আজি মুখ্যমন্ত্ৰী ড০ হিমন্ত বিশ্ব শৰ্মাৰ নতুন চৰকাৰৰ প্ৰথমখন কেবিনেট বৈঠক। শপতগ্ৰহণৰ পিছতেই মুখ্যমন্ত্ৰীৰ অধ্যক্ষতাত এই বৈঠক অনুষ্ঠিত হয়। মুখ্যমন্ত্ৰী হৈয়েই এক্সন মুডত হিমন্ত বিশ্ব শৰ্মা। ইন্ধন ৰাহি, চাকৰিৰ পৰা আৰম্ভ কৰি UCC লৈ বৃহৎ সিদ্ধান্ত মুখ্যমন্ত্ৰী হিমন্ত বিশ্ব শৰ্মাৰ। আজি কেইবাটাও ডাঙৰ ডাঙৰ ঘোষণা কৰে মুখ্যমন্ত্ৰীয়ে।
ইন্ধন ৰাহি সন্দৰ্ভত মুখ্যমন্ত্ৰীয়ে কয়, “আগন্তুক ৬ মাহলৈ মন্ত্ৰী, বিধায়ক,চৰকাৰী বিষয়াৰ বিদেশ ভ্ৰমণ বন্ধ। চৰকাৰৰ আওতাত থকা বিধায়ক-মন্ত্ৰীয়ে ক্ৰয় কৰিব নোৱাৰিব বিদেশী সামগ্ৰী।” কেৱল সেয়াই নহয়, ৬মাহলৈ চৰকাৰে অনুষ্ঠিত নকৰে কৰ্মশালা, চৰকাৰীসভা। প্ৰধানমন্ত্ৰী নৰেন্দ্ৰ মোদীয়ে কিছুদিন পূৰ্বে ইন্ধন ৰাহি কৰিবলৈ কোৱাৰ পিছত আজি অসমৰ মুখ্যমন্ত্ৰী হিমন্ত বিশ্ব শৰ্মাই মন্ত্ৰী-বিধায়কৰ কনভয়ৰ বাহন হ্ৰাস কৰা হ’ব বুলি জনায়। এই কনভয়ৰ বাহন হ্ৰাস কৰাৰ সিদ্ধান্ত মুখ্যমন্ত্ৰীৰ লগতে ৰাজ্যপালৰো। মন্ত্ৰী,বিধায়ক,চৰকাৰী বিষয়া কোনো সাৰি যাব নোৱাৰিব।
ইয়াৰোপৰি, ৰাজ্যৰ প্ৰথমখন বিধানসভা অধিবেশনতে আহি আছে UCC, আজি প্ৰথমখন কেবিনেটতে UCC লৈ বৃহৎ সিদ্ধান্ত হিমন্ত বিশ্ব শৰ্মা চৰকাৰৰ। এতিয়া অতি শীঘ্ৰেই অসমত বলৱৎ হ’ব UCC । নামাজ পঢ়াৰ ক্ষেত্ৰত UCCয়ে ক’তো বাধা নিদিয়ে। UCC বলৱৎ হ’লেই ৰাজ্যত কোনেও কৰিব নোৱাৰিব বহু বিবাহ। ৪ টা গুৰুত্বপূৰ্ণ বিষয়ত কঠোৰ হ’ব UNIFORM CIVIL CODE আৰু লিভ ইন ৰিলেশ্বনশ্বীপ হ’ব সম্পূৰ্ণৰূপে বন্ধ। মুখ্যমন্ত্ৰীয়ে কয়, এতিয়া ৰাজ্যত কোনেও কৰিব নোৱাৰিব বহু বিবাহ। জনজাতীয় লোকক UCCৰ পৰা বাহিৰত ৰখা হ’ব আৰু বিভিন্ন ধৰ্মৰ পৰম্পৰাকো UCCৰ আওতাৰ বাহিৰত ৰখা হ’ব। আনহাতে মুখ্যমন্ত্ৰীয়ে কয়, সকলো ধৰ্মৰ ক্ষেত্ৰত বিবাহৰ পঞ্জীয়ন বাধ্যতামূলক হ’ব লগতে সম্পত্তি অধিকাৰৰৰ ক্ষেত্ৰত পুত্ৰৰ সমানে অধিকাৰ থাকিব কন্যাৰ।
ইয়াৰ মাজতে নিৱনুৱাসকলৰ বাবেও ডাঙৰ ঘোষণা কৰে মোদীয়ে। হিমন্ত চৰকাৰৰ প্ৰথমখন কেবিনেটত ২ লাখ চাকৰিক লৈ ডাঙৰ খবৰ। লাখ লাখ নিবনুৱাক লৈ ডাঙৰ ঘোষণা মুখ্যমন্ত্ৰীৰ। ৩ মাহৰ ভিতৰতে প্ৰতিশ্ৰুতি পূৰণৰ দিশে আগবাঢ়িব চৰকাৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
