আজি তেওঁলোক সকলো সুপ্ৰতিষ্ঠিত, কিন্তু কেৰিয়াৰৰ প্ৰথম দিনবোৰত বহুতে দালি আৰু চাউল কিনিবলৈও সংগ্ৰাম কৰিবলগীয়া হৈছিল। অলপতে অভিনেতা ৰাকেশ বেদীয়ে ফাৰাহ খানৰ ইউটিউব ভ্লগত সেই দিনবোৰৰ কথা মনত কৰে। ফাৰাহে কয় যে ফাৰুক শ্বেখ, সতীশ শ্বাহ, নীনা গুপ্তা, সুপ্ৰিয়া পাঠকৰ দৰে অভিনেতা-অভিনেত্ৰীয়ে সঘনাই তেওঁলোকৰ ঘৰত আড্ডা মাৰিছিল। তেওঁলোকৰ প্ৰধান আকৰ্ষণ আছিল জাভেদ আখতাৰ ঘৰৰ সুস্বাদু খাদ্য-পানীয়।
ফাৰাহে ৰাকেশ বেদীক ‘ধুৰন্ধৰ’ৰ প্ৰকৃত নায়ক হিচাপে প্ৰশংসা কৰে। তেওঁ মনত পেলাই কয়, “আমাৰ বন্ধুত্ব দীৰ্ঘদিনীয়া। সেই সময়ত মোৰ বয়স মাত্ৰ ১৫ বছৰ আছিল, আৰু ৰাকেশ ভাৰতীয় ফিল্ম এণ্ড টেলিভিছন ইনষ্টিটিউট (এফ টি আই আই)ত পঢ়ি আছিল। তেওঁলোক সকলোৱে আমাৰ ঘৰলৈ আহিছিল বিনামূলীয়াকৈ ৰাতিৰ আহাৰ আৰু পানীয় উপভোগ কৰিবলৈ। বহুদিনৰ পিছত তেওঁক লগ পাই বৰ ভাল লাগে।”
বৰ্তমান ৰাকেশ বেদীয়ে নিজৰ কেৰিয়াৰৰ অন্যতম শ্ৰেষ্ঠ সময় উপভোগ কৰি আছে। ৰণবীৰ সিং অভিনীত ব্লকবাষ্টাৰ ছবি ‘ধুৰন্ধৰ’ আৰু ইয়াৰ ছিকুৱেল ‘ধুৰন্ধৰ: দ্য ৰিভেঞ্জ’ত ‘জামিল জামালি’ৰ চৰিত্ৰত অভিনয় কৰি তেওঁ ব্যাপক প্ৰশংসা লাভ কৰিছে। প্ৰথমত ছাৰা অৰ্জুনৰ পিতৃৰ চৰিত্ৰত অভিনয় কৰা দেখা পোৱাৰ বিপৰীতে দ্বিতীয় খণ্ডত কাহিনীয়ে অভাৱনীয় ৰূপ লয়। তেওঁৰ এই চৰিত্ৰটোৱে দৰ্শকক স্তম্ভিত কৰি তুলিছে।
সফলতাৰ শিখৰত উপনীত হোৱাৰ পিছতো ৰাকেশ বেদীয়ে সেই পুৰণি কথাবোৰ আৰু জাভেদ আখতাৰৰ ঘৰৰ দালি আৰু ৰোটিৰ সোৱাদ পাহৰা নাই বুলি কয়। ফাৰহাৰৰ vlog ত তেওঁৰ স্বীকাৰোক্তিটোৱে সেই সহজ পুৰণি বন্ধুত্বৰ কথা মনত পেলাই দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
