প্ৰথমে বন্ধুত্বৰ জৰিয়তে চিনাকি, তাৰ পিছত যৌ*ন নি*ৰ্যাতন আৰু অ*শ্লীল ছবি-ভিডিঅ’ ভাইৰেল কৰাৰ ভাবুকি। মুম্বাইৰ কাণ্ডীৱলীত সংঘটিত এই ঘটনাই সৃষ্টি কৰিছে তীব্ৰ চাঞ্চল্য। গোচৰটোৰ তদন্তক লৈ বিজেপি নেতা কিৰিট সোমায়াইও প্ৰকাশ কৰিছে অসন্তুষ্টি।
মহাৰাষ্ট্ৰৰ মুম্বাইৰ কাণ্ডীৱলী পূবত এগৰাকী ১৩ বছৰীয়া কিশোৰীক দলবদ্ধ ধ*ৰ্ষণ কৰাৰ অভিযোগ উত্থাপন হৈছে। এই ঘটনাক কেন্দ্ৰ কৰি সমগ্ৰ অঞ্চলটোত তীব্ৰ চাঞ্চল্যৰ সৃষ্টি হৈছে। আৰক্ষীয়ে এই পৰ্যন্ত চাৰিজন অভিযুক্তক গ্ৰেপ্তাৰ কৰিছে। আন পাঁচজন অভিযুক্ত পলাতক অৱস্থাত আছে বুলি জানিব পৰা গৈছে। পলাতক অভিযুক্তকেইজনৰ সন্ধানত আৰক্ষীয়ে অভিযান অব্যাহত ৰাখিছে।
অভিযোগ অনুসৰি, প্ৰথমে চিনাকি আৰু বন্ধুত্বৰ জৰিয়তে কিশোৰীগৰাকীৰ সৈতে অভিযুক্তসকলে সম্পৰ্ক গঢ়ি তুলিছিল। তাৰ পিছত কিশোৰীগৰাকীক যৌ*ন নিৰ্যাতন চলোৱাৰ অভিযোগ উত্থাপন হৈছে। আনকি ভুক্তভোগীৰ অশ্লী*ল ফটো আৰু ভিডিঅ’ প্ৰচাৰ কৰাৰ ভাবুকি দি বাৰে বাৰে নিৰ্যাতন চলোৱা হৈছিল বুলিও অভিযোগ কৰা হৈছে।
ঘটনাটো কাণ্ডীৱলী পূবৰ হনুমান নগৰ অঞ্চলত সংঘটিত হোৱা বুলি জানিব পৰা গৈছে। এই ঘটনাক লৈ বিজেপি নেতা কিৰিট সোমায়াই আৰক্ষীৰ তদন্তৰ ওপৰত প্ৰশ্ন উত্থাপন কৰিছে। ইফালে, বজৰং দলে ঘটনাটোক ‘লাভ জেহাদ’ৰ সৈতে জড়িত বুলি দাবী কৰি অভিযুক্তসকলৰ বিৰুদ্ধে কঠোৰ ব্যৱস্থা গ্ৰহণৰ দাবী জনাইছে। অৱশ্যে এই সন্দৰ্ভত আৰক্ষীৰ তদন্ত অব্যাহত আছে।
প্ৰাথমিক তথ্য অনুসৰি, এগৰাকী মহিলা চিনাকিৰ জৰিয়তে নাবালিকাগৰাকীৰ সৈতে কেইজনমান যুৱকৰ পৰিচয় ঘটিছিল। প্ৰথম অৱস্থাত বন্ধুত্ব গঢ়ি তোলাৰ পিছত অভিযুক্তসকলে কিশোৰীগৰাকীৰ ওপৰত যৌ*ন নিৰ্যাতন চলাবলৈ আৰম্ভ কৰে বুলি অভিযোগ উঠিছে। অভিযোগ অনুসৰি, অভিযুক্তসকলে কিশোৰীগৰাকীৰ অ*শ্লীল ফটো আৰু ভিডিঅ’ সংগ্ৰহ কৰিছিল। এই ছবি আৰু ভিডিঅ’ ছ’চিয়েল মিডিয়াত ভাইৰেল কৰি দিয়াৰ ভাবুকি দি তেওঁক বাৰে বাৰে যৌ*ন নিৰ্যাতনৰ বলি কৰা হৈছিল।
এই ঘটনাৰ সৈতে জড়িত ৪ অভিযুক্তক আৰক্ষীয়ে গ্ৰেপ্তাৰ কৰিছে। আন ৫ অভিযুক্তৰ সন্ধানত আৰক্ষীয়ে তদন্ত আৰু অভিযান অব্যাহত ৰাখিছে। অৱশ্যে ঘটনাটোৰ সৈতে জড়িত সকলো তথ্য এতিয়াও তদন্তাধীন। এই গুৰুতৰ ঘটনাক লৈ বিজেপি নেতা কিৰিট সোমায়াই আৰক্ষীৰ তদন্তৰ প্ৰক্ৰিয়াত অসন্তুষ্টি প্ৰকাশ কৰিছে। তেওঁ ভুক্তভোগী কিশোৰীগৰাকীৰ সৈতে কথা পতাৰ লগতে আৰক্ষী বিষয়াসকলৰ সৈতেও বিষয়টো আলোচনা কৰা বুলি জানিবলৈ দিছে।
সোমায়াই মহাৰাষ্ট্ৰৰ মুখ্যমন্ত্ৰী আৰু আৰক্ষী আয়ুক্তক গোচৰটোৰ তদন্তৰ দায়িত্ব এজন জ্যেষ্ঠ আৰক্ষী বিষয়াৰ হাতত অৰ্পণ কৰিবলৈ আহ্বান জনাইছে। তেওঁৰ মতে, এইটো এটা অতি গুৰুতৰ দলবদ্ধ ধ*ৰ্ষণৰ গোচৰ। সেয়েহে তদন্ত কেৱল ইতিমধ্যে গ্ৰেপ্তাৰ হোৱা অভিযুক্তসকলৰ মাজতে সীমাবদ্ধ থাকিব নালাগে। ঘটনাৰ সৈতে জড়িত প্ৰতিজন ব্যক্তিক চিনাক্ত কৰি তেওঁলোকৰ বিৰুদ্ধে কঠোৰ ব্যৱস্থা গ্ৰহণ কৰিব লাগে।
ইয়াৰ উপৰি অভিযুক্তসকলৰ সম্পত্তি জব্দ কৰাৰ দাবী জনোৱাৰ লগতে ঘটনাটোৰ আঁৰত কোনো বৃহত্তৰ ষড়যন্ত্ৰ আছে নেকি, সেই দিশটোও তদন্ত কৰিবলৈ আহ্বান জনায় বিজেপি নেতাগৰাকীয়ে।
গোচৰটোক লৈ কিৰিট সোমায়াই আন এক গুৰুত্বপূৰ্ণ প্ৰশ্ন উত্থাপন কৰিছে। তেওঁৰ আশংকা, এই ঘটনাত কেৱল বৰ্তমান গ্ৰেপ্তাৰ হোৱা আৰু পলাতক অভিযুক্তসকলেই জড়িত নে, ইয়াৰ আঁৰত আন কোনো লোকো আছে? অভিযুক্তসকলে আন কোনো কিশোৰী বা যুৱতীকো একেধৰণে লক্ষ্য কৰি লৈছিল নেকি, সেই বিষয়টোও আৰক্ষীয়ে গুৰুত্বসহকাৰে তদন্ত কৰা উচিত বুলি তেওঁ মত প্ৰকাশ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
