কেন্দ্ৰীয় চৰকাৰৰ কৰ্মচাৰীসকলৰ মাহত দৰমহা বঢ়োৱাই লক্ষ্য অষ্টম দৰমহা আয়োগৰ৷ ইয়াৰ সুফল পাব অৱসৰপ্ৰাপ্ত কৰ্মীসকলেও৷ কাৰণ দৰমহাৰ ওপৰিও সংশ্লিষ্ট কমিছনৰ নতুন নীতি মানি সংশোধন কৰা হ’ব পেঞ্চনো৷ কি হাৰত বাঢ়িব অৱসৰপ্ৰাপ্তসকলৰ ধন? সকলোতকৈ বেছি লাভৱান হব কোন পদৰ কৰ্মীসকল? ইতিমধ্যেই তাৰ বিশ্লেষণ আৰম্ভ কৰিছে বিশেষজ্ঞসকলৰ একাংশই৷ কেন্দ্ৰীয় চৰকাৰৰ অৱসৰপ্ৰাপ্তসকলক পেঞ্চন মুঠ তিনিটা ভাগত ভাগ কৰা হয়৷ সেইসমূহ হৈছে মৌলিক, মধ্য আৰু উচ্চস্তৰৰ পেঞ্চন৷ অষ্টম দৰমহা কমিছনত পেঞ্চন বৃদ্ধিৰ বিষয়টো নিৰ্ভৰ কৰিব ফিটমেণ্ট ফেক্টৰৰ ওপৰত৷ যি ২.৮৬ শতাংশ পৰ্যন্ত হব পাৰে বুলি ধাৰণা কৰা হৈছে৷
কিন্তু কি এই ফিটমেণ্ট ফেক্টৰ? আৰ্থিক বিশ্লেষকৰ দাবী, কেইবাটাও ভিত্তিৰ ওপৰত নিৰ্ভৰ কৰি চৰকাৰী কৰ্মচাৰীসকলৰ মূল দৰমহা নিৰ্ধাৰণ আৰু সংশোধন কৰে কমিছনে৷ ইয়াকেই কোৱা হয় ফিটমেণ্ট ফেক্টৰ৷ নিয়ম অনুসৰি সংশোধিত মূল দৰমহা ঠিক কৰিবলৈ বৰ্তমান বেছিক পেৰ সৈতে ফিটমেণ্ট ফেক্টৰক গুণ কৰা হয়৷ ফলত ইয়াৰ অংক যিমানেই বেছি হব সিমানেই মাহিলী পেঞ্চন বাঢ়িব৷
উল্লেখ্য যে অষ্টম দৰমহা কমিছন কাৰ্যকৰ হলে মৌলিক স্তৰৰ ওপৰিও মধ্যম স্তৰৰ অৱসৰপ্ৰাপ্তসকলৰো বাঢ়িব পেঞ্চন৷ বৰ্তমান প্ৰতিমাহে সেই কৰ্মচাৰীয়ে ২২ হাজাৰ ৪৫০ টকাকৈ পেঞ্চন দিব লাগিব৷ ফিটমেণ্ট ফেক্টৰ ২.০ হলে সেয়া বাঢ়ি হব ৪৪ হাজাৰ ৯০০ টকা৷ আৰু ফিটমেণ্ট ফেক্টৰ ২.৫৭ বা ২.৮৬ হলে আৰু বাঢ়িব তেওঁলোকৰ পেঞ্চন৷ সেই ক্ষেত্ৰত ধনৰ অংক হব ৫৭ হাজাৰ ৬৯৭ বা ৬৩ হাজাৰ ২০৭৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
