আমেৰিকা যুক্তৰাষ্ট্ৰৰ পিউ ৰিচাৰ্চ চেণ্টাৰৰ এক সমীক্ষাত ৭৮ শতাংশ ভাৰতীয়ই পাকিস্তানক অপছন্দ কৰাৰ বিপৰীতে ২২ শতাংশই পাকিস্তানৰ প্ৰতি ইতিবাচক মতামত প্ৰকাশ কৰিছে। পিউ ৰিচাৰ্চ চেণ্টাৰৰ সমীক্ষা মতে ৯৩ শতাংশ পাকিস্তানী নাগৰিকৰ ভাৰতৰ প্ৰতি নেতিবাচক মনোভাৱ থকা বুলিও জানিব পৰা গৈছে। ভাৰতৰ হিন্দু আৰু মুছলমানসকলৰ পাকিস্তানৰ বিষয়ে পৃথক পৃথক মতামত আছে। পিউ ৰিচাৰ্চৰ সমীক্ষাত প্ৰকাশ পাইছে যে একাংশ ভাৰতীয় মুছলমানসকলৰ পাকিস্তানৰ প্ৰতি ইতিবাচক মতামত আছে, আনহাতে প্ৰায় ১০০% হিন্দুৰ পাকিস্তানৰ প্ৰতি নেতিবাচক মতামত আছে।
এই সমীক্ষাসমূহ চলিত বৰ্ষৰ ৮ ফেব্ৰুৱাৰীৰ পৰা ২৭ এপ্ৰিলৰ ভিতৰত ভাৰতৰ ৩,৫৬৬ জন প্ৰাপ্তবয়স্কৰ মাজত আৰু চলিত বৰ্ষৰ ৮ এপ্ৰিলৰ পৰা ৭ মে’ৰ ভিতৰত পাকিস্তানৰ ১,০৩৯ জন প্ৰাপ্তবয়স্কৰ মাজত কৰা হৈছিল। পাকিস্তানত এই সমীক্ষা ইৰাণ আৰু আমেৰিকাৰ মাজত চলি থকা যুদ্ধৰ সময়ত কৰা হৈছিল। এই সমীক্ষাৰ আন এক উল্লেখযোগ্য তথ্য হ’ল পাকিস্তানত আমেৰিকাৰ বিষয়ে ইতিবাচক মতামত বৃদ্ধি পাইছে।
পিউ ৰিচাৰ্চৰ সমীক্ষাটোত দেখা গৈছে যে প্ৰতি দহজন পাকিস্তানীৰ ভিতৰত প্ৰায় ৯ জনৰ ভাৰতৰ প্ৰতি মতামত বেয়া, প্ৰায় তিনি চতুৰ্থাংশ (৭৩%) লোকে তেওঁলোকৰ মতামতত ভাৰতৰ প্ৰতি মনোভাৱ অতি বেয়া বুলি প্ৰকাশ কৰে। পাকিস্তানৰ প্ৰতি ৭৮% ভাৰতীয়ৰ মতামত বেয়া হোৱাৰ বিপৰীতে ৬৫% ভাৰতীয়ৰ পাকিস্তানৰ বিষয়ে অতি বেয়া মতামত পোষণ কৰিছে। ইফালে হিন্দু (৬%)তকৈ মুছলমানসকল(২১%) ৰ পাকিস্তানৰ প্ৰতি মতামত বহু বেছি ধনাত্মক। ভাৰতীয় আৰু পাকিস্তানীসকলে সাধাৰণতে এই কথাত একমত যে তেওঁলোকৰ বাবে ভূ-ৰাজনৈতিক ক্ষেত্ৰত আটাইতকৈ ডাঙৰ ভাবুকি বুলি ইখন দেশে আনখন দেশকে গণ্য কৰে। আধাতকৈ অধিক ভাৰতীয়ই (৫৪%) পাকিস্তানক নিজৰ দেশৰ বাবে আটাইতকৈ ডাঙৰ ভাবুকি বুলি গণ্য কৰে আৰু ৪৩% পাকিস্তানীয়ে ভাৰতক একেধৰণৰ ভাবুকি বুলি গণ্য কৰে। ভাৰতীয় মুছলমানৰ প্ৰায় এক তৃতীয়াংশই (৩৪%) পাকিস্তানক আটাইতকৈ ডাঙৰ ভাবুকি বুলি গণ্য কৰে।
পিউ ৰিচাৰ্চৰ এক সমীক্ষাত প্ৰকাশ পাইছে যে ভাৰতীয়সকলেও চীনকো এক ডাঙৰ ভাবুকি বুলি গণ্য কৰে। ২১% লোকে চীনক ভাবুকি হিচাপে চিনাক্ত কৰিছে। ২৪% পাকিস্তানে ইজৰাইলক আটাইতকৈ ডাঙৰ ভাবুকি হিচাপে চিনাক্ত কৰাৰ বিপৰীতে ২৪% পাকিস্তানে আমেৰিকাক আটাইতকৈ ডাঙৰ ভাবুকি হিচাপে চিনাক্ত কৰিছে। তদুপৰি ৭৫% পাকিস্তানে চীনক তেওঁলোকৰ আটাইতকৈ ডাঙৰ মিত্ৰ হিচাপে চিনাক্ত কৰিছে আৰু ১২% লোকে চৌদি আৰৱৰ নাম উল্লেখ কৰিছে।
তদুপৰি প্ৰায় এক তৃতীয়াংশ ভাৰতীয় অৰ্থাৎ ৩৬% লোকে ৰাছিয়াক তেওঁলোকৰ আটাইতকৈ গুৰুত্বপূৰ্ণ মিত্ৰ হিচাপে চিনাক্ত কৰাৰ বিপৰীতে ১৬% ভাৰতীয়ই আমেৰিকাৰ নাম উল্লেখ কৰিছে। প্ৰায় এক তৃতীয়াংশ ভাৰতীয় এই প্ৰশ্নক লৈ মৌন হৈ থকা দেখা যায়। তদুপৰি ৫৮% ভাৰতীয়ৰ ৰাছিয়াৰ প্ৰতি ইতিবাচক মতামত আছে আৰু ৫১% ভাৰতীয়ই ৰাষ্ট্ৰপতি ভ্লাদিমিৰ পুটিনক বিশ্বাস কৰে। পিউ ৰিচাৰ্চে প্ৰকাশ কৰা অনুসৰি ৩৭খন দেশত কৰা এক সমীক্ষাত প্ৰকাশ পাইছে যে ৰাছিয়া আৰু পুটিনৰ প্ৰতি ভাৰতৰ ইতিবাচক মতামত সৰ্বোচ্চ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
