এইডছ নিৰ্মূল হৈ নৱজীৱন পালে নৰৱেৰ ব্যক্তিয়ে, কি চিকিৎসাৰে অসম্ভৱক সম্ভৱ কৰিলে চিকিৎসকে?

মাৰণ ৰোগকো জয় কৰা সম্ভৱ৷ এইডছৰ কবলৰ পৰা সুস্থ জীৱন দিয়া সম্ভৱ ৰোগীক৷ এইডছ নিৰ্মূল কৰি ৰোগীসকলক নৱজীৱন দিয়াৰ দিশা দেখুৱালে নৰৱেৰ অচলো ইউনিভাৰ্ছিটিৰ চিকিৎসকে৷ ষ্টেম কোষ থেৰাপিত এনে অসাধ্যসাধন কৰিলে চিকিৎসকে৷

ইয়াৰ পূৰ্বে বাৰ্লিন আৰু কেলিফৰ্নিয়াত অনুৰূপ ঘটনা ঘটিছে৷ সেইবাৰো ষ্টেম কোষ থেৰাপিক লৈ পৰীক্ষামূলক প্ৰয়োগ কৰিছিল গৱেষকে৷ এইবাৰ নৰৱেত এইডছ আক্ৰান্তৰ চিকিৎসাত ষ্টেম কোষ থেৰাপি সফল হৈছে৷ সম্পূৰ্ণভাৱে ৰোগমুক্তি ঘটিলে ৬৩ বছৰীয়া এগৰাকী ব্যক্তিৰ৷ চিকিৎসকে জনাইছে যে ২০০৬ চনৰ পৰা এইডছ আক্ৰান্তি আছিল ব্যক্তিজন৷ নানান চিকিৎসাত কেৱল ৰোগৰ তীব্ৰতা নিয়ন্ত্ৰণত ৰাখিছিল চিকিৎসকে৷ ২০২০ চনত ষ্টেম কোষ থেৰাপী কৰা হয় তেওঁৰ৷ ইয়াৰ পাছতেই ধীৰে ধীৰে সাল সলনি আহে ব্যক্তিৰ শৰীৰত৷ ভাইৰাছৰ বৃদ্ধিও বন্ধ হৈ যায়৷ এসময়ত তেওঁক ঔষধ দিয়া বন্ধ কৰি দিয়ে চিকিৎসকে৷ কেইবাবছৰৰ পাছত আকৌ পৰীক্ষা কৰি দেখা যায় যে সেই ব্যক্তিৰ শৰীৰত এটাও ভাইৰাছ নাই৷ অসুখো নিৰ্মূল হৈ গৈছে৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ