২০২৬ চনটো যেন ৰণবীৰ কাপুৰৰ বাবে ভাল। এফালে নিতেশ তিৱাৰীৰ মেগা বাজেট ছবি ‘ৰামায়ণ’ক লৈ আকাশলংঘী উত্তেজনা, আনফালে বিশ্ব মঞ্চত বিপুল স্বীকৃতি। বিশ্ববিখ্যাত ‘টাইমছ মেগাজিন’ৰ বছৰৰ ১০০ জন প্ৰভাৱশালী ব্যক্তিৰ তালিকাত জিলিকি আছে ৰণবীৰ কাপুৰৰ নাম। সুন্দৰ পিচাই বা বিকাশ খান্নাৰ দৰে লুমিনাৰীৰ সৈতে এই সন্মান লাভ কৰা একমাত্ৰ ভাৰতীয় অভিনেতা।
ৰণবীৰৰ সফলতাক লৈ উৎফুল্লিত আলিয়া ভাট। মন কৰিবলগীয়া যে দুবছৰ পূৰ্বে ২০২৪ চনত আলিয়াকো এই তালিকাত অন্তৰ্ভুক্ত কৰা হৈছিল। এইবাৰ স্বামীৰ সফলতাক লৈ গৌৰৱান্বিত অভিনেত্ৰীগৰাকীয়ে ছ’চিয়েল মিডিয়াত ৰণবীৰৰ এখন ছবি শ্বেয়াৰ কৰি ৰনবীৰক মৰমেৰে ভৰাই তুলিলে। ৰণবীৰক ‘বেবী’ বুলি অভিহিত কৰি আলিয়াই লিখিছে, ‘তোমাক কিমান ধুনীয়া লাগিছে !’ স্বামীৰ এই বিশাল সফলতাৰ প্ৰতি এক মধুৰ শ্ৰদ্ধাঞ্জলিও সংযোজন কৰে।
ৰণবীৰৰ সফলতাৰ দিনটোত আলিয়াই স্বামীৰ পৰা কি বিচাৰিছিল সেই বিষয়ে অনুৰাগীসকলে কৌতুহলী হৈ পৰিছিল। আলিয়াই নিজৰ পোষ্টত ৰণবীৰৰ ছবিৰ কাষত ‘আইচক্ৰীম’ ইমোজি এটা দিয়ে। তেওঁৰ অনুৰাগীসকলে ভালদৰেই জানে যে আলিয়াই আইচক্ৰীম খাই ভাল পায়। গতিকে, ৰহাৰ পিতৃৰ এই বিশ্বজয় উদযাপনৰ বাবে আলিয়াই নিজেই এটা বিখ্যাত ব্ৰেণ্ডৰ আইচক্ৰীম খোৱাৰ সিদ্ধান্ত লৈছে।
অক্টোবৰ মাহত ডাঙৰ পৰ্দাত মুক্তি পাব ‘ৰামায়ণ’। ছবিখনৰ ভিএফএক্স আৰু ট্ৰিটমেণ্টক লৈ বিতৰ্কৰ মাজতো ৰনবীৰৰ ৰাম লুকত আপ্লুত হৈছে দৰ্শক। কোৱা বাহুল্য যে ছবিখন মুক্তিৰ সাত মাহৰ আগতে টাইমছৰ এই প্ৰভাৱশালী তালিকাত তেওঁৰ নাম অন্তৰ্ভুক্ত হোৱাৰ ফলত ৰণবীৰৰ জনপ্ৰিয়তা নতুন স্তৰলৈ বৃদ্ধি পাইছে। এতিয়া চাওঁ ৰণবীৰে আলিয়াৰ এই আইচক্ৰীমৰ লোভ কেনেকৈ পূৰণ কৰে!
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
