শনিবাৰ মাহে শনিদেৱৰ আৰাধনাৰ দিন৷ সূৰ্যবংশীয় শনিৰ বক্ৰী দৃষ্টিয়ে ছাৰখাৰ কৰিব পাৰে সকলোবোৰ৷ আকৌ তেনেকৈ শনিৰ সুপ্ৰভাৱত সলনি হ’ব পাৰে জীৱন৷ শনি ন্যায় আৰু বিচাৰৰ প্ৰতীক৷ যেনে কৰ্ম তেনে ফল দিয়ে শনিয়ে৷ কিন্তু যাৰ জীৱনত শনিৰ কুদশা চলি থাকে তেওঁলোকে তাৰ প্ৰভাৱ কমাবলৈ কিছু বিশেষ কাম কৰিব পাৰে৷ শনি দোষৰ পৰা সম্পূৰ্ণ মুক্তি নাপালেও শনিদেৱক তুষ্ট কৰি কষ্ট কিছু লাঘৱ কৰিব পাৰে৷ তাৰবাবে শনিবাৰে কেইটামান প্ৰতিকাৰ কৰা প্ৰয়োজন৷ জানি থওক টিপছ৷
শিৱলিংগত অভিষেক কৰক
শনিদেৱ ভগৱান শিৱৰ ভক্ত৷ সেয়ে নিয়মিত শিৱৰ জলাভিষেক কৰা ভাল৷ শিৱলিংগত বিশুদ্ধ পানী, গাখীৰ, মৌ, বেলপাত আৰু গংগাজল অৰ্পন কৰিলে মানসিক শান্তি আহে৷ শনি সম্পৰ্কিত বাধা দূৰ হয়৷ শিৱ মন্দিৰত ভক্তিসহকাৰে ৰুদ্ৰাভিষেক কৰাৰ সময়ত ওঁ নমঃ শিবায় মন্ত্ৰ জপ কৰক৷
শনিৰ বীজমন্ত্ৰ জপ কৰক
শনিবাৰে শনিদেৱৰ পূজা কৰক আৰু তাৰ বীজমন্ত্ৰ ১০৮ বাৰ জপ কৰক৷ মন্ত্ৰটি হৈছে ওঁ শ্যাম শনৈশ্চৰ্য নমঃ অথৱা ওম প্ৰম প্ৰীম প্ৰৌম সহ শনৈশ্চৰ্য নমঃ৷ ইয়াৰ ফলত শনিৰ কুনজৰৰ প্ৰভাৱ কিছু পৰিমাণে হলেও কমিব৷
ক’লা তিল আৰু সৰিয়হৰ তেল দান কৰক
শনিবাৰে কলা তিল আৰু সৰিয়হৰ তেল, কলা পোছাক, লোহাৰ সামগ্ৰী আৰু জোতা দান কৰিলে শনিদেৱ অত্যন্ত সুখী হয়৷ প্ৰতি শনিবাৰে এই কাম কৰিলে শনিৰ প্ৰভাৱ দূৰ হব৷ সম্পদ আৰু সম্পত্তি সম্পৰ্কিত বাধা দূৰ হব৷ জীৱনলৈ ভাৰসাম্য আহিব৷
দৰিদ্ৰক সেৱা কৰক
শনিক সন্তুষ্ট কৰিব খুজিলে শনিবাৰে দুখীয়ালোকক সেৱা কৰক৷ তেওঁলোকৰ উপকাৰ কৰক৷ পোছাক দান কৰক৷ ইয়াৰ ফলত শনিদেৱ সন্তুষ্ট হব৷ শনিৰ দোষৰ পৰা মুক্তি পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
