কৰ্কট ৰোগৰ পৰা ৰক্ষা পোৱাৰ প্ৰাথমিক চৰ্ত হৈছে আৰম্ভণিতে কৰ্কট চিনাক্ত কৰা৷ বহু সময়ত শৰীৰত কৰ্কটৰ লক্ষণ ফুটি উঠে, কিন্তু আমি ইয়াক এৰাই চলো৷ বিশেষজ্ঞই কৈছে, হাওঁফাওঁৰ কৰ্কটৰ প্ৰাথমিক উপসৰ্গ ফুটি উঠে নখত৷
হাওঁফাওঁৰ কৰ্কটৰ সকলোতকৈ গুৰুত্বপূৰ্ণ লক্ষণ ফুটি উটে আঙুলিত৷ ইয়াক কোৱা হয় ক্লাবিং৷ এই অৱস্থাত আঙুলিৰ মূৰবোৰ ডাঙৰ হৈ যায় আৰু নখ ফুলি উঠে৷ নখবোৰ লাহে লাহে গোলাকাৰ হব ধৰে৷ কৰ্কট নাম শুনিলেই ভৰিৰ তলৰ মাটি কঁপি উঠে৷ সময়ময়ে ধৰা নপৰিলে মৃত্যু অনিবাৰ্য৷ কামেৰে কৰ্কটক হৰুওৱাৰ প্ৰথম চৰ্ত হৈছে সঠিক সময়ত কৰ্কট চিনাক্ত কৰা৷ যিমানেই সোনকালে কৰ্কটৰ উপসৰ্গ চিনাক্ত কৰিব সিমানেই চিকিৎসাত সফল হোৱাৰ সম্ভাৱনা বাঢ়ে৷ হাওঁফাওঁৰ কৰ্কটৰ আৰু এটা উপসৰ্গ হৈছে নখৰ তলৰ অংশ নৰম হৈ যায় আৰু সম্পূৰ্ণ আঙুলিটোৱেই কম পৰিমানে ফুলি উঠে৷
হাওঁফাওঁৰ কৰ্কটত নখৰ ৰং সলনি হৈ যাব পাৰে৷ যেনে নখ অতিপাত বগা হৈ যোৱা বা তলত নীলা ৰং ধাৰণ কৰা৷ ই শৰীৰত অক্সিজেনৰ ঘাটিৰ ইংগিত হব পাৰে৷ যিহেতু হাওঁফাওঁৱে আমাৰ শৰীৰত অক্সিজেন সৰবৰাহ কৰে সেয়ে হাওঁফাওৰ সমস্যা হলে ইয়াৰ প্ৰভাৱ নখত পৰিব পাৰে৷
হাওঁফাওৰ কৰ্কটৰ আৰু কিছু সাধাৰণ লক্ষণ হৈছে বহুদিন ধৰি কাঁহ হোৱা৷ কাঁহৰ সৈতে তেজ ওলোৱা৷ শ্বাস লোৱাত কষ্ট হোৱা৷ বুকুত বিষ অনুভৱ কৰা৷ হঠাৎ ওজন কমি যোৱা৷ সকলো সময়তে ক্লান্ত লগা৷ কৰ্কট ৰোগ বহু ধৰণৰ হয় আৰু প্ৰতিটোৱে পৃথক পৃথকভাৱে শৰীৰৰ বিভিন্ন অংশক আক্ৰমণ কৰে৷ প্ৰতিটো কৰ্কটৰ উপসৰ্গও ভিন্ন৷ তৰুণসকলো এই ৰোগৰ চিকাৰ হব ধৰিছে৷ মেডিকেল জাৰ্নেল দ্যা লানছেটৰ তথ্যই কৈছে, কৰ্কটত আক্ৰান্ত ৰোগীৰ সংখ্যাৰে বিশ্বৰ তিনি নম্বৰ স্থানত আছে ভাৰত৷ ইণ্ডিয়ান কাউন্সিল অফ মেডিকেল ৰিচাৰ্ছৰ সমীক্ষাই কৈছে প্ৰতি পাঁচজন কৰ্কট আক্ৰান্তৰ মাজত তিনিজনৰেই মৃত্যু হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
