আম আদমি পাৰ্টীত তেওঁ নাথাকে সেই কথা একপ্ৰকাৰে পৰিষ্কাৰ হৈ পৰিছে৷ এইবাৰ ৰাঘৱ চাড্ডাৰ ভৱিষ্যৎ কি? তেওঁ বিজেপিত যোগ দিব বুলিও এক চৰ্চা চলিছিল৷ ইয়াৰ মাজতেই ছচিয়েল মিডিয়াত চমকপ্ৰদ ইংগিত দিলে ৰাঘৱ চাড্ডাই৷ বুজাই দিলে, নতুন দল গঠন কৰাৰ ভাৱনা চিন্তা আছে৷
সম্প্ৰতি এক ছচিয়েল মিডিয়া পোষ্টত ৰাঘৱৰ এক সমৰ্থকে দাবী কৰিছে যে দেশৰ তৰুণ প্ৰজন্মই বিচাৰে ৰাঘৱ চাড্ডাই নিজৰ এক ৰাজনৈতিক দল গঢ়ি তোলক৷ ইয়াত অন্য কোনো দলে যোগ দিলে জনপ্ৰিয়তা হেৰুৱাব ৰাঘৱে৷ আনকি সমালোচনাৰ মুখতো পৰিব পাৰে৷ সকলোতকৈ ভাল হ’ব নিজৰ পৃথক দল খোৱাটো৷ আৰু তেতিয়াই যুৱসমাজ ব্যাপকভাৱে তেওঁৰ কাষত ঠিয় দিব৷ ৰাঘৱৰ সেই নতুন দলৰ নাম হ’ব পাৰে জেন জি পাৰ্টী৷
তাৎপৰ্যপূৰ্ণভাৱে সেই সমৰ্থকৰ পোষ্টত জবাব দিছে ৰাঘৱে নিজে৷ তেওঁ লিখিছে ‘interesting thought’ অৰ্থাৎ আকৰ্ষণীয় চিন্তাভাৱনা৷ ৰাঘৱৰ সেই সৰু মন্তব্যই তেওঁৰ ৰাজনৈতিক ভৱিষ্যতক লৈ জল্পনা তৈয়াৰ কৰি দিছে৷ আপৰ দাবী ৰাঘৱ বিজেপিতেই যাব৷ তেওঁ বিজেপিৰ সৈতে কথাবাৰ্তা ইতিমধ্যেই পাতিছে৷ দুবছৰ পূৰ্বৰে পৰাই বিজেপিৰ সৈতে যোগাযোগ ৰাখিছে ৰাঘৱ চাড্ডাই৷
ৰাঘৱৰ ঘনিষ্ঠ মহলে কৈছে যে এতিয়াই তেওঁ বিজেপিত যোগ দিয়াৰ সম্ভাৱনা নাই৷ ৰাজ্যসভাৰ সাংসদ হিচাপে আৰু দুবছৰৰ ম্যাদ আছে ৰাঘৱৰ৷ এই দুবছৰত তেওঁ দলৰ ভিতৰৰ পৰাই আপৰ সৈতে বিসম্বাদো কৰিব পাৰে৷ পঞ্জাৱৰ নিৰ্বাচনৰ পূৰ্বে বিজেপিয়ে যদি বিচাৰে তেতিয়া যোগদান কৰিব পাৰে৷
সমগ্ৰ বিষয়ক লৈ ৰাঘৱে কৈছে, ‘মই বুজিব পৰা নাই কিয় মোৰ কণ্ঠৰোধ কৰা হৈছে৷ আমি সাধাৰণ মানুহৰ কথা কওঁ৷ তাত আম আদমিৰ লাভ হয়৷ তাতে আম আদমি পাৰ্টীৰ সমস্যাটো ক’ত? কিয় মোৰ কণ্ঠৰোধ কৰা হৈছে৷ মানুহৰ কথা কোৱাটো অপৰাধ নেকি? ৰাঘৱৰ চিধা কথা, ‘মোৰ কণ্ঠ হয়তো ৰোধ কৰা হ’ব৷ কিন্তু মোক নস্যাৎ কৰি পেলাব নোৱাৰে৷ মানুহৰ কাষত মই থাকিমেই৷ মানুহৰ কথা মই কমেই৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
