বজাৰৰ অস্থিৰতা আৰু বিশ্ব উত্তেজনাৰ মাজত বেছিভাগ মানুহেই নিৰাপদ বিনিয়োগ বিচাৰিছে। এই প্ৰসংগতMonthly Income Scheme (POMIS) এ এক নিৰ্ভৰযোগ্য বিকল্প আগবঢ়ায়। ই নিৰাপদ বিনিয়োগ নিশ্চিত কৰে আৰু এটা নিৰ্দিষ্ট মাহিলী আয় প্ৰদান কৰে।
ডাকঘৰৰ এম আই এছ কি?
এইটো কেন্দ্ৰীয় চৰকাৰৰ সমৰ্থিত আৰু বিশেষভাৱে কোনো বিপদ নোহোৱাকৈ নিয়মীয়া মাহিলী আয় বিচৰা ব্যক্তি যেনে অৱসৰপ্ৰাপ্ত ব্যক্তি বা নিৰ্দিষ্ট আয় বিচৰা বিনিয়োগকাৰীৰ বাবে ডিজাইন কৰা হৈছে।
সুতৰ হাৰ কিমান?
বৰ্তমান এই আঁচনিৰ জৰিয়তে বাৰ্ষিক সুতৰ হাৰ ৭.৪০%। ভাল কথাটো হ’ল এই সুত প্ৰতিমাহে আপোনাৰ একাউণ্টলৈ ট্ৰেন্সফাৰ হয়, যাৰ ফলত আপোনাৰ নিয়মীয়া আয়ৰ সুবিধা হয়।
প্ৰতিমাহে ৫৫৫০ টকা কেনেকৈ পাব?
এই আঁচনিখনত যদি আপুনি ৯ লাখ টকা বিনিয়োগ কৰে তেন্তে আপুনি বাৰ্ষিক প্ৰায় ৬৬,৬০০ টকা সুত লাভ কৰিব। ইয়াক মাহেকীয়াকৈ ভাগ কৰিলে আপুনি প্ৰতিমাহে প্ৰায় ৫,৫৫০ টকা লাভ কৰিব।
যৌথ একাউণ্টত অধিক সুবিধা
যৌথ একাউণ্ট খুলিলে সৰ্বোচ্চ বিনিয়োগৰ সীমা ১৫ লাখ টকালৈ বৃদ্ধি পায়। ইয়াৰ ফলত বাৰ্ষিক প্ৰায় ১ লাখ ১১ হাজাৰ টকাৰ সুত পোৱা যাব, যাৰ অৰ্থ হ’ল মাহিলী আয় প্ৰায় ৯,২৫০ টকা।
বিনিয়োগৰ সময়সীমা আৰু নিয়ম
এই আঁচনিৰ মেচিউৰিটি পিৰিয়ড ৫ বছৰ। অৰ্থাৎ ৫ বছৰৰ পিছত আপোনাৰ সমগ্ৰ কৰ্পাছ উলিয়াব পাৰিব। ইচ্ছা কৰিলে পুনৰ বিনিয়োগ কৰি মাহিলী আয় লাভ কৰি থাকিব পাৰে। কিন্তু অকালতে উলিওৱাৰ ক্ষেত্ৰত জৰিমনা থাকে, গতিকে বিনিয়োগ কৰাৰ আগতে এই কথা মনত ৰখাটো গুৰুত্বপূৰ্ণ।
কিয় ই এটা ভাল বিকল্প?
নিৰাপদ আৰু নিয়মীয়া আয় বিচৰা বিনিয়োগকাৰীৰ বাবে ডাকঘৰৰ এম আই এছ ভাল। ৰিস্ক প্ৰায় নগণ্য আৰু ৰিটাৰ্ণ নিৰ্দিষ্ট। মুঠতে যদি আপুনি কোনো ধৰণৰ বিপদ নোহোৱাকৈ নিৰ্দিষ্ট মাহিলী আয় বিচাৰে তেন্তে এই আঁচনিখন আপোনাৰ বাবে এটা ভাল বিকল্প হ’ব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
