ৰাজ্যৰ ভিতৰতে শীৰ্ষ স্থান লাভ কৰা পাটাছাৰকুছিৰ শংকৰদেৱ শিশু নিকেতনৰ জ্যোতিৰ্ময় দাসৰ পিতৃ এখন নাৰ্ছিংহোমৰ চতুৰ্থ বৰ্গৰ কৰ্মচাৰী। উৰুখা পজাৰ পৰা ওলাই অহা জ্যোতিৰ্ময়ৰ সপোন ভৱিষ্যতে এগৰাকী সু-চিকিৎসক হোৱা৷
জ্যোতিৰ্ময় দাসে সংবাদমাধ্যমৰ আগত কয়- প্ৰথম স্থান দখল কৰিম বুলি ভৱা নাছিলো৷ কিন্তু ৯৫ৰ ওপৰত পাৰ্ছেন্টিছ থাকিব বুলি ভাৱিছিলো৷ স্কুল থকাৰ সময়ত প্ৰায় ৬ ঘণ্টামানকৈ পঢ়িছিলো৷ পাছত টেষ্ট পৰীক্ষাৰ শেষত ঘৰত থাকোতে ১০ ঘণ্টামান পঢ়িছিলো৷ আমাৰ আৰ্থিক অৱস্থা বৰ সচ্ছল নহয় যদিও মা দেউতাই পঢ়াশুনাৰ ক্ষেত্ৰত মোৰ বাবে কাহানিও কোনো সামগ্ৰীৰ কম হ’বলৈ দিয়া নাই৷ মই ভাৱো সকলো সময়তে পঢ়ি থাকিলেও নহয়৷ যিখিনি সময় পঢ়ে মনপুতি পঢ়িব লাগে৷ মোৰ সপোন আছে এগৰাকী চিকিৎসক হোৱাৰ৷ তেনেকৈ আগুৱাবলৈ চেষ্টা কৰিম৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
