কিৰিছ কা গানা ছুনেগা? এটা সৰু সংলাপ৷ অথচ এই লাইনটোৰ বাবেই তেওঁ এতিয়া ছচিয়েল মিডিয়াত ট্ৰেণ্ডছেটাৰ৷ ৰিল, মিম, ৰিমিক্স, নেটদুনীয়াত সৰ্বত্ৰতে ঘুৰিছে এই অডিঅ’ৰ বিভিন্ন সংস্কৰণ৷ কিন্তু প্ৰশ্ন এটাই এই ভাইৰেল লাইনটোৰ আৰম্ভণি ক’ত? আৰু এই ভিডিঅ’ত থকা পুৰুষজন কোন?
এই প্ৰশ্নৰ উত্তৰ বিচাৰি পোৱা গৈছে ঝাৰখণ্ডত৷ অৰ্থাৎ এই ভাইৰেল হৈ পৰা যুৱকজন ঝাৰখণ্ডৰ জামছেদপুৰৰ বাসিন্দা৷ তাৰ বাসিন্দা ৩২ বছৰীয়া পিণ্টু প্ৰসাদ৷ তেওঁ আজি নেটদুনীয়াত পৰিচিত ভাইৰেল ধুম বয়৷
কোন এই পিণ্টু প্ৰসাদ?
পিণ্টুৰ জীৱন মুঠেও সহজ নাছিল৷ খুব কম বয়সতেই পিতৃ-মাতৃক তেওঁ হেৰুৱাইছিল৷ পাৰিবাৰিক সহায়তা বুলিবলৈ তেওঁৰ এগৰাকী ভনীয়েক আছিল৷ যি তেওঁৰ জীৱনৰ প্ৰধান ভৰসা৷ জীৱিকাৰ তাগিদাত কেতিয়াবা যদি পিণ্টুৱে আৱৰ্জনা কঢ়িয়াইছিল কেতিয়াবা আকৌ টয়লেট পৰিষ্কাৰ কৰাৰ কাম কৰিছিল৷ আনকি মৃত প্ৰাণী সৎকাৰ কৰা বা দূৰলৈ লৈ যোৱা আদি কামো তেওঁ কৰিছিল৷ জীৱনৰ সমস্ত প্ৰতিকূলতাৰ মাজতো তেওঁৰ মুখত লাগি আছিল এটা প্ৰাণখোলা হাঁহি৷ পিণ্টুৱে নিজেই জনাইছে যে সৰুৰে পৰা পেট ভৰোৱাৰ বাবে তেওঁ শৌচালয় পৰিষ্কাৰ কৰা পৰ্যন্ত সকলো কামেই কৰিছে৷
ভাইৰেল মুহূৰ্ত
সকলোবোৰ সলনি পৰে এক অনিচ্ছাকৃত ভিডিঅ’তেই৷ কেমেৰাৰ সন্মুখত হঠাতে পিণ্টুৱে কৈছিল, ‘কিৰিছ কা গানা ছুনেগা…লে বেটা!’ তাৰপিছতেই হৃতিক ৰোছনৰ ছবি কৃষৰ জনপ্ৰিয় গান ‘দিল না দিয়া’ গাই গাই আৰম্ভ কৰিলে লগে লগে তেওঁ নিজস্ব ধুম ষ্টাইল ডান্স৷ এই প্ৰাণৱন্ত পাৰফৰমেন্সে মুহূৰ্ততেই নেটদুনীয়াত ছুনামী আনে৷ ‘লে বেটা, কিৰিছ কা গানা ছুনেগা’ এই সংলাপ হৈ উঠে হাজাৰ হাজাৰ ৰিলৰ মূল সুৰ৷
https://www.instagram.com/reel/DSfYlteDxUa/?utm_source=ig_web_copy_link
অস্তিত্ব ফাউণ্ডেছনে পিণ্টুক দিছে নৱজীৱন
ভাইৰেল হোৱাৰ লগে লগেই তেওঁৰ জনপ্ৰিয়তা বাঢ়ে৷ কিন্তু এই জনপ্ৰিয়তাৰ বাবে তেওঁৰ সমস্যাও হয়৷ বহুতেই পিণ্টুৰ সৰলতাৰ সুযোগ লয়৷ ঘণ্টাৰ পাছত ঘণ্টা কনটেণ্ট বনাবলৈ তেওঁক ব্যৱহাৰ কৰে কিন্তু তেওঁক কোনো পাৰিশ্ৰমিক নিদিয়ে৷ ঠিক সেই সময়তেই পিণ্টুৰ জীৱনলৈ আশা হৈ আহে অস্তিত্ব ফাউণ্ডেছন৷ সংস্থাৰ প্ৰতিষ্ঠাতা সৌৰভ তিৱাৰী আৰু তেওঁৰ দল পিণ্টুৰ কাষত ঠিয় দিয়ে৷ আৰম্ভ হয় তেওঁৰ চিকিৎসাৰ লগতে পুনৰ্বাসন আৰু নতুন জীৱনৰ প্ৰস্তুতি৷ এতিয়া পিণ্টুৰ নিচাৰ পৰা আঁতৰি সুস্থ জীৱনযাপনত আগ্ৰহী হব ধৰিছে৷
নেটদুনীয়াত প্ৰিয় মুখ
আজি পিণ্টুৰ ইনষ্টাগ্ৰাম একাউণ্ট @viralboydhoom ত ফলোৱাৰৰ সংখ্যা প্ৰায় ৭৩ হাজাৰ৷ বহুতেই লক্ষ্য কৰিছে বয়সৰ তুলনাত তেওঁ বেছ তৰুণ৷ তেওঁৰ এই শিশুসুলভ প্ৰাণশক্তি আৰু সৰলতাই ভক্তৰ মন জয় কৰিবলৈ সক্ষম হৈছে৷ পিন্টু প্ৰসাদৰ এই কাহিনীয়ে প্ৰমাণ কৰিছে যে ডিজিটেল যুগত সৰু এটা সংলাপেও সলায় দিব পাৰে আপোনাৰো জীৱন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
