RR vs GT Qualifier 2: আই পি এল ২০২৬ৰ দ্বিতীয়খন কোৱালিফায়াৰ ৰাজস্থান ৰয়েলছ আৰু গুজৰাট টাইটানছৰ মাজত অনুষ্ঠিত হ’ব। এলিমিনেটৰত যিদৰে নিউ চণ্ডীগড় খেলপথাৰত ৰাজস্থান ৰয়েলছে ছানৰাইজাৰ্ছ হায়দৰাবাদক পৰাস্ত কৰিছিল, ইয়াৰ পিছত কোৱালিফায়াৰ ২ আৰু অধিক আকৰ্ষণীয় হৈ পৰিছে। সকলোৰে দৃষ্টি আকৌ এবাৰ বৈভৱ সূৰ্যবংশীৰ ওপৰত, কিয়নো মেচখন নিউ চণ্ডীগড়তে অনুষ্ঠিত হৈছে। গুজৰাটৰ বিৰুদ্ধে কোৱালিফায়াৰ ২ৰ পূৰ্বে বৈভৱ সূৰ্যবংশীক লৈ এক ডাঙৰ দাবী কৰিছে। এই দাবী তেওঁৰ প্ৰশিক্ষক মনীষ ওজাই ৰাষ্ট্ৰীয় সংবাদ মাধ্যমৰ সৈতে হোৱা বাৰ্তালাপত প্ৰকাশ কৰে। তেওঁৰ মতে, যদি ৰাজস্থানে কোৱালিফায়াৰ ২ত জয়ী হয়, তেন্তে আই পি এল ২০২৬ত বৈভৱ সূৰ্যবংশীয়ে ৮০টা ছয় আৰু ৮০০ ৰানেৰে যাত্ৰাৰ অন্ত পেলাব পাৰে।
বৈভৱ সূৰ্যবংশীয়ে ৮০ টা ছয় কৰিব পাৰে!
বৈভৱ সূৰ্যবংশীৰ প্ৰশিক্ষক মনীষ ওজাৰ মতে, যদি ৰাজস্থান ৰয়েলছে গুজৰাট টাইটানছৰ বিৰুদ্ধে কোৱালিফায়াৰ ২ত জয়ী হয়, তেন্তে বৈভৱ সূৰ্যবংশীয়ে আই পি এল ২০২৬ ৰ অভিযানৰ অন্ত পেলাব ৮০টা ছয় আৰু ৮০০ ৰো অধিক ৰানেৰে। কোৱালিফায়াৰ ২ত ৰাজস্থান ৰয়েলছৰ জয়ৰ আশা প্ৰকাশ কৰে। অৱশ্যে বৈভৱৰ প্ৰদৰ্শন গুৰুত্বপূৰ্ণ বুলিও স্বীকাৰ কৰে। প্ৰশিক্ষকগৰাকীৰ মতে, বৈভৱৰ বেটিং যদি ফৰ্মত থাকে তেন্তে ৰাজস্থানক জয়ী হোৱাত কোনেও বাধা দিব নোৱাৰে।
এই কোৱালিফায়াৰ ২ত বৈভৱ সূৰ্যবংশীয়ে মুখামুখি হ’বলগীয়া বলাৰসকলৰ ভিতৰত আছে কাগিছ’ ৰাবাদা, মহম্মদ চিৰাজ, আৰু ৰছিদ খানৰ দৰে ডাঙৰ নাম। এই বলাৰৰ বিৰুদ্ধে বৈভৱৰ বেটিং সন্দৰ্ভত আলোচনা কৰোঁতে প্ৰশিক্ষক মনীষ ওজাই কয় যে, বৈভৱে বলাৰৰ প্ৰতি কোনো গুৰুত্ব নিদিয়ে। যি কৰিব লাগিব তাকেই কৰিব। বৈভৱৰ হাতত মাত্ৰ দুটা বিকল্প আছে: প্ৰথম, বলটো চাই আঘাত কৰা, তাক যোগ্যতা অনুসৰি ব্যৱহাৰ কৰা, আৰু দ্বিতীয়তে, খেলৰ পৰা বাহিৰ হোৱা। মনীষ ওজাই স্বীকাৰ কৰে যে, ৰাজস্থান ৰয়েলছৰ বেটিং বহু পৰিমাণে বৈভৱ সূৰ্যবংশী আৰু যশস্বী জয়ছোৱালৰ ওপৰত নিৰ্ভৰশীল। গতিকে এই দুগৰাকী বেটছমেনৰ প্ৰদৰ্শন অতি প্ৰয়োজনীয় হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
