ৰাজ্যজুৰি ৰঙালীৰ উছাহ। ৰঙালী বিহুৰ মঞ্চ কঁপাবলৈ জনপ্ৰিয় শিল্পীসকলৰ সংগীতানুষ্ঠান আৰম্ভ হৈছে। কিন্তু ব’হাগ বিহুৰ আৰম্ভণিতে বংগ কন্যা মৰ্মিতা মিত্ৰ সোমাইছে বিতৰ্কত। বিকৃত ৰূপত জুবিন গাৰ্গৰ গীত পৰিৱেশন কৰি ভাইৰেল হৈ পৰিছে সামাজিক মাধ্যমত। ইয়াৰ পিছতে ক্ষোভিত হৈ পৰিছে জুবিন গাৰ্গৰ অনুৰাগীৰ লগতে পৰিয়াল বৰ্গ।
গোলাঘাট কেন্দ্ৰীয় ৰঙালী বিহু সন্মিলনত প্ৰাণৰ শিল্পী জুবিন গাৰ্গৰ গীত পৰিৱেশন কৰি জুবিন অনুৰাগীৰ ৰোষত পৰে মৰ্মিতা। মৰ্মিতাক লৈ আৰম্ভ হৈ পৰে চৌদিশে প্ৰতিবাদ। ২৪ ঘণ্টাৰ ভিতৰত বংগ কন্যাই ক্ষমা নুখুজিলে দিছপুৰ থানাত গোচৰ ৰুজ কৰাৰ দাবী তোলে একাংশ দল-সংগঠনে।
অৱশেষত শুক্ৰবাৰে সামাজিক মাধ্যমত অসমৰ ৰাইজ আৰু জুবিনৰ পৰিয়ালৰ ওচৰত ক্ষমা বিচাৰিলে বংগ কন্যা মৰ্মিতা মিত্ৰই। সামাজিক মাধ্যমত এক ভিডিঅ’যোগে মৰ্মিতাই কয়, ‘মই মৰ্মিতা মিত্ৰই অসমবাসীৰ ওচৰত ক্ষমা খুজিছোঁ। জুবিন দাদাৰ পৰিয়ালৰ ওচৰটো ক্ষমা খুজিছোঁ। মই সেইদিনা মঞ্চত পৰিবেশন কৰা এটি গীতে সকলোৱে মনত কষ্ট পাইছে। দাদা মোৰ বাবে ভগৱান আছিলে আৰু চিৰদিন থাকিব মই ভগৱানৰ গান বিকৃত কৰাৰ ধৃষ্টতা নাই এইয়া মোৰ অজানিতে হোৱা ভুল, তাৰ বাবে পুনৰবাৰ সকলোৰে ওচৰত মই ক্ষমা খুজিছোঁ।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
