গ্ৰাহক আছিল হিটলাৰো, ক’লা ধন লুকুৱাবলৈ কিমান ভৰষাৰ যোগ্য ছুইচ বেংক? ছুইচ বেংকত ভাৰতীয়সকলৰ বাঢ়িছে অৰ্থৰ পৰিমাণ

ছুইচ বেংকৰ ৰমৰমীয়া ব্যৱসায়ত সকলোতকৈ ডাঙৰ ধাক্কা খাই মাৰ্কিন নাগৰিক ব্ৰেডলি বাৰ্কেনফিল্ডে৷ ২০০১ চনত জেনেভাৰ ইউবিএছত যোগ দিয়ে তেওঁ৷ পৰবৰ্তী সময়ত আমেৰিকান গ্ৰাহকৰ ধনৰ বিষয়সমূহ তেঁৱেই চোৱাচিতা কৰিবলৈ লয়৷ ২০০৫ চনত ঊৰ্ধতন কৰ্তৃপক্ষৰ সৈতে খেলিমেলিৰ বাবে চাকৰিৰ পৰা ইস্তাফা দিয়ে বাৰ্কেনফিল্ডে৷ প্ৰায় লগে লগেই তেওঁ মাৰ্কিন যুক্তৰাষ্ট্ৰলৈ উভতিও যায়৷

মাৰ্কিন যুক্তৰাষ্ট্ৰলৈ উভতি গৈ মাৰ্কিন বিচাৰবিভাগক ছুইচ বেংকত আমেৰিকানসকলৰ কলা টকা কিমান আছে সকলো তথ্য দিয়ে বাৰ্কেনফিল্ডে৷ লগে লগেই তদন্তত নামে যুক্তৰাষ্ট্ৰৰ চৰকাৰ৷ জনা যায় যে কেৱল মাত্ৰ ইউ বি এছ ১৮০০ৰ পৰা ২০০০ কোটি ডলাৰ লুকুৱাই ৰাখিছিল ১৯ হাজাৰতকৈ বেছি মাৰ্কিন নাগৰিকে৷ ইয়াৰ বাবে জেনেভাৰ সেই বেংকৰ ওপৰত ৭৮ কোটি ডলাৰৰ জৰিমনা বিহে মাৰ্কিন যুক্তৰাষ্ট্ৰই৷

ছুইচ বেংকৰ গোপন তথ্য ফাঁচ কৰি বাৰ্কেনফিল্ডো কিন্তু বাচি নগ’ল৷ কৰ ফাঁকিৰ অভিযোগত ২০০৯ চনত তেওঁৰ জে’ল হয়৷ ২০১২ চনত তেওঁ কাৰাবাসৰ পৰা মুক্তি পায়৷ সেই সময়ত ছুইচ বেংকৰ গোপন তথ্য ফাঁচ কৰাৰ বাবে ১০.৪ কোটি ডলাৰ আমেৰিকাৰ পৰা লাভো কৰিছিল তেওঁ৷ ২০০৯ চনত ছুইচ বেংকৰ ইউ বি এছৰ বিৰুদ্ধে গোচৰ ৰুজু কৰে মাৰ্কিন চৰকাৰে৷ সেই বছৰেই জেনেভা যাত্ৰা কৰিছিল তেতিয়া তৎকালীন মাৰ্কিন বিদেশসচিব হিলাৰী ক্লিণ্টনে৷ মুঠ ৫২ হাজাৰ আমেৰিকান নাগৰিকৰ বেংকৰ তথ্যও তেওঁ বিচাৰিছিল৷ কিন্তু গোপনীয়তা আইনক সন্মুখত ৰাখি সেয়া প্ৰকাশ কৰিবলৈ ৰাজী নহল ছুইচ চৰকাৰ৷ শেষত ৱাছিংটনৰ ছাপত মাত্ৰ চাৰে চাৰিহাজাৰ গ্ৰাহকৰ তথ্য প্ৰকাশ কৰে তেওঁলোকে৷

ছুইচ বেংকত ক’লা ধন ৰখা বিষয়টো বন্ধ কৰিবলৈ যথেষ্ট উদ্যোগ গ্ৰহণ কৰিছিল প্ৰাক্তন মাৰ্কিন প্ৰেছি়ডেণ্ট বাৰাক হুছেইন ওবামাই৷ তেওঁৰ আমোলত পাছ হয় বিদেশী একাউণ্ট কৰ সন্মতি আইন৷ ইয়াত যুক্তৰাষ্ট্ৰৰ বাহিৰৰ কোনো বেংকত ধন বা সম্পত্তি জমা ৰাখিলে বাধ্যতামূলকভাৱে তথ্য দিব লাগিব বুলি কোৱা হৈছিল৷ ক্ষমতাত থকাৰ সময়ত ছুইজাৰলেণ্ডক ধমকিও দিছিল ওবামাই৷ কৈছিল যুক্তৰাষ্ট্ৰৰ নাগৰিকৰ বেংক সংক্ৰান্তিয় তথ্য প্ৰকাশ নকৰিলে তেওঁলোকৰ সৈতে থকা সকলো ব্যৱসায়িক চুক্তি বিচ্ছিন্ন কৰিব৷ ইয়াৰ ফলত অৱশ্যে প্ৰৱল চাপতো পৰিছিল ছুইজাৰলেণ্ড৷ কিন্তু তাৰপিছতো ছুইচবেংকে ভৰষা হেৰুওৱা নাই ধনকুবেৰৰ৷

যুক্তৰাষ্ট্ৰৰ ভাবুকিৰ পাছত বহু দেশেই ছুইজাৰলেণ্ডক এনে ভাবুকি দিছে৷ ২০১৫ চনত জাৰ্মানী, অষ্ট্ৰিয়া আৰু ব্ৰিটেইনৰ সৈতে ৰুবিক চুক্তি স্বাক্ষৰ কৰিছে ছুইচ চৰকাৰে৷ ইয়াত কোৱা হৈছে কোনো ব্যক্তিয়ে দেশৰ যাৱতীয় কৰ দিলে ছুইচ বেংকত ৰখা অৰ্থৰ তথ্য তেওঁলোকে গোপনে ৰাখিব পাৰিব৷ ইয়াৰ ফলত অৱশ্যে জেনেভাৰেই লাভ হয়৷ শুনা যায় যে বৰ্তমান অলিগাৰ্কি নামৰ ৰুছ অভিজাত শ্ৰেণী, চীনৰ কমিউনিষ্ট পাৰ্টীৰ শীৰ্ষ পদাধিকাৰী আৰু মাৰ্কিন ধনকুবেৰৰ বিপুল সম্পত্তি জমা হৈ আছে ছুইচ বেংকত৷ বিগত কেইবাবছৰত বিশ্বজুৰি বাঢ়িছে ভূৰাজনৈতিক অস্থিৰতা৷ আৰ ফলত জেনেভাৰ বেংকসমূহৰ সম্পত্তি কিমান বৃদ্ধি পাইছে সেয়া জানিব পৰা হোৱা নাই৷

ছুইচ বেংকৰ ভল্টক লৈ অৱশ্যে ইউৰোপত একাধিক কাহিনী প্ৰচলিত আছে৷ কোনোৱে কৈছে টকা আৰু সোণ সুৰক্ষিত ৰাখিবলৈ বিশেষ ধৰণৰ বাংকাৰ তৈয়াৰ কৰিছে জেনেভাৰ যাৱতীয় আৰ্থিক প্ৰতিষ্ঠানে৷ কাৰোবাৰ মতে আল্পছৰ দুৰ্গম এলেকাত আছে তেওঁলোকৰ ভল্ট৷ গোপনীয়তা আইনৰ বাবেই অৱশ্যে এই তথ্য সঁচানে সেয়া জানিব পৰা হোৱা নাই৷