কোনোবা এটাহে জিকিম৷ গৌৰৱক কৈছো কেতিয়াবা তুমিও জিকিবা, গৌৰৱৰ সৈতে ব্যক্তিগত শত্ৰুতা মোৰ নাই তেওঁ মোৰ ভাতৃতুল্য, গৌৰৱৰ লেকচাৰে মোক আপ্লুত কৰেঃ হিতেন্দ্ৰ নাথ গোস্বামী

যোৰহাট সমষ্টিত গৌৰৱ গগৈৰ পৰাজয়ৰ পাছতেই চৌদিশে চলিছে চৰ্চা৷ ৩গগৈৰ ভিতৰত ২ গগৈয়ে পৰাজয়বৰণ কৰিছে৷ গৌৰৱ গগৈৰ শোচনীয় পৰাজয়ৰ পাছতেই তেওঁৰ বিপৰীতে থকা বিজেপি প্ৰাৰ্থী হিতেন্দ্ৰ নাথ গোস্বামীয়ে নিজৰ মত ৰাখিছে৷ জয়ৰ পাছতেই মুখ খুলিছে হিতেন্দ্ৰ নাথ গোস্বামীয়ে৷

হিতেন্দ্ৰ নাথ গোস্বামীয়ে কৈছে- গৌৰৱ হাৰিলে, উপায়তো নাই৷ মোৰ ব্যক্তিগতভাৱে কাৰো লগত শত্ৰুতা নাই৷ কোনোবা এটাহে জিকিম৷ গৌৰৱক কৈছো কেতিয়াবা তুমিও জিকিবা৷ আমাৰ যোৰহাটৰ ৰাজনীতি অলপ বেলেগ৷ গৌৰৱক ব্যক্তিগত আক্ৰমণ নকৰিব, ময়ো নকৰো৷ আমি সকলো বন্ধু৷ ৰাজনৈতিকভাৱেহে আমি পৃথক৷ কংগ্ৰেছীসকলক কৈছো বেয়া নাপাব, যি হ’ল হ’ল আকৌ চেষ্টা কৰিব৷ গৌৰৱক মই আগতেও কৈছো, পাৰ্লিয়ামেণ্টৰী হিচাপে গৌৰৱ ভাল৷ অসমে ভাল এজন তাৰ্কিক বিধানসভাত পালেহেতেন কিন্তু নহ’ল৷ আগতে মোৰ দৃষ্টিত তিনিজনে ভাল তাৰ্কিক আছে হেম বৰুৱা, দীনেশ গোস্বামী আৰু তাৰপিছতে গৌৰৱ৷ গৌৰৱৰ লেকচাৰ শুনি মই আপ্লুত হওঁ৷’

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ