অষ্টম দৰমহা আয়োগ কাৰ্যকৰী হোৱাৰ পাছত অৱসৰপ্ৰাপ্ত কৰ্মচাৰীৰ পেঞ্চন বন্ধ হ’ব নেকি? এনে বহু বাৰ্তা ছচিয়েল মিডিয়াত ভাইৰেল হৈ পৰিছে। এতিয়া ৰাষ্ট্ৰীয় পৰিষদৰ ষ্টাফ চাইডৰ সাধাৰণ সম্পাদক শিৱ গোপাল মিশ্ৰই এই বিষয়ে তথ্য দিছে। তেওঁ এনে বাতৰিক সম্পূৰ্ণ মিছা বুলি অভিহিত কৰিছে।
শনিবাৰে এক্সত প্ৰকাশ কৰা ভিডিঅ’ মেছেজত শিৱ গোপাল মিশ্ৰই কয় যে বহু পেঞ্চনাৰ লোকে তেওঁৰ সৈতে পোনপটীয়াকৈ যোগাযোগ কৰি ভাইৰেল মেছেজৰ তথ্য বিচাৰিছে। এই দাবীসমূহৰ কোনো সত্যতা নাই বুলি তেওঁ স্পষ্ট কৰি দিয়ে।
পেঞ্চন বন্ধ হোৱাৰ খবৰ সম্পূৰ্ণ মিছা
মিশ্ৰই উল্লেখ কৰে যে তেওঁৰ নামত ছ’চিয়েল মিডিয়াত বাৰ্তা প্ৰচাৰ কৰা হৈছে, য’ত দাবী কৰা হৈছে যে কিছুমান পেঞ্চনাৰৰ পেঞ্চন বন্ধ কৰা হ’ব বা ২০২৬ চনৰ পিছত অৱসৰ লোৱা কৰ্মচাৰীয়েহে পেঞ্চন আৰু পুনৰীক্ষণৰ সুবিধা লাভ কৰিব। এই সকলোবোৰ দাবী সম্পূৰ্ণ ভিত্তিহীন বুলি উল্লেখ কৰি তেওঁ পেঞ্চনাৰসকলক এনে খবৰ বিশ্বাস নকৰিবলৈ আহ্বান জনায়।
পেঞ্চনৰ বিষয়ত চলি থকা আলোচনা
মিশ্ৰৰ মতে, পেঞ্চন সম্পৰ্কীয় বিষয়সমূহ সম্প্ৰতি অষ্টম দৰমহা আয়োগত চৰ্চা চলি আছে। তেওঁ আশা প্ৰকাশ কৰে যে পেঞ্চন, সেয়া পূৰ্বে অৱসৰপ্ৰাপ্ত হওক বা ভৱিষ্যতে অৱসৰপ্ৰাপ্ত হওক, সকলোৰে বাবে উপলব্ধ হৈ থাকিব, আৰু সময়ৰ লগে লগে ইয়াৰ উন্নতি অব্যাহত থাকিব।
চৰকাৰী তথ্যৰ ওপৰত নিৰ্ভৰ কৰক
শিৱ গোপাল মিশ্ৰই কয় যে যিবোৰ ছ’চিয়েল মিডিয়া চেনেলৰ পৰা এনে বিভ্ৰান্তিকৰ খবৰ প্ৰচাৰ হৈছে সেইবোৰক বাধা দিয়াৰ কোনো উপায় নাই। অৱশ্যে তেওঁ পেঞ্চনাৰসকলক কেৱল ইউনিয়নৰ অফিচিয়েল হেণ্ডেলৰ পৰা প্ৰকাশ পোৱা তথ্যহে বিশ্বাস কৰিবলৈ পৰামৰ্শ দিয়ে। তেওঁ লগতে কয় যে অন্য চেনেলৰ জৰিয়তে বিভ্ৰান্তিকৰ বাৰ্তা প্ৰচাৰ হোৱাত গুৰুত্ব দিয়াৰ প্ৰয়োজন নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
