৯০ দশকৰ বলীউডৰ আটাইতকৈ জনপ্ৰিয় দম্পতীৰ কথা আহিলে প্ৰথমে মনলৈ আহে সঞ্জয় দত্ত আৰু মাধুৰী দীক্ষিত। ‘খতৰো কে খিলাড়ি’, ‘ইলাকা’ বা ‘সাহিবান’ৰ দৰে ছবিত তেওঁলোকে দৰ্শকক মোহিত কৰিছিল। কিন্তু তেওঁলোকৰ পেছাদাৰী সম্পৰ্কতকৈও বেছি তেওঁলোকৰ ব্যক্তিগত জীৱনৰ সমীকৰণে প্ৰায়ে সংবাদ মাধ্যমৰ শিৰোনাম দখল কৰিছিল। কোৱা হয় যে এই দুই তাৰকাই ইজনে সিজনৰ লগত প্ৰেমত পৰিছিল।
১৯৯১ চনত ‘চাজন’ ছবিখনৰ শ্বুটিংৰ সময়ত তেওঁলোকৰ প্ৰেমৰ উৰাবাতৰি তীব্ৰতৰ হৈ পৰে। সেই সময়ত এজন বিখ্যাত পৰিচালকে কৈছিল যে, মাধুৰীৰ প্ৰতি সঞ্জয়ৰ আকৰ্ষণ আছিল। শ্বুটিঙৰ সময়ত সঞ্জয়ে মাধুৰীৰ কাণত ‘আই লাভ ইউ’ বুলি ফুচফুচাই কোৱা প্ৰায়ে শুনা গৈছিল। আনকি এক সাক্ষাৎকাৰতো মাধুৰীয়ে নিজেই সঞ্জয়ক তেওঁৰ ‘প্ৰিয় সহ অভিনেতা’ বুলি অভিহিত কৰিছিল।
মাধুৰীৰ ভাষাত “মোৰ প্ৰিয় সংগী সঞ্জয় দত্ত। সঞ্জু এজন অসাধাৰণ ব্যক্তি, তেওঁ অতি কোমল হৃদয়ৰ। তেওঁ কোনো হিংসা নকৰে, এজন ভদ্ৰলোক আৰু অতি সহজ মানুহ।”
সঞ্জয় আৰু মাধুৰীৰ সম্পৰ্কই বিতৰ্কৰ সন্মুখীন হয়। অৱশেষত ১৯৯৭ চনত দুয়োৰে বিচ্ছেদ ঘটে। কথা হয় যে এই বিচ্ছেদে সঞ্জয় দত্তৰ ওপৰত গুৰুতৰ মানসিক প্ৰভাৱ পেলাইছিল। দশক দশক ধৰি ইজনে সিজনৰ পৰা দূৰত্ব বজাই ৰখাৰ পিছত কেইবছৰমান পূৰ্বে পুনৰ একেলগে পৰ্দাত অভিনয় কৰা দেখা গৈছিল ‘কলংক’ ছবিখনত। নব্বৈৰ দশকৰ সেই আধৰুৱা প্ৰেম এতিয়াও বলীউডৰ ইতিহাসৰ অন্যতম কৰুণ অধ্যায় হৈয়ে আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
