How to Get Rid of Spiders Naturally: ঘৰৰ চুকে-কোণে মকৰাজাল দেখি বিৰক্ত হৈছে নেকি? বাৰে বাৰে চাফা কৰাৰ পিছতো কেইদিনমানৰ ভিতৰতে মকৰাবোৰে পুনৰ জাল ধৰিবলৈ আৰম্ভ কৰে। ফলত ঘৰৰ সৌন্দৰ্য নষ্ট হোৱাৰ লগতে লেতেৰা হোৱাও দেখা যায়। কিন্তু কিছুমান অতি সহজ ঘৰুৱা উপায় অৱলম্বন কৰি এই সমস্যাৰ পৰা পৰিত্ৰাণ পাব পাৰি।
প্ৰথমে নেমুৰ ৰস ব্যৱহাৰ কৰিব পাৰে। এটা পাত্ৰত নেমুৰ ৰস পানীৰ লগত মিহলাই স্প্ৰে বটলত ভৰাই দিব। য’ত মকৰা জাল বেছি দেখা যায় তাত তাত স্প্ৰে কৰিলে মকৰাবোৰ আঁতৰি যাব আৰু ক্ৰমান্বয়ে জালৰ পৰিমাণ কমি যাব।
মকৰা দূৰ কৰাৰ আন এটা ফলপ্ৰসূ উপাদান হ’ল পদিনা পাত। সৰু পাত্ৰ এটাত পদিনা পাত কেইটামান শুকুৱাই ঘৰৰ এটা চুকত থৈ দিব। মকৰাবোৰে পদিনাৰ গোন্ধ সহ্য কৰিব নোৱাৰে, গতিকে সেই ঠাইত নোযোৱাকৈ থাকে।
প্ৰাণীবিজ্ঞানী ৰঞ্জিত মুখাৰ্জীয়ে কয় যে, কেতিয়াবা ঘৰত অতিৰিক্ত ধূলি থাকিলেও মকৰাৰ আক্ৰমণ বাঢ়ি যায়। গতিকে নিয়মীয়াকৈ ঝাড়ু, মপিং আৰু ঘৰৰ চুকবোৰ পৰিষ্কাৰ কৰি ৰখাৰ ফলত মকৰাবোৰে জাল কৰাৰ সুযোগ কমি যাব। পৰিষ্কাৰ-পৰিচ্ছন্নতা বজাই ৰখাটো এই সমস্যাৰ অন্যতম সমাধান।
ঘৰতে বনোৱা হালধি স্প্ৰেও ব্যৱহাৰ কৰিব পাৰে। কেইটামান নহৰু থেতেলিয়াই পানীৰ লগত মিহলাই পানীখিনি খিৰিকী, দুৱাৰ বা বেৰৰ চুকত ছটিয়াই দিব। হালধিৰ গোন্ধে মকৰাবোৰক আঁতৰাই ৰাখিব আৰু আপোনাৰ ঘৰত সহজে প্ৰৱেশ কৰিব নোৱাৰে। এই সহজ ঘৰুৱা উপায়সমূহৰ নিয়মিত ব্যৱহাৰে মকৰাজালৰ সমস্যা বহু পৰিমাণে কমিব আৰু আপোনাৰ ঘৰখন পৰিষ্কাৰ আৰু পৰিপাটিকৈ হৈ থাকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
