নাৰীৰ ওপৰত অত্যাচাৰ দিনক দিনে বাঢ়িছে। কিছুমানে কোনো কাৰণ নোহোৱাকা, কিছুমানক প্ৰেমৰ প্ৰত্যাখ্যান কৰাৰ, আন কিছুমানে বিয়া কৰাবলৈ অস্বীকাৰ কৰাৰ বাবে লক্ষ্য কৰি লয়। শেহতীয়াকৈ হায়দৰাবাদতো সংঘটিত হৈছে এনে এক ঘটনা। এজন যুৱকে প্ৰেমিকাক এইচ আই ভি বেজী দি পলায়ন কৰে। ঘটনাৰ খবৰ পোৱাৰ লগে লগে পৰিয়ালৰ লোকে চিকিৎসালয়লৈ লৈ যায় আৰু চিকিৎসা আৰম্ভ কৰে।
আপোনালোক হয়তো ‘ৰাজু ৱেডছ ৰাম বয়’ চিনেমাখন চাইছে। সেই ছবিখনত ছোৱালীজনীৰ পিতৃয়ে ভাল নোপোৱা এজন পুৰুষৰ প্ৰেমত পৰাৰ বাবে এইচ আই ভি বেজী দিয়ে। হায়দৰাবাদতো এনে এক ঘটনা সংঘটিত হৈছে। কিন্তু এইবাৰ এইচ আই ভি বেজীটো পিতৃয়ে নহয়, বিয়া কৰাব বিচৰা যুৱকজনেহে দিয়ে। প্ৰকৃততে কি হৈছিল জানো আহক।
দৰাচলতে হায়দৰাবাদৰ পোচাৰাম থানা অঞ্চলত বাস কৰা এগৰাকী যুৱতীৰ আঙঠি পিন্ধোৱা পৰ্ব সম্পন্ন হৈছিল। কিন্তু বিবাহ চূড়ান্ত হোৱাৰ পিছত যুৱতীগৰাকী আৰু তেওঁৰ পৰিয়ালে গম পায় যে তেওঁ এইচ আই ভি পজিটিভ। ইয়াৰ বাবেই যুৱতীগৰাকীয়ে যুৱকজনৰ সৈতে বিয়া হ’বলৈ অস্বীকাৰ কৰিলে যদিও তেওঁ যুৱকজনক বিয়াৰ বাবে হাৰাশাস্তি কৰিবলৈ ধৰিলে। এই খং ইমানেই বাঢ়ি গ’ল যে, ১১ মাৰ্চত যুৱকজনে পুনৰ যুৱতীগৰাকীৰ ঘৰলৈ গৈ যুৱতীগৰাকীক বিয়া হ’বলৈ হেঁচা প্ৰয়োগ কৰে। কিন্তু তেওঁ অমান্তি হোৱাৰ বাবে এইচ আই ভি বেজী এটা দি পলাই যায়। পিছত যুৱতীগৰাকীক পৰিয়ালৰ লোকে লগে লগে চিকিৎসালয়লৈ লৈ যায়। পিছত আৰক্ষীৰ ওচৰত এজাহাৰ দাখিল কৰে। ভুক্তভোগীৰ অভিযোগৰ ভিত্তিত আৰক্ষীয়ে গোচৰ ৰুজু কৰি অভিযুক্তক গ্ৰেপ্তাৰ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
