কেলেণ্ডাৰৰ পাতত ১৬ মে বিশেষ দিন৷ আজি শনি জয়ন্তী৷ এইবাৰৰ শনি জয়ন্তী কেৱল ধৰ্মীয় কাৰণতেই নহয়, জ্যোতিষশাস্ত্ৰৰ বিচাৰৰ পৰাও অত্যন্ত তাৎপৰ্যপূৰ্ণ৷ গ্ৰহ নক্ষত্ৰত অদ্ভুত সমন্বয়ত আজি তৈয়াৰ হৈছে একাধিক ৰাজযোগ৷ শনিৰ সাপেক্ষে বুধ আৰু সূৰ্যৰ বিশেষ অৱস্থানত বুধাদিত্য আৰু তাৰ সৈতে কেদাৰ যোগৰ সৃষ্টি হৈছে৷ জ্যোতিষীৰ মতে এই শুভ সংযোগ সাধাৰণতে দেখা নাযায়৷ ইয়াৰ প্রভাৱত বিশেষ ৫ৰাশিৰ জাতক জাতিকাৰ জীৱনলৈ আহিব অৰ্থৰ জোৱাৰ আৰু অভাৱনীয় সাফল্য৷
কেতিয়াৰে পৰা আৰম্ভ হৈছে এই যোগ?
জ্যোতিষ গণনাই কৈছে শনি জয়ন্তীৰ ঠিক এদিন পূৰ্বে অৰ্থাৎ কালিৰ দিনটোত সূৰ্য আৰু বুধ একত্ৰ হৈ বৃষ ৰাশিত প্ৰৱেশ কৰিছে৷ ইয়াৰ ফলত সক্ৰিয় হৈছে বুধাদিত্য ৰাজযোগ৷ আৰু আজি ১৬ মে শনি জয়ন্তীৰ মাহেন্দ্ৰক্ষণত কেদাৰ যোগৰ মিলন পৰিস্থিতি আৰু শক্তিশালী হৈছে৷ যাৰ ইতিবাচক প্ৰভাৱ পৰিব কৰ্মজীৱনৰ পৰা আৰম্ভ কৰি স্বাস্থ্যলৈকে৷
বৃষ ৰাশি
এই ৰাশিতেই তৈয়াৰ হৈছে বুধাদিত্য যোগ৷ ফলত বৃষৰ জাতকৰ লাভ বাঢ়িব৷ কৰ্মক্ষেত্ৰত নতুন দায়িত্ব আহিব পাৰে৷ ইয়াৰ সৈতে বাঢ়িব পাৰে পদমৰ্যাদা৷ ব্যৱসায়ীসকলৰ বাবে বিনিয়োগৰ উপযুক্ত সময়৷ পুৰণি গ্ৰাহকৰ পৰা লাভৰ মুখ দেখিব৷ শাৰীৰিক জটিলতাৰ পৰা মুক্তি পাব৷
সিংহ ৰাশি
নেতৃত্ব দিয়াৰ সহজাত ক্ষমতা আৰু বিকশিত হ’ব৷ শনি জয়ন্তীৰ কৃপাত নতুন কোনো ব্যৱসায়িক চুক্তিত চহী কৰিব পাৰে৷ সমাজত সন্মান যেনেকৈ বাঢ়িব তেনেকৈ পেছাগত জীৱনত আহিব কাঙ্ক্ষিত সাফল্য৷
তুলা ৰাশি
কেদাৰ যোগৰ আশীৰ্বাদ সকলোতকৈ বেছি পাব তুলাৰ জাতকে৷ ঘৰ বা মাটি ক্ৰয় অৰ্থাৎ সম্পত্তি বৃদ্ধিৰ যোগ প্ৰৱল৷ পুৰণি বিনিয়োগৰ পৰা মোটা টকা ৰিটাৰ্ণ পোৱাৰ সম্ভাৱনা আছে৷ ৰৈ থকা কামে যেনেকৈ গতি পাব তেনেকৈ কমিব মানসিক দুচিন্তাও৷
বৃশ্চিক ৰাশি
আত্মবিশ্বাস তুংগত থাকিব এই ৰাশিৰ৷ কেৰিয়াৰত ইতিবাচক সালসলনি আহিব পাৰে৷ ভাল কোনো সংস্থাৰ পৰা চাকৰিৰ প্ৰস্তাব পাব পাৰে৷ উচ্চশিক্ষা বা কামৰ প্ৰয়োজনত বিদেশযাত্ৰাৰ সপোনো সফল হব পাৰে৷
কুম্ভ ৰাশি
যিহেতু শনি এই ৰাশিৰ অধিপতি সেয়ে শনি জয়ন্তীৰ কুম্ভৰ বাবে অত্যন্ত শুভ৷ কৰ্মক্ষেত্ৰত প্ৰত্যাশাতকৈ বেছি উন্নতিৰ সম্ভাৱনা৷ হাতলৈ আহিব অৰ্থ৷ যিসকলে দীৰ্ঘদিন ধৰি অসুস্থতাত ভূগি আছে তেওঁলোকৰ স্বাস্থ্যৰ দ্ৰুত উন্নতি হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
