মেৰুঠৰ নিলা ড্ৰাম হত্যাকাণ্ডৰ কথা মনত আছেনে? সেই একেই কাণ্ড এইবাৰ মহাৰাষ্ট্ৰত৷ মহাৰাষ্ট্ৰৰ এক বিশেষ হত্যাকাণ্ডই আকৌ চৰ্চা লাভ কৰিছে দেশত৷ এগৰাকী মহিলাই তেওঁৰ স্বামী আৰু ভাতৃ, বন্ধুৰ সৈতে মিলি তেওঁৰ নিজৰেই প্ৰেমিকক হত্যা কৰিছে৷ হত্যাতেই ক্ষান্ত নাথাকি সেই মৃতদেহ এটা ড্ৰামত ভৰাই নলালৈ দলিয়াই দিয়ে৷
এই ঘটনা সংঘটিত হৈছে ৩ এপ্ৰিলত৷ আৰবাজ মকচুদ আলি খান নামৰ ব্যক্তিৰ সৈতে সংঘটিত হৈছে এই কাণ্ড৷ থানেৰ মুব্ৰাৰ নিৱাসী আৰবাজে কৰ্মৰ বাবে দাদৰলৈ যোৱাৰ বাবে ঘৰৰ পৰা ওলাই গৈছিল৷ কিন্তু সেই ওলাই যোৱা আৰবাদ আৰু ঘৰলৈ উভতি নাহিল৷ কেইবাদিনো বিচাৰ খোচাৰ কৰাৰ পাছত আৰবাজৰ পিতৃয়ে মুব্ৰা আৰক্ষী চকীত আৰবাজ নিৰুদ্দেশ হোৱা বুলি এখন গোচৰ তৰে৷ সেই গোচৰৰ ভিত্তিতেই আৰক্ষীয়ে আৰবাজক বিচাৰি অভিযান আৰম্ভ কৰে৷
আৰবাজৰ মোবাইলত শেষ লোকেচন বছই এলেকাত দেখুৱাই৷ আৰু তেওঁৰ প্ৰেয়সী মেহজেবিন শ্বেখৰ ফোনৰ লোকেছনো সেই স্থানতেই পোৱা যায়৷ আৰক্ষীয়ে সন্দেহৰ ভিত্তিত মেহজাবিনক সোধপোছ কৰাৰ বাবে নিজৰ জিম্মাত লয়৷ আৰম্ভণিতে মেহজেবিনে মুখ খোলা নাছিল৷ কিন্তু আৰক্ষীয়ে বাৰে বাৰে একেটা বিষয়েই সুধি থকাৰ পাছত তেওঁৰ প্ৰেমিকক হত্যা কৰাৰ কথা স্বীকাৰ কৰে৷ ভাতৃ, পতি আৰু বন্ধুৰ সহযোগত হত্যা কৰাৰ কথাও স্বীকাৰ কৰে৷ এই তথ্য প্ৰকাশ কৰিছে থানেৰ অতিৰিক্ত আৰক্ষী আয়ুক্ত প্ৰিয়া ধনকনে৷
কেনেকৈ শেষ কৰা হৈছিল আৰবাজৰ জীৱন তাৰো ভয়ংকৰ স্বীকাৰোক্তি দাঙি ধৰিছে আৰক্ষীয়ে৷ মেহজেবিনে প্ৰেয়সীৰ বেশেৰে যৌজনা খান নামৰ এগৰাকী মহিলাৰ পৰা ধন হৰলুকিৰ বাবে আৰবাজক ব্যৱহাৰ কৰিছিল৷ কিন্তু আৰবাজে এই কাম কৰিব নোৱৰাত মেহজেবিন আৰু তেওঁৰ সহযোগী স্বামী, বন্ধু, দেওৰেকে মিলি হাত ভৰি বান্ধি লয় আৰবাজৰ৷ আৰবাজক এটা প্লাষ্টিক পাইপেৰে মাৰধৰ কথাৰ কথাও জেৰাত স্বীকাৰ কৰিছে৷ মাৰধৰ কৰিয়েই এৰি নিদি জীৱনো শেষ কৰে আৰবাজৰ তাৰপিছতেই শৱদেহ লুকুৱাবলৈ এটা ড্ৰাম ব্যৱহাৰ কৰে৷ শৱদেহটো ড্ৰামত ভৰাই মুব্ৰাৰ এটা বোৱতী নলাত পেলাই থৈ আহে৷
আৰক্ষীয়ে এই হত্যাকাণ্ডত জড়িত মেহজেবিন, তেওঁৰ ভাতৃ তাৰিক শ্বেখক ইতিমধ্যে গ্ৰেপ্তাৰ কৰিছে৷ মেহজেবিনৰ স্বামী হাছান আৰু বন্ধু এতিয়াও পলাতক বুলি জনাইছে আৰক্ষীয়ে৷ আৰক্ষীয়ে জনোৱা অনুসৰি মেহজেবিনৰ ভাতৃ তাৰিকৰ পূৰ্বৰো অন্য কিছু গোচৰ আৰক্ষীৰ ওচৰত আছে৷
উল্লেখ কৰা প্ৰয়োজন যে মেৰুঠতো এনে এক হত্যাকাণ্ড সংঘটিত হৈছিল৷ ২০২৫ চনৰ ফেব্ৰুৱাৰী মাহত মুস্কানে তেওঁৰ প্ৰেমিক আৰু বন্ধুৰ সৈতে মিলি তেওঁৰ স্বামী সৌৰভ ৰাজপুতক হত্যা কৰিছিল৷ মুস্কানে ৪মাৰ্চত সৌৰভক খাদ্যৰ সৈতে টোপনিৰ ঔষধ দি প্ৰথমে তেওঁক অচেতন কৰে৷ তাৰপিছতেই প্ৰেমিক ছাহিলে শুই থকা অৱস্থাতে সৌৰভক হত্যা কৰে৷ তেওঁৰ শৰীৰটো ১৫ টুকুৰা কৰি এটা নীলা ড্ৰামত সোমোৱাই ছিল কৰি দিছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
