এই ৭ কাৰণত শৰীৰত হু হু কৰে কমি যায় শুক্ৰাণু! কমি যায় উদ্দমতা! সন্তান উৎপাদনত সমস্যা, পুৰুষৰ বাবে এই খবৰ

বহুতে ধাৰণা কৰে সন্তানধাৰণত উৰ্বৰতা কেৱল নাৰীৰেই সমস্যা৷ কিন্তু পুৰুষৰ বন্ধ্যাত্ব সম্পৰ্কে আমি বহুতেই নাজানো৷ অলিগোস্পাৰ্মিয়া হৈছে পুৰুষৰ উৰ্বৰতা সংক্ৰান্তিয় এনে এক সমস্যা যাৰ বৈশিষ্ট্য হৈছে শুক্ৰাণুৰ সংখ্যা কম থকা৷ অন্য কথাত যৌন উত্তেজনাৰ চৰম মুহূৰ্তত শৰীৰৰ পৰা যি তৰল নিৰ্গত হয় তাত স্বাভাৱিকৰ তুলনাত শুক্ৰাণুৰ সংখ্যা কম থকা৷ বিশ্ব স্বাস্থ্য সংস্থাই জনোৱা মতে আপোনাৰ প্ৰতি মিলিলিটাৰ বীৰ্যত ১৫ মিলিয়নতকৈ কম শুক্ৰাণু থাকিলে আপোনাৰ শুক্ৰাণুৰ সংখ্যা স্বাভাৱিকৰ তুলনাত কম বুলি ধৰা হয়৷ এই সীমাৰ তলত যিকোনো পৰিমাণক অলিগোস্পাৰ্মিয়া বুলি কোৱা হয়৷

শুক্ৰাণুৰ সম্পূৰ্ণ অনুপস্থিতিক এজোস্পাৰ্মিয়া বুলি কোৱা হয়৷ বীৰ্য পৰীক্ষাৰ মাধ্যমেৰে শুক্ৰাণুৰ পৰিমাণ নিৰ্ণয় কৰা হয়৷ যদি আপোনাৰ গৰ্ভধাৰণত সমস্যা হয় আৰু আপোনাৰ শুক্ৰাণুৰ কিছু সম্ভাৱ্য সমস্যা পৰিক্ষা কৰাৰ বাবে চিকিৎসকে বীৰ্য পৰীক্ষা কৰিব পাৰে৷ এই পৰীক্ষাত শুক্ৰাণুৰ সংখ্যা আৰু গুণমান, সচলতা আৰু অস্বাভাৱিক আৰু স্বাভাৱিক গঠণ পৰীক্ষা কৰা হয়৷ শুক্ৰাণুৰ সংখ্যা ওঠানমা কৰাটো স্বাভাৱিক৷ বিশেষকৈ বয়স বঢ়াৰ লগে লগে৷ কিন্তু এনে কিছু শাৰীৰিক অৱস্থা আৰু জীৱনযাত্ৰাগত কাৰণ আছে যিয়ে অলিগোস্পাৰ্মিয়াৰ আশংকা বঢ়াব পাৰে৷