শুকুৰবাৰে দিল্লীত প্ৰধানমন্ত্ৰী নৰেন্দ্ৰ মোদীৰ সৈতে এক দ্বিপাক্ষিক বৈঠকত বহিব ৰুছ প্ৰেছিডেণ্ট ভ্লাডিমিৰ পুটিন৷ বৈঠকত কেৱলমাত্ৰ কোনো বন্ধুত্বপূৰ্ণ আলোচনাই নহয়, ইয়াৰ সৈতে প্ৰতিৰক্ষা আৰু বাণিজ্যিক বিষয়তো একাধিক আলোচনা চলিব৷ ফলত প্ৰতিৰক্ষা সংস্থাসমূহ আৰু বিশেষজ্ঞসকলৰ ফকাছত আছে এই বৈঠক৷ অনুমান কৰা হৈছে ৰাছিয়ান Su-57 যুদ্ধবিমান আৰু S-500 ক লৈ কোনো চুক্তি হ’ব পাৰে নতুন দিল্লী আৰু মস্কোৰ সৈতে৷ প্ৰতিৰক্ষাৰ দিশত আৰু কোন কোন বিষয় আলোচনা হব পাৰে জানি থওক সবিশেষ৷
ষ্টকহোম ইণ্টাৰনেশ্ব্যনেল পিছ ৰিচাৰ্ছ ইনষ্টিটিউটৰ তথ্যই কৈছে, ২০২৪ চনত ভাৰতৰ ৩৬শতাংশ অস্ত্ৰ ৰাছিয়াৰ পৰা আহিছে৷ অপাৰেছন সিন্দুৰৰ সময়ত S-400 চিষ্টেমে ৯৫ শতাংশ পাকিস্তানি ড্ৰোণ ধ্বংস কৰিছিল৷ ইয়াৰোপৰি আপগ্ৰেড ভাৰ্ছন S-500ক লৈ আলোচনা চলিব৷
প্ৰতিৰক্ষা সচিব ৰাজেশ কুমাৰ সিঙে এই প্ৰসংগত জনাইছে যে ৰাছিয়াৰ সৈতে আমাৰ ডিফেন্স পাৰ্টনাৰচিপ দীৰ্ঘদিনৰ৷ এই বৈঠকে সেই পাৰ্টনাৰচিপক আৰু গভীৰ কৰিব৷ ক্ৰেমলিনৰ মুখপাত্ৰ দিমিত্ৰি পেছকভেও জনাইছে যে এই বৈঠকত S-400 আৰু Su-57 ক লৈয়ো আলোচনা হব৷
উল্লেখ্য যে ৰুছ প্ৰেছিডেণ্টে বিগত ৪ ডিচেম্বৰত দিল্লীত উপস্থিত হৈছে৷ প্ৰধানমন্ত্ৰী মোদীয়ে ব্যক্তিগতভাৱে তেওঁক বিমানবন্দৰৰ পৰা আনিছে৷ ৪ বছৰৰ ভিতৰত এয়া পুটিনৰ প্ৰথম ভাৰত ভ্ৰমণ৷ এই শীৰ্ষ সন্মীলনত প্ৰতিৰক্ষা, ইন্ধন আৰু বাণিজ্যৰ দৰে বিষয় আলোচনা হব পাৰে৷
প্ৰতিৰক্ষা বিভাগৰ কোন কোন বিষয় আলোচনা হ’ব পাৰে?
Su-57 যুদ্ধবিমান
ৰাছিয়াৰ Su-57 এখন বিশেষ যুদ্ধবিমান৷ ই আমেৰিকান F-35 ৰ সৈতে প্ৰতিযোগিতাত নামিব পাৰে৷ ইয়াত ছুপাৰক্ৰুজ, উন্নত ৰাডাৰ আৰু দুৰণিবটীয়া ক্ষেপণাস্ত্ৰ আছে৷ বিশেষজ্ঞৰ মতে ই ভাৰতৰ বিমান বাহিনীৰ হাতলৈ আহিব৷ ভাৰতীয় সেনাক কমেই দুটা স্কোয়াড্ৰন অৰ্থাৎ প্ৰায় ৮৪খন জেটৰ প্ৰয়োজন৷ প্ৰতি জেটৰ দাম প্ৰায় ৩০০ মিলিয়ন ডলাৰ৷ বিশেষ বিষয় হৈছে ৰাছিয়াই ১০০শতাংস প্ৰযুক্তি ভাৰতক দিছে৷ ইয়াৰফলত এইসমূহ ভাৰততো তৈয়াৰ কৰিব পাৰে৷ ক্ৰেমলিনৰ দাবী যে SU-400 বিশ্বৰ বিশেষ ফাইটাৰ৷ ভাৰতৰ সৈতে যৌথভাৱে সেয়ে উৎপাদন কৰিব খোজে ৰাছিয়াই৷ যদি চুক্তি চুড়ান্ত হয় তেতিয়া এই ডিলৰ ভেলু ৭৪ বিলিয়ন ডলাৰ হব পাৰে৷
এছ-৫০০ ক্ষেপণাস্ত্ৰ প্ৰতিৰক্ষা ব্যৱস্থাঃ হাইপাৰছনিক আক্ৰমণৰ জৱাব
S-500ৰ পুৰণি ভাৰ্ছন S-400 তকৈ উন্নত৷ ই হাইপাৰছনিক ক্ষেপণাস্ত্ৰ, বেলিষ্টিক ক্ষেপণাস্ত্ৰ, ক্ৰুজ ক্ষেপণাস্ত্ৰ আকাশতে ধ্বংস কৰিব পাৰে৷ ই প্ৰায় ৬০০ কিঃমিঃ পৰ্যন্ত আকাশত সুৰক্ষা দিব পাৰে৷ ভাৰতে S-500ক লৈ ৫.৪ বিলিয়ন ডলাৰৰ এক চুক্তি কৰিব খুজিছে৷ যাৰ মাজত ৬০শতাংশ প্ৰযুক্তি হস্তান্তৰৰ বিষয়টো অন্তৰ্ভুক্ত৷ ৰাছিয়াৰ আলমাজ এণ্টে কোম্পানীৰ সৈতে এই অস্ত্ৰ যৌথ উৎপাদনৰ ওপৰতো আলোচনা হব৷ এই কথা পাক্কা হলেই ভাৰতৰ বিমান প্ৰতিৰক্ষা ব্যৱস্থা আৰু শক্তিশালী হৈ উঠিব৷ ইয়াৰোপৰি S-400 আপগ্ৰেড আৰু আমদানি, নতুন ৮০০ কিঃমিঃ দূৰ বিশিষ্ট ব্ৰহ্মোছ মিছাইল, Su-30MKI-ৰ ১০০খন জেটত ডাঙৰ আপগ্ৰেড, স্প্ৰট লাইট টেংক, পেণ্টছিৰ চিষ্টেম ইত্যাদিক লৈয়ো আলোচনা হব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
