আজিকালি ব্যস্ত জীৱনশৈলীত মানুহে নিজৰ ওপৰত গুৰুত্ব দিব নোৱাৰা হৈছে। পুৰুষেই হওক বা মহিলাই হওক সকলোৱে শৰীৰৰ পৰিষ্কাৰ-পৰিচ্ছন্নতাৰ যত্ন লোৱা উচিত। বহুতে প্ৰায়ে নিজৰ ব্যক্তিগত অংশৰ কথা মুকলিকৈ কবলৈ লাজ কৰে বা শংকা বোধ কৰে। এনে সমস্যাক লৈ একেবাৰেই দ্বিধাবোধ কৰাৰ প্ৰয়োজন নাই। ভেঁকুৰৰ সংক্ৰমণেই ইয়াৰ আটাইতকৈ ডাঙৰ কাৰণ, সাধাৰণতে পৰিষ্কাৰ-পৰিচ্ছন্নতাৰ অভাৱত এনে হয়। ইয়াৰ উপৰিও দুৰ্গন্ধ আৰু তীব্ৰ খজুৱতি হ’ব পাৰে। আনকি কিছুমান লোকে বিষো অনুভৱ কৰিবলৈ আৰম্ভ কৰে। গৰ্ভাৱস্থা আৰু মাহেকীয়াৰ সময়ত মহিলাৰ হৰম’নৰ পৰিৱৰ্তনো ইয়াৰ কাৰণ হ’ব পাৰে।
আপুনি জানেনে গুপ্তাংগ পৰিস্কাৰ নকৰিলে সেই অংশত দুৰ্গন্ধ, খজুৱতি, ফোঁহা আৰু সংক্ৰমণৰ সম্ভাৱনা বৃদ্ধি পায়। গৰম দিনত এই সমস্যাই মানুহক বেছি অশান্তি কৰে। ভুল প্ৰডাক্ট ব্যৱহাৰ কৰিলে বা ভুল পদ্ধতিৰে সেই অংশৰ নোম আঁতৰালেও ছালৰ এলাৰ্জী, জ্বলন আৰু ভেঁকুৰৰ সংক্ৰমণ হ’ব পাৰে। গৰম দিনত এইবোৰৰ পৰা সাৱধান হোৱা উচিত। যদি এনেবোৰ সমস্যা বাঢ়ি যায়, তেতিয়া uti ৰ দৰে সমস্যাই দেখা দিব পাৰে।
সেয়ে গৰম দিনত খাদ্যত ফল-মূল, শাক-পাচলি, দৈ আদি স্বাস্থ্যকৰ খাদ্য অন্তৰ্ভুক্ত কৰক। ধূমপান, টাইট কাপোৰ পিন্ধা, অস্বাস্থ্যকৰ জীৱনশৈলী সলনি নকৰিলে সমস্যা বেছি হয়। সেয়ে এনে সমস্যাই দেখা দিলে ঘৰুৱা উপাদান হিচাপে এলোভেৰা, নাৰিকল তেল আৰু দৈ ব্যৱহাৰ কৰিব পাৰে।
ইয়াৰোপৰি পৰিস্কাৰ-পৰিচ্ছন্নতাৰ প্ৰতিও যত্ন লওক। প্ৰতিদিনে প্ৰস্ৰাৱ কৰাৰ পিছত কুহুমীয়া পানীৰে ছালখন ধুব, তেতিয়া খজুৱতি কম হ’ব। কিন্তু এই সমস্যা বেছিদিন থাকিলে আপুনি চিকিৎসকৰ পৰামৰ্শ ল’ব নাপাহৰিব।
অস্বীকাৰ: এই বাতৰিত প্ৰকাশিত তথ্য সামাজিক মাধ্যমত পোৱা আৰু সাধাৰণ তথ্যৰ ওপৰত ভিত্তি কৰি দিয়া হৈছে। Asom Live 24 এ ইয়াক সমৰ্থন নকৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
