ৰাখিব নোৱাৰিলে? মই শ্যামকানুৰ সৈতে জুবিনৰ ইমান আত্মীয়তা কেতিয়াও দেখা নাই৷ জুবিনৰ সৈতে মই ৯০ৰ দশকৰ পৰাই কাম কৰি আহিছো৷ আগতেতো সি নাছিল৷ হঠাৎ আহি সোমাইছে৷ জুবিনক শ্যামকানুৱে ব্যৱহাৰ কৰি কৰি শেষ কৰি পেলালে৷ জুবিন মৰি গলেও সি নৰ্থ ইষ্ট ফেষ্টিভেল চলাই থাকিল৷ কি ভেল্যু আছে তাৰ এই নৰ্থ ইষ্ট ফেষ্টিভেলৰ? অসমৰ কি লাভ হৈছে? শ্যামকানুৱে অকল নিজৰ পকেট গৰম কৰিলে৷ জুবিন গাৰ্গক ব্যৱহাৰ কৰিলে সি৷
সিদ্ধাৰ্থ সম্পৰ্কে যতীন বৰাই কয়- সিদ্ধাৰ্থই জুবিনক খুবেই কেয়াৰ লৈ দেখুৱাইছিল৷ আমি লগ কৰিব খুজিলেও সি জুবিন শুই থাকিলে ফোনটোও দিয়া নাছিল৷ পাছত কলবেক কৰিব বুলি ফোন থৈ দিছিল৷ জুবিনৰ সৈতে কৰোবালৈ আমি গলেও সিদ্ধাৰ্থই জুবিনক লগত ৰাখিছিল বেলেগ ৰুমত৷ ইমান কেয়াৰ কৰা দেখুৱাইছিল সি৷ গৰিমাতকৈ সিয়েই বেছি কাষে কাষে থাকিছিল জুবিনৰ৷ ইমান জানিও সি কিয় জুবিনক এই অৱস্থালৈ থেলি দিলে৷ জুবিনক নেমকেয়াৰত যেতিয়া জুই, পানীৰ পৰা আঁতৰত থাকিবলৈ কৈছিল তেতিয়া সিদ্ধাৰ্থ আছিল৷ মই নিজেই সেই সময়ত সেই স্থানত আছিলো৷ জুবিনৰ মেডিছিন মিছ হ’ব নোৱাৰিব বুলি কোৱা কথাও সিদ্ধাৰ্থই জানে৷ সকলো জানিও কিয় সি জুবিনক সাগৰলৈ লৈ গৈছিল? সিদ্ধাৰ্থক মই দোষী বুলি ভাৱো৷ সি মাৰি পেলোৱা নাই বাৰু কিন্তু ইমান কেয়াৰলেছ কিয় হ’ল সিদ্ধাৰ্থ? উত্তৰ অসমবাসীক লাগিব৷ এৰি দিয়া নহ’ব৷ অসমবাসীয়ে হীৰা হেৰুৱাইছে৷ জুবিনৰ মৃত্যু হোৱাৰ বয়স হোৱা নাছিল৷ আমাক জুবিনৰ ন্যায় লাগিব৷ কথাবোৰ অসমবাসীয়ে স্পষ্টকৈ জানিবই লাগিব৷ ছিংগাপুৰত প্ৰকৃততে কি হৈছিল জুবিনৰ লগত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
