কণী খাই প্ৰায় সকলোৱে ভাল পায়। এতিয়া কণী ক্ৰয় কৰাৰ সময়ত কণীৰ ম্যাদ উকলি গৈছেনে নাই পৰীক্ষা কৰিব পাৰিব। চৰকাৰে এক নতুন নিয়ম ৰূপায়ণ কৰিছে, য’ত উল্লেখ আছে যে ১ এপ্ৰিলৰ পৰা প্ৰতিটো কণীত ম্যাদ উকলি যোৱাৰ তাৰিখ উল্লেখ কৰাটো বাধ্যতামূলক। এই নিয়ম মানি চলাত ব্যৰ্থ হোৱা যিকোনো ব্যৱসায়ী বা উৎপাদকৰ কণীবোৰ ভাঙি পেলাব পাৰে। ইয়াৰোপৰি “মানৱৰ খাদ্যৰ বাবে অযোগ্য” বুলি ঘোষণা কৰা হ’ব পাৰে। চৰকাৰে কয় যে এই পদক্ষেপ গ্ৰাহকৰ সুৰক্ষাৰ বাবে।
কণীৰ গুণাগুণ আৰু খাদ্য সুৰক্ষা উন্নত কৰাৰ বাবে উত্তৰ প্ৰদেশ চৰকাৰে এক বৃহৎ সিদ্ধান্ত গ্ৰহণ কৰিছে। ১ এপ্ৰিলৰ পৰা ৰাজ্যৰ সকলো কণী উৎপাদকে প্ৰতিটো কণীত তাৰিখ লিখিব লাগিব। তথ্য অনুসৰি গ্ৰাহকে ক্ৰয় কৰা কণীৰ সতেজতাৰ বিষয়ে স্পষ্ট বুজিবলৈ এই নিয়ম কাৰ্যকৰী কৰা হৈছে। নিয়ম মানি নচলাসকলৰ বিৰুদ্ধে কঠোৰ ব্যৱস্থা গ্ৰহণ কৰা হ’ব।
বিশেষজ্ঞসকলৰ মতে, স্বাভাৱিক উষ্ণতা অৰ্থাৎ প্ৰায় ৩০ ডিগ্ৰী চেলছিয়াছত কণী পৰাৰ পিছত দুসপ্তাহলৈকে নিৰাপদে থাকে। ২ৰ পৰা ৮ ডিগ্ৰী চেলছিয়াছ উষ্ণতাত কণী ৰাখিলে প্ৰায় পাঁচ সপ্তাহলৈকে ভালে থাকিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
