গুৰুগ্ৰামৰ গলফ কোৰ্চ ৰোডত বাইকাৰ ছিয়াৰ সৈতে সংঘটিত হৈছে ভয়ংকৰ কাণ্ড। এই দুৰ্ঘটনাৰ সাক্ষী আছিল এখন বাইক, কেমেৰা আৰু ৰেকৰ্ডিং। তেওঁৰ বাইকখনৰ একচন কেমেৰাটোৱে সকলো বন্দী কৰি ৰাখিছিল। ভিডিঅ’টোত দেখা গৈছে গাড়ীখনে বাইকখনৰ কাষ চাপি অহাৰ পিছত সংঘৰ্ষৰ কৰি পিছত পলায়ন কৰে। এই ভিডিঅ’টো ছ’চিয়েল মিডিয়াত ভাইৰেল হৈ পৰিছে, ফলত এই ঘটনাটো কেৱল সাধাৰণ পথ দুৰ্ঘটনা হৈ নাথাকিল। ইয়াক প্ৰায় ৯৬ লাখ দৰ্শকে চাইছিল আৰু সকলোৱে হেচটেগ ব্যৱহাৰ কৰি আৰক্ষীৰ ব্যৱস্থা গ্ৰহণৰ দাবী জনায়।
গুৰুগ্ৰাম আৰক্ষীয়ে ভাইৰেল ভিডিঅ’টোৰ প্ৰতি লক্ষ্য ৰাখি অভিযুক্তৰ সন্ধানত অভিযান আৰম্ভ কৰে। ইয়াৰ পিছতে ৰাজস্থানৰ দৌছাত কল্যাণ বেনছলক গ্ৰেপ্তাৰ কৰা হয় আৰু হত্যাৰ চেষ্টাৰ অভিযোগো উত্থাপন কৰা হৈছে। এই অপৰাধ পোহৰলৈ অনাত কেমেৰা আৰু ছ’চিয়েল মিডিয়াই গুৰুত্বপূৰ্ণ ভূমিকা পালন কৰে।
১৩ ছেপ্টেম্বৰৰ পুৱা প্ৰায় ৭:০০ বজাত গুৰুগ্ৰামৰ গলফ কোৰ্চ ৰোডত সংঘটিত হয় এই ঘটনা। ছিয়াই ঘটনাটোৰ বিষয়ে কয় যে: “মই দেওবাৰে প্ৰায়ে বাইক চলাওঁ। মই গলফ কোৰ্চ ৰোডত গৈ আছিলো। মই কেতিয়াও লক্ষ্য কৰা নাছিলো যে মোৰ কাষেৰে কোনবোৰ বাহন চলি আছে। মই চলাই থাকোঁতে এখন গাড়ী মোৰ কাষেৰে অতি তীব্ৰ বেগেৰে পাৰ হৈ যায়। মই ভাবিছিলো যে তেওঁ হয়তো খৰখেদা কৰিছে, ইমান বেগেৰে গাড়ী চলাইছে। তাৰ পিছত গাড়ীখনৰ গতি লেহেমীয়া কৰি মোৰ পিছফালে আহিল। তাৰ পিছত তেওঁ মোক ৰ’বলৈ ক’লে আৰু মই আতংকিত হৈ পৰিলোঁ। তেওঁলোক মোৰ বাইকৰ কাষ চাপি আহিছিল, আৰু মোক ঢাকিয়াবলৈ চেষ্টা কৰিলে। তাৰ পিছত তেওঁলোকৰ বগা বাহনখেনেৰে মোক খুন্দিয়াই পলায়ন কৰে।
কেমেৰা কেনেকৈ সাক্ষী আৰু প্ৰমাণ হৈ পৰিল?
GoPro কেমেৰা কেৱল একচন ৰেকৰ্ডিং কৰাৰ বাবে এটা সাধাৰণ গেজেট নহয়। কেতিয়াবা, এটা গোচৰৰ ই এক গুৰুত্বপূৰ্ণ সাক্ষী হৈ পৰে। চাওক এই GoPro কেমেৰা আৰু ছ’চিয়েল মিডিয়াই কেনেদৰে গোচৰটো ত্বৰান্বিত কৰিলে। ২০২৪ চনত গুৰুগ্ৰামৰ গলফ কোৰ্চ ৰোডত এখন এছ ইউ ভিৰ খুন্দাত ২১ বছৰীয়া বাইকাৰ অক্ষত গাৰ্গৰ মৃত্যু হৈছিল। ভুল ফালৰ পৰা বেগেৰে গৈ আছিল এছ ইউ ভিখন। সমগ্ৰ ঘটনাটো অক্ষতৰ বন্ধুৰ হেলমেটত লগোৱা GoPro কেমেৰাত লাইভ ৰেকৰ্ডিং কৰা হৈছিল। প্ৰাৰম্ভিক শিথিলতাৰ পিছত ছ’চিয়েল মিডিয়াত ভাইৰেল হৈ গ’প্ৰ’ৰ ফুটেজ মূল প্ৰমাণ হৈ পৰিল আৰু আৰক্ষীয়ে অভিযুক্তৰ বিৰুদ্ধে কঠোৰ ধাৰাত ব্যৱস্থা ল’বলগীয়া হয়।
(এই তথ্য যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
